ផ្ទះទីពីរដ៏កក់ក្តៅរបស់សិស្សជនជាតិខ្មែរ

ម៉ោងរៀនមុខវិជ្ជាគណិតរបស់ថ្នាក់ទី ១១ A នៃសាលាសកលជនជាតិអន្តេវាសិកវិទ្យាល័យខេត្តត្រាវិញ។

      លោកគ្រូចាន់តាណា ចាងហ្វាងសាលាសកលជនជាតិអន្តេវាសិកវិទ្យាល័យខេត្តត្រាវិញឱ្យដឹងថា៖ សាលាតែងតែបង្កលក្ខណៈល្អបំផុតសម្រាប់សិស្សានុសិស្សមានទំនុកចិត្តក្នុងការសិក្សា និងការប្រជុំជីវភាព។ ក្រៅពីការសិក្សាមុខវិជ្ជាកំណត់ក្នុងកម្មវិធីក្របខ័ណ្ឌ សាលាក៏បានចាត់តាំងសកម្មភាពក្រៅកម្មវិធីសិក្សាជាច្រើន ដើម្បីជួយឱ្យសិស្សអនុវត្តមុខជំនាញ និងអភិវឌ្ឍគ្រប់វិស័យ។ ទន្ទឹមនឹងនោះ​ ប្អូនៗក៏បានផ្តល់អាហារូបករណ៍ប្រចាំខែស្មើនឹង ៨០% នៃប្រាក់បៀវត្សរ៍មូលដ្ឋាន និងមិនចាំបាច់បង់ថ្លៃអ្វីឡើយ ដោយការឧបត្ថម្ភរបស់រដ្ឋ។

      ទន្ទឹមនឹងការសិក្សាក្នុងថ្នាក់ សិស្សអាចចូលរួមក្នុងសកម្មភាពវប្បធម៌ កីឡា និងសិល្បៈដែលសម្ព័ន្ធយុវជនសាលាបានចាត់តាំងឡើង។ ជាពិសេស ពិធីបុណ្យប្រពៃណីដូចជា៖ បុណ្យអកអំបុក និងបុណ្យចូលឆ្នាំថ្មី ជួយឱ្យសិស្ស​សម្រាប់អនុវត្តបំណិនជីវិត ស្មារតីសាមគ្គី និងលើកកម្ពស់មោទនភាពជាតិ។ ជាពិសេស សាលាក៏បានយកចិត្តទុកដាក់ ក្នុងការបង្រៀនអក្សរសាស្ត្រខ្មែរ និងចូលរួមសិល្បៈប្រជាប្រិយ។ នេះជាវិធីសម្រាប់សិស្សានុសិស្ស អភិរក្ស និងពង្រីកភាសា វប្បធម៌ ប្រពៃណី និងពង្រីកទេពកោសល្យសិល្បៈ។

      លោកគ្រូ គឹមសុវណ្ណ លេខាសម្ព័ន្ធយុវជនសាលាឱ្យដឹងថា៖ សម្ព័ន្ធយុវជនសាលាតែងតែពិគ្រោះជាមួយគណៈចាងហ្វាងសាលា សាខាបក្សដើម្បីចាត់តាំងសកម្មភាពចលនា ជួយឱ្យសិស្សផ្លាស់ប្តូរបន្ទាប់ពីម៉ោងរៀននឿយហត់។សម្ព័ន្ធយុវជនសាលាតែងតែ បញ្ចូលសកម្មភាពវប្បធម៌ទៅក្នុងជីវិតសាលារៀន។ អាស្រ័យហេតុនេះ ជួយសិស្សានុសិស្សមិនត្រឹមតែយល់កាន់តែច្បាស់ពីប្រពៃ ណីជាតិប៉ុណ្ណោះទេ ថែមទាំងមានឱកាស ក្នុងការបញ្ចេញទេពកោសល្យរបស់ពួកគេ និងលើកកម្ពស់ការច្នៃប្រឌិត។

សិស្សានុសិស្សសាលាសកលជនជាតិអន្តេវាសិកក្នុងម៉ោងញ៉ាំអាហារសមូហភាពពេលថ្ងៃត្រង់នៃសាលាសកលជនជាតិអន្តេវាសិកវិទ្យាល័យខេត្តត្រាវិញ។

       រាល់សកម្មភាពក្រៅកម្មវិធីសិក្សាដូចជា៖ សកម្មភាពក្លឹបរាត្រីថ្ងៃសៅរ៍ ឬការសម្ដែងឧបករណ៍ភ្លេងប្រពៃណីបានរួមចំណែក​បង្កើតជាលក្ខណ

   ពិសេសរបស់សាលា។ នេះក៏ជាវិធីជួយឱ្យសិស្សមានទំនុកចិត្ត ក្លាហានក្នុងការប្រាស្រ័យទាក់ទង និងបង្ហាញពីខ្លួនឯងផង ដែរ។ ទន្ទឹមនឹងនោះ រួមជាមួយសកម្មភាពកីឡាដូចជា៖ លេងបាល់ទះ បាល់ទាត់ និងវាយសី តែងតែបង្កើតឱកាសសម្រាប់សិស្សាក្នុងការអភិវឌ្ឍន៍គ្រប់ជ្រុងជ្រោយ និងកសាងមិត្តភាពយូរអង្វែង។

