មាមីងខ្មែរឃុំហ្វាឡើយចូលរួមអនុវត្តការងារសប្បុរសធម៌សង្គម

លោកស្រី តូធីធូយ៉ឹង ប្រធានគណៈកម្មាធិការប្រជាជនឃុំហ្វាឡើយបានឱ្យដឹងថា៖ ចាប់តាំងពីអនុវត្តសារាចររបស់មជ្ឈិម របស់ខេត្ត  បង្កើនការបង្ការទប់ស្កាត់អាសន្នរោគកូវីដ‑១៩ មាមីងលើភូមិសាស្រ្តតែងមានមនោសញ្ចេតនា ក្នុងការជួយចែករំលែកដល់បណ្តាស្ថានភាពលំបាក។ ជាពិសេសគឺ​បណ្តាស្ថានភាពកំពុងត្រូវការជួយឧបត្ថម្ភ ស្ថានភាពបាត់បង់ការងារធ្វើ។ បណ្តាទង្វើរប​ស់មាមីងបានបញ្ជាក់ឱ្យ ឃើញថាមានការរួមចិត្ត​រួមគំនិតជាមួយរដ្ឋអំណាចមូលដ្ឋានធ្វើល្អ​ការងារបង្ការ ទប់ស្កាត់អាសន្នរោគលើភូមិសាស្រ្ត ប្រជាជនមិនធ្វើដំណើរទៅកន្លែងជាច្រើន​ដើម្បីទិញបណ្តាប្រភេទ ស្បៀងអាហារ។

បងស្រីគាងធីពេជ្រ(កណ្តាល)​រួមជាមួយប្តីជូនអំណោយដល់គ្រួសារក្រីក្រ។

គិតដោយឡែកតែក្នុងលើកអនុវត្តគម្លាតសង្គម មានគ្រួសារមាមីងដែលមានជីវភាព​ធូរធាជាង ២០ គ្រួ ក្នុងនោះមានគ្រួសារជនរួមជាតិខ្មែរលើភូមិសាស្រ្តបានចាត់តាំងជូនអំ​ណោយជាង ២.០០០ ចំណែក ដល់មាមីងក្រីក្រ គ្រួសារលំបាករួមមាន អង្ករ ទឹកស៊ីអ៊ីវ ស្ករ ប៊ីចេង គិតជាតម្លៃទឹកប្រាក់ជាង ៤០០ លានដុង។ល។​       គ្រួសារបងស្រីគាងធីពេជ្រ នៅភូមិក្នុងស្រុក ជាគ្រួសារមួយក្នុងចំណោមគ្រួសារតែង​យកចិត្ត ទុកដាក់ដល់ជីវភាពរបស់មាមីង ក្រីក្រលើភូមិសាស្រ្ត។ គ្រួសារបងស្រីបានរួមជាមួយបងប្អូនរបស់ខ្លួនជូនអំណោយចំនួន ២៥០ ចំណែក រួមមានអង្ករ មី ប៊ីចេង ទឹកស៊ីអ៊ីវ។ល។ ដល់មាមីងក្រីក្រ ក្នុងអំណោយមួយចំណែកៗគិតជាតម្លៃ ២០០.០០០ ដុង។

