អំណរបុណ្យសែនដូនតាប៉ុន្តែមិនធ្វេសប្រហែសក្នុងការបង្ការ ទប់ស្កាត់អាសន្នរោគកូវីដ ១៩

អំណរបុណ្យសែនដូនតាឆ្នាំនេះ ស្ថិតក្នុងស្ថានភាពអាសន្នរោគកូវីដ‑១៩ កំពុងរាតត្បាតយ៉ាងស្មុគស្មាញ ហើយអាចនឹងឆ្លងរាលដាលប្រសិនបើមាមីងធ្វេសប្រហែសក្នុងការបង្ការទប់ស្កាត់ជំងឺ។ លោកមាគឹមរ៉ាង នៅភូមិចារ (អា) ឃុំថាញ់ស៊ើង បានឲ្យដឹង៖ ទើបអនុវត្តសម្រេចតាមសារាចរលេខ ១៦ ក៏បន្តអនុវត្តតាមសារាចរលេខ ១៥ របស់នាយករដ្ឋមន្រ្តីនៃរដ្ឋាភិបាល ម្ល៉ោះហើយឆ្នាំនេះមាមីងក្នុងភូមិអំណរបុណ្យសែនដូនតាមិនសូវបានអធិកអធមដូចសព្វឆ្នាំ។ គ្រួសារខ្ញុំក៏ដូចជាគ្រួសារមាមីងក្នុងភូមិក្នុងខណៈដែលអំណរបុណ្យសែនដូនតាតែងអនុវត្តម៉ឹងម៉ាត់វិធានការបង្ការ ទប់ស្កាត់អាសន្នរោគកូវីដ‑១៩ ដូច្នោះហើយ មាមីងគ្រាន់តែរៀបចំស្ពកសំណែនសែនដូនតាប៉ុណ្ណោះ។ ពេលសែនព្រេនរួចស្រេច កូនចៅក៏ជួបជុំបងប្អូនក្នុងគ្រួសារដើម្បីទទួលទាន គ្មានអញ្ជើញភ្ញៀវមកជួបជុំកុះករដូចរាល់ឆ្នាំឡើយ។​ ព្រោះតែអាសន្នរោគ ទើបមាមីងកាត់បន្ថយចាត់តាំងពិធីផ្សេងៗនិងមិនជួបជុំគ្នាកុះករ ។​

ព្រះវិហារវត្តពោធិគិរីវង្សារាម (ស្វាយសៀមថ្មី)។ រូបថត៖ហុងភុក

ទៅកាន់ស្រុកថ្កូវក្នុងបណ្តាថ្ងៃអំណរបុណ្យសែនដូនតាប្រពៃណីជាតិ ទើបយើងបានឃើញពីការអភិវឌ្ឍន៍របស់ភូមិស្រុកនាបច្ចុប្បន្ន។ ជាច្រើនឆ្នាំកន្លង ដោយបានការយកចិត្តទុកដាក់របស់បក្សនិងរដ្ឋ ឆ្លងតាមរយៈកម្មវិធីឧបត្ថម្ភបណ្តាឃុំលំបាកខ្លាំងដូចជាសេចក្តីសម្រេចចិត្តលេខ ១៣៥ សេចក្តីសម្រេចចិត្តលេខ ៣០a របស់នាយករដ្ឋមន្រ្តី។ល។ តំបន់ជនបទ តំបន់ជនជាតិខ្មែរនៅស្រុកថ្កូវមានការអភិវឌ្ឍន៍ជាលំដាប់។ អាស្រ័យពង្រីកតួនាទីរបស់ថ្នាក់ដឹកនាំ រួមជាមួយការខិតខំរបស់ទូទាំងបក្ស និងទូទាំងប្រជាជនក្នុងស្រុក សេដ្ឋកិច្ច‑សង្គមរបស់ស្រុកប៉ុន្មានឆ្នាំកន្លងកំណើនឡើងគ្រាន់បើ។ ដោយឡែកវិស័យកសិកម្មក៏ផ្លាស់ប្តូរយ៉ាងសកម្ម មាមីងតែងអនុវត្តតាមវិទ្យាសាស្រ្តបច្ចេកទេសជឿនលឿន បត់បែងរដូវកាលចុះពូជបានល្អ ផ្លាស់ ប្ដូរពូជដំណាំ សត្វចិញ្ចឹមសមស្រប ញ៉ាំងឲ្យទិន្នផលនិងបរិមាណផលកើនឡើង ក្នុងមួយឆ្នាំសម្រេចជាង ១២០ លានដុងក្នុងមួយហិកតា។ វិស័យវិនិយោគកសាងហេដ្ឋារចនាសម្ព័ន្ធមូលដ្ឋានជនបទក៏ផ្លាស់ប្តូរយ៉ាងសកម្មដែរ។​ ថ្វីត្បិតដូច្នោះ ក្នុងអំឡុងពីខែកក្កដា សីហា និងខែកញ្ញាកន្លង អាសន្នរោគកូវីដ‑១៩ រាត ត្បាតស្មុគស្មាញ មាមីងខ្មែរនិងជនជាតិជាបងប្អូនក្នុងសហគមន៍នៅស្រុកថ្កូវ តែងយល់ច្បាស់ពីការគ្រោះថ្នាក់នៃអាសន្នរោគ ។