   ប្អូន កៀងធីអ៊ុកយ៉េវ​ សិស្សថ្នាក់ទី ១១D ឱ្យដឹងថា៖ការរស់នៅជាអន្តេវាសិកជួយឲ្យប្អូនមានភាពចាស់ទុំ និងយល់ដឹងជាងមុន។ ប្អូនអាចសម្អាតបន្ទប់ជាមួយមិត្តភក្តិ ញ៉ាំអាហារ អបអរខួបកំណើតដោយចៃដន្យ ឬរួមគ្នាដងទឹកនៅពេលដែលអន្តេវាសិកដាច់ទឹក បង្កើតជាចំណងមិត្តភាព។

   ចំណែកប្អូន យឿងម៉ិនត្វឹង ជាសិស្សថ្នាក់ទី ១០ A ឱ្យដឹងបន្ថែម៖ ពេលចូលសាលាដំបូង ប្អូនមានការព្រួយបារម្ភខ្លាំងណាស់ ព្រោះនៅឆ្ងាយពីគ្រួសារ។ ប៉ុន្តែដោយសារការយកចិត្តទុកដាក់ពីលោកគ្រូ អ្នកគ្រូ និងការលើកទឹកចិត្តពីមិត្តភ័ក្ដិ ប្អូនទទួល យកបន្តិចម្តងៗ ហើយចាត់ទុកកន្លែងនេះដូចជាផ្ទះរបស់ប្អូន។

   អ្នកគ្រូ ហឿធីតាមអាយ ចាងហ្វាងរងសាលាអន្តេវាសិកចែករំលែកថា៖ សាលាមិនត្រឹមតែគ្រប់គ្រងការរៀនសូត្រ និងសកម្មភាពរបស់ប្អូនៗ ប៉ុណ្ណោះទេ ថែមទាំងថែរក្សាជីវិត និងស្មារតីរបស់ប្អូនៗ។ លោកគ្រូ អ្នកគ្រូ និងគណៈចាងហ្វាងសាលាអន្តេវាសិកនៅទីនេះចាត់ទុកប្អូនៗ ដូចជាកូនចៅនៅក្នុងផ្ទះ ហើយតែងតែព្យា យាមបង្កើតឱ្យមានភាពស្និទ្ឋស្នាលនិងជិតស្និទ្ឋដើម្បីឱ្យប្អូនៗមានអារម្មណ៍កក់ក្តៅដូចនៅផ្ទះ។​ប្អូនៗរៀនរស់នៅជាសមូហភាព ចែករំលែក និងជួយគ្នាទៅវិញទៅមក ដោយហេតុនេះ អភិវឌ្ឍន៍ទំនុកចិត្ត ការសម្របខ្លួន និងស្មារតីទទួលខុសត្រូវ។ ចំពោះឪពុកម្តាយ មានជំនឿក្នុងការបញ្ជូនកូនរបស់យើងទៅសាលារៀនមិនត្រឹមតែជាការរំពឹងទុកនៃចំណេះដឹងប៉ុណ្ណោះទេ ថែមទាំងមានជំនឿលើបរិស្ថានអប់រំល្អផងដែរ។

    បង កៀងអូមរ៉ង់ ឃុំហ្វាឡើយ ស្រុកចូវថាញ់ បាននិយាយថា៖ ដំបូង ខ្ញុំមានការព្រួយបារម្ភថាតើកូនខ្ញុំនឹងទទួលយក បរិស្ថានជាសមូហភាពបានឬអត់។ ប៉ុន្តែ បន្ទប់ពីការស្រាវជ្រាវ ខ្ញុំឃើញថាសាលាមានបទប្បញ្ញត្តិគ្រប់គ្រងយ៉ាងតឹងរ៉ឹង ម៉ោងសិក្សាម៉ឺងម៉ាត់ និងម្ហូបអាហារពេញលេញ។​ ក្នុងរយៈពេលនៅសាលាអន្តេវាសិក កូនរបស់ខ្ញុំបានរៀនរបៀបរស់នៅដោយខ្លួន ឯងទីពឹងខ្លួនឯង និងបង្កើតបានគំនិត ទទួលខុសត្រួវ។ នេះពិតជាផ្ទះរួមដែលចិញ្ចឹមបីបាច់អនាគតសម្រាប់សិស្សជនជាតិខ្មែរ។

  ឆ្លងកាត់ការកសាងនិងអភិវឌ្ឍជាច្រើនឆ្នាំមក​ សាលាសកលជនជាតិអន្តេវាសិកវិទ្យាល័យខេត្តត្រាវិញបាន និងកំពុងអះ អាងជំហររបស់ខ្លួនថាជានិច្ចកាលជា ”ផ្ទះទីពីរ”  របស់សិស្សានុសិស្ស។ សង្ឃឹមថា​ ជាមួយនឹងមូលដ្ឋានគ្រឹះដ៏រឹងមាំនិងសេចក្តីស្រឡាញ់ពីសាលានេះប្អូនៗនឹងមានទំនុកចិត្តសម្រេចនូវក្តីសុបិននិងរួមចំណែកក្នុងការអភិវឌ្ឍន៍ជាតិ៕អត្ថបទ‑រូបថត៖​ សុខា