ស្រុកទីវកឹង៖ បង្កលក្ខណៈងាយស្រួលដើម្បីជនរួមជាតិខ្មែររីកចម្រើន

ទម្រង់ដាំដំណាំរបស់មាមីងជនរួមជាតិខ្មែរនៅស្រុកទីវកឹង។

ជារៀងរាល់ឆ្នាំ យោងលើមូលដ្ឋានប្រភពទុនដែលបានបែងចែក និងយោងលើទិសដៅពង្រីកសេដ្ឋកិច្ច-សង្គម ស្រុកទីវកឹងបានគួបផ្សំជាមួយបណ្តាកម្មវិធីគោលដៅជាតិដូចជា៖ កសាងជនបទថ្មី កាត់បន្ថយភាពក្រីក្រស្ថិភាព កម្មវិធីគោលដៅជាតិ ពង្រីកសេដ្ឋកិច្ច-សង្គមតំបន់ជនជាតិភាគតិច និងតំបន់ភ្នំដំណាក់កាល ២០២១-២០៣០ ដំណាក់កាលទី ១ ពីឆ្នាំ ២០២១- ២០២៥ (កម្មវិធីលេខ ១៧១៩) ក្នុងការវិនិយោគកសាងហេដ្ឋារចនាសម្ព័ន្ធជនបទ  បានឧបត្ថម្ភដល់ការពង្រីកសេដ្ឋកិច្ច-សង្គម។ល។ ក្នុងស្រុកដែលមានអត្រាជនរួមជាតិខ្មែរជាង ៣២%។

ជាភូមិមួយដែលមានជនរួមជាតិខ្មែររស់នៅជាង ៩៥% អាស្រ័យអនុវត្តល្អគោលនយោបាយជនជាតិអំពីការលុបបំបាត់ភាពក្រីក្រ និងឧបត្ថម្ភពង្រីកសេដ្ឋកិច្ច-សង្គម គិតមកដល់បច្ចុប្បន្ន ភូមិដៃទទឹង ឃុំតឹបង៉ាយ នៅមានគ្រួសារក្រីក្រតែ ០១ គ្រួប៉ុណ្ណោះ។

លោក ថាច់រង់ លេខាសាខាបក្សភូមិដៃទទឹងបានឲ្យដឹង៖ កន្លងហើយ ភូមិតែងរួមដំណើរជាមួយជនរួមជាតិខ្មែរ ដើម្បីពង្រីកការផលិត រួមជាមួយការឱ្យបុលប្រាក់ទុនពីការអនុវត្តន៍គោលនយោបាយជនជាតិ មកដល់បច្ចុប្បន្ន ជីវភាពរស់នៅរបស់ជនរួមជាតិខ្មែរមានភាពធូរធា។

ផ្លូវគមនាគមន៍ជនបទនៅស្រុកទីវកឹង។

សមមិត្ត ត្រឹងវ៉ាំងឡា អនុប្រធានការិយាល័យជនជាតិ និងសាសនាស្រុកទីវកឹងបានឱ្យដឹង៖ ស្រុកទីវកឹងមានឃុំចំនួន ០៩ ទីប្រជុំជនចំនួន ០២ មានភូមិ និងអនុសង្កាត់ចំនួន ៨០ ក្នុងនោះមាន ០៨ ឃុំ ទីប្រជុំជន ០១ ដោយមានភូមិ អនុសង្កាត់ ចំនូន ៦៧ ដោយមានជនរួមជាតិខ្មែររស់នៅច្រើនកុះករជាង ៣២,៩៣% នៃចំនួនប្រជាជនរួមរបស់ស្រុក។ ជារៀងរាល់ឆ្នាំ យោងលើមូលដ្ឋានប្រាក់ទុនបានបែងចែក ស្រុកប្រមូលផ្តុំវិនិយោគ អនុវត្តគោលនយោបាយជនជាតិលើភូមិសាស្រ្តស្រុក។ការ អនុវត្តន៍កម្មវិធី គោលដៅជាតិ ពង្រីកសេដ្ឋកិច្ច-សង្គម តំបន់ជនជាតិភាគតិច និងតំបន់ភ្នំដំណាក់កាល ២០២១ - ២០៣០ ដំណាក់កាលទី១ ពីឆ្នាំ ២០២១ - ២០២៥ បានវិនិយោគកសាងហេដ្ឋារចនាសម្ព័ន្ធជនបទ បង្កលក្ខណៈដល់ការពង្រីកសេដ្ឋកិច្ច-សង្គមតំបន់ជនរួមជាតិខ្មែរមានភាពអភិវឌ្ឍន៍។ ស្រុកទីវកឹងដោះស្រាយស្ថានភាពខ្វះដីនៅ ដីសាងសង់លំនៅឋាន ដីផលិត និងទឹកប្រជុំជីវភាពដល់គ្រួសារក្រីក្រជាជនជាតិខ្មែរចបានជាង ៩០ គ្រួ ជាមួយទឹកប្រាក់ជាង ១,២៨ ពាន់លានដុង។ ទន្ទឹមនឹងនោះ សាងសង់ និងជួសជុលផ្លូវគមនាគមន៍ជនបទបានសម្រេច និងដាក់ឱ្យប្រើប្រាស់បម្រើល្អតាមតម្រូវការធ្វើដំណើរទៅមកការផលិតនៅក្នុងតំបន់ជនរួមជាតិខ្មែរ។