ព្រះតេជគុណថាច់ញ៉ឹក ព្រះចៅអធិការវត្តស្វាយសៀមថ្មី អនុប្រធានអចិន្ត្រៃយ៍សមាគមព្រះសង្ឃសាមគ្គីស្នេហាជាតិស្រុកថ្កូវមានថេរដីកាឲ្យដឹងថា៖ អនុវត្តតាមការអំពាវនាវរបស់សមាគមព្រះសង្ឃសាមគ្គីស្នេហាជាតិខេត្តត្រាវិញ បណ្តាសារលិខិតណែនាំ សារាចរស្ដីពីបង្ការ ទប់ស្កាត់អាសន្នកូវីដ‑១៩ របស់គណៈកម្មាធិការបក្ស គណៈកម្មាធិការប្រជាជនខេត្តរបស់គណៈចង្អុលការបង្ការ ទប់ស្កាត់អាសន្ន កូវីដ‑១៩ ខេត្ត ស្រុក ព្រះសង្ឃសាមគ្គីស្នេហាជាតិស្រុកបានចលនាបណ្តាវត្តពុទ្ធសាសនាមហានិកាយខ្មែរនៅលើភូមិសាស្រ្តស្រុកចូលរួមបង្ការ ទប់ស្កាត់អាសន្នរោគកូវីដ‑១៩។ ជាពិសេសគឺក្នុងបណ្តាថ្ងៃសីល ថ្ងៃបុណ្យទាន ផ្សេងៗក្នុងវត្ត ព្រះចៅអធិការបណ្តាវត្តតែងរំលឹកពុទ្ធបរិស័ទពេលអញ្ជើញមកវត្តត្រូវពាក់ម៉ាស់រៀងៗខ្លួន ព្រមទាំងអញ្ជើញមកឆ្លាស់គ្នា ចាត់តាំងពិធីផ្សេងៗក្នុងវត្តដូចជាពិធីបង្សុកូល ឧទ្ទិសភាគផលជូនដល់បុព្វការីជនជាដើមក៏ធ្វើដោយសង្ខេប មិនឲ្យជួបជុំគ្នាកុះករ សំខាន់បំផុតគឺធ្វើយ៉ាងណាដើម្បីការពារសុខភាព សុវត្ថិភាពដល់ពុទ្ធបរិស័ទ។

ប្រាកដដូច្នោះមែន អំណរបុណ្យសែនដូនតាប្រពៃណីខ្មែរឆ្នាំនេះ មាមីងសប្បាយរីករាយណាស់ដែរ អាស្រ័យការផលិតអំណោយផល ហេដ្ឋារចនាសម្ព័ន្ធក៏បានវិនិយោគកសាងច្រើន។ ប៉ុន្តែអាស្រ័យអាសន្នរោគរាតត្បាតស្មុគស្មាញ ម្ល៉ោះហើយមាមីងខ្មែរមិនចាត់តាំងបុណ្យសែនដូនតាអធិកអធម។​ មាមីងតែងមានស្មារតីបង្ការ ទប់ស្កាត់មិនឲ្យអាសន្នរោគរាលដាលស្មុគស្មាញ ដើម្បីចូលរួមការពារសុខភាពផ្ទាល់ខ្លួន សុខ ភាពសហគមន៍ និងដើម្បីចូលរួមកែលម្អជីវភាពរបស់ប្រជាជនឲ្យបានល្អសារជាថ្មី៕

ហុងភុក‑សុជា