បងស្រីគាងធីពេជ្រ បានឱ្យដឹងថា៖ ដឹងបានថាការជូនអំណោយក្នុងពេលនេះ បើសិន​មិនថ្លឹងថ្លែងឱ្យបានហ្មត់ចត់នោះនឹងបំពានទៅលើការកំណត់អំពីការបង្ការ ទប់ស្កាត់អាសន្ន​រោគ ក្នុងនោះមានការផ្តុំគ្នាច្រើន។ ម៉្លោះហើយនៅមុនពេលជូនអំណោយដល់មាមីង គ្រួសារក៏ជម្រាបដល់គណៈកម្មាធិការប្រជាជនឃុំដើម្បីសុំយោបល់ចង្អុលការ។ ក្រោយ​ពេលបានការអនុញ្ញាតរបស់រដ្ឋអំណាចមូលដ្ឋាន ខ្ញុំគោរពតាមយ៉ាងម៉ឹងម៉ាត់បណ្តាការ​កំណត់អំពីការបង្ការ ទប់ស្កាត់អាសន្នរោគ។ ការចាត់តាំងជូនអំណោយ ចំនួន ២៥០ ចំណែកគឺមិនផ្តុំគ្នាច្រើន មាមីងអញ្ជើញមកទទួលយកអំណោយពីគ្រួសារខ្ញុំតាមលំដាប់ម្នាក់ៗ និងមានការចូលរួមធ្វើជាសាក្សីរបស់រដ្ឋអំណាចមូលដ្ឋាន។ មិនត្រឹមតែលើកបង្ការ ទប់ស្កាត់អាសន្នរោគកូវីដ‑១៩ នេះឡើយ ក្នុងមួយឆ្នាំគ្រួសារខ្ញុំតែងជូនអំណោយដល់បណ្តាស្ថានភាពលំបាកពី ២‑៣ លើក ក្នុងមួយលើកៗជាង ១០០ ចំណែកដល់មាមីងនៅក្នុងភូមិ។

លោកស្រីតូធីធូយ៉ឹង បានឱ្យដឹងបន្ថែមទៀតថា គ្រួសារបងស្រីគាងធីពេជ្ររស់នៅ​ស្រុះស្រួលជាមួយអ្នកជិតខាង បណ្តាគ្រួសារដែលលំបាកត្រូវការគ្រួសារបងស្រីជួយឧបត្ថម្ភ​នោះ បងស្រីស្ម័គ្រចិត្តជួយឧបត្ថម្ភដើម្បីជួយសម្រាលការលំបាកក្នុងជីវភាព។ ក្នុងបណ្តា​លើកបំផុសចលនាកសាងបណ្តាចលនាបង្កបណ្តាមូលនិធិនៅមូលដ្ឋាន គ្រួសារបងស្រីតែងសកម្មរួមបំពេញ ជួយឱ្យភូមិសម្រេច​តាមកម្រិតផែនការ ដាក់ចេញ។

បច្ចុប្បន្ន ការងារសប្បុរសធម៌សង្គមចែករំលែកការលំបាក​ដល់បណ្ដាស្ថានភាពលំបាក បានក្លាយជាចលនារួមរបស់បណ្តាគ្រួសារដែល​មានលក្ខណៈស្មារតី “ជួយគ្នានៅគ្រាក្រ”ដើម្បីរួមគ្នាឆ្លង​កាត់មហាសន្នរោគ។ ចំនួនលេខដែលយើងខ្ញុំក្ដាប់បានខាងលើនេះចំពោះតែបណ្តាគ្រួសារ​ជូនអំណោយដោយចំនួនរាប់សិបចំណែកដល់ទៅរាប់រយចំណែក និងមានការជម្រាបជូនដំណឹងដល់រដ្ឋអំណាចមូលដ្ឋាន ។  ទន្ទឹមនឹង នោះ នៅមានបណ្តាគ្រួសារ “បានតិចឧបត្ថម្ភតិច”​ តាមសមត្ថភាពរបស់ខ្លួនជាមួយបំណងជួយគ្នាឆ្លងកាត់ដំណាក់កាលលំបាកនេះ គាប់ជួនមាមីងដាំបានផលបន្លែ ហើយឮថាមានបណ្តាគ្រួសារលំបាកមានតម្រូវការនោះ ពួក​គាត់មិនលក់ឡើយ គឺយកទៅជូនដល់បណ្តាគ្រួសារលំបាកដើម្បីធ្វើល្អការងារបង្ការ ទប់ស្កាត់អាសន្នរោគ “នរណានៅទីណា​នៅទីនោះ” មិនចាកចេញទៅមូលដ្ឋានដទៃដោយហេតុតែមានតម្រូវការពីស្បៀងអាហារ៕   

អត្ថបទ-រូបថត៖ សម្បត្តិ