ពីកម្មវិធីលេខ ១៧១៩ ចាប់ផ្តើមបានផ្សព្វផ្សាយពីឆ្នាំ ២០២៤ រហូតមកដល់បច្ចុប្បន្ន ស្រុកទីវកឹងវិនិយោគកសាងផ្លូវកៅស៊ូបាន ០៩ ខ្សែនៅឃុំហ៊ីវទឺ តឹបង៉ាយ តឹងហ្វា ហ៊ុងហ្វា និងភូកឹង ជាមួយនឹងប្រភពទុនសរុបរួម ជាង ១៧,៦ ពាន់លានដុង។

បង ថាច់រស្មី នៅភូមិដាយត្រឿង ឃុំភូកឹង បានឱ្យដឹងថា៖ គ្រួសារខ្ញុំផ្សារភ្ជាប់នឹងរបរលក់បន្លែបង្ការនៅទីផ្សារទីវកឹង។ តាំងពីពេលប្រព័ន្ធផ្លូវគមនាគមន៍នៅមូលដ្ឋានបានរីកចម្រើន ការដឹកជញ្ជូនទំនិញកាន់តែមានភាពងាយស្រួល ហើយជីវភាពគ្រួ សារក៏មានភាពប្រសើរឡើងផងដែរ។

ដើម្បីបន្តអនុវត្តគោលនយោបាយជនជាតិក្នុងតំបន់ជនរួមជាតិខ្មែរមានប្រសិទ្ធភាព នៅឆ្នាំ ២០២៥ នេះ ស្រុកទីវកឹងប្រ មូលផ្តុំលើការអនុវត្តន៍កម្មវិធីគោលដៅជាតិពង្រីកសេដ្ឋកិច្ច - សង្គមក្នុងតំបន់ជនជាតិខ្មែរ។ ស្រុកបន្តអនុវត្តល្អការងារកាត់បន្ថយភាពក្រីក្រស្ថិរភាព និងលើកកម្ពស់ជីវភាពរបស់ជនជាតិខ្មែរ កសាងហេដ្ឋារចនាសម្ព័ន្ធព្រមគ្នាក្នុងតំបន់ជនរួមជាតិខ្មែរ ដោះស្រាយបន្ទាន់បណ្ដាបញ្ហាតប់ប្រមល់ក្នុងជីវភាព សេដ្ឋកិច្ចដូចជា៖ ខ្វះដីសាងសង់លំនៅឋាន ដីសម្រាប់ផលិត ដើម ទុនផលិត ទឹកប្រើប្រាស់ ។ល។ ទន្ទឹមនឹងនោះ បង្កើនការពិនិត្យ អង្កេត និងដាស់តឿនបណ្ដាការិយាល័យ គណៈ ផ្នែកស្រុក និងគណៈកម្មាធិការប្រជាជនបណ្ដាឃុំ ទីប្រជុំជនអនុវត្តបណ្តាកម្ម វិធីគោលនយោបាយវិនិយោគទៅក្នុងតំបន់ជនជាតិខ្មែរ៕

អត្ថបទ - រូបថតៈ សុខា