សាខាសមាគមនារីភូមិប្រខុបគិតគូរអំពីជីវភាពបងប្អូននារី

គិតតាំងពីឆ្នាំ ២០១៥ មកទល់ពេលនេះ​ សាខាសមាគមនារីភូមិប្រខុបបង្កើតគម្រោង​ការ​​​ពង្រីកសេដ្ឋកិច្ចបានជិត ១០ គម្រោង ក្នុងនោះគម្រោងការចិញ្ចឹមគោមេ និងដាំដំ​ណាំ  (ម្ទេសដៃនាង)តែងបានបងប្អូននារីរក្សាល្អ។ បច្ចុប្បន្ន មានគោមេជិត ១០០ ក្បាលអា​ស្រ័យ​សាខាសមាគមនារីគ្រប់គ្រង មានចំនួនប្រាក់ទុនជាង ២,៥ ពាន់លានដុងរបស់គ្រួសារ​បងប្អូននារីជាង ៤០ គ្រួបុលអនុវត្តគម្រោងការ។ ចំពោះគម្រោងការដាំដំណាំ សាខាសមា​គមបំផុសចលនារក្សាផ្ទៃដីក្នុងរដូវនីមួយៗពី ៣‑៤ ហិកតានៅក្រោយពេលផលិតស្រូវ ២ រដូវ។

បងស្រីថាច់ធីហុងងៀ(ទី ៤ ខាងស្តាំ)ទៅសួរសុខទុក្ខគ្រួសារបងស្រីថាច់ធីសុខា(ទី ៤ ខាងឆ្វេង)។

បងស្រី ថាច់ធីហុងងៀ​ ប្រធានសាខាសមាគមនារីភូមិប្រខុបបានឱ្យដឹងថា៖ ដោយ​អា​ស្រ័យបានបង្កលក្ខណៈឱ្យបុលទុន គួបផ្សំជាមួយការលើកកម្ពស់ចំណេះដឹងក្នុងការ​ផលិត ចិញ្ចឹមសត្វ ម៉្លោះហើយការផលិត ចិញ្ចឹមសត្វកាន់តែមានប្រសិទ្ធភាព។ បច្ចុប្បន្ន អំពីការចិញ្ចឹមគោបង្កាត់បានពូជគោដែលមានគុណភាព និងមានតម្លៃសេដ្ឋកិច្ចជាច្រើន  គោឈ្មោលមួយក្បាលៗជាមួយពេលវេលាគិតតាំងពីកើតដល់ចិញ្ចឹមបានប្រមាណ ៤ ខែ​តែងលក់បានដោយតម្លៃមិនក្រោមពី ២0 លានដុងឡើយ។ បច្ចុប្បន្ន ទោះបីមានការឥទ្ធិពលនៃជំងឺរលាកដុំពកស្បែកនៅលើគោក្របីក៏ដោយ ប៉ុន្តែបងប្អូននារីជាច្រើននៅតែអត់ធ្មត់ និងរក្សាបានចំនួនគោដដែល។ បើសិនក្រោយពេល​អាសន្នរោគបានរាំងស្កាត់ គោមានតម្លៃដូចធម្មតាវិញនោះ ទទួលបានប្រភពចំណូលសម្រាប់គ្រួសារ។

បច្ចុប្បន្ន ភូមិប្រខុបនៅមានគ្រួសារសមាជិកា ក្រលំបាកជាង ២០ គ្រួ ត្រូវការជួយឧ​បត្ថម្ភរបស់រដ្ឋអំណាចមូលដ្ឋាន និងអង្គការមហាជន ម៉្លោះហើយសមាគមនារីបានរួមដំណើរ​ជាមួយបណ្តាផ្នែកគ្រប់លំដាប់ថ្នាក់គិតគូរដល់ស្ថានភាពជីវភាពរបស់បងប្អូននារីទាំងនោះ។ ក្រោយពេលពិនិត្យឃើញគ្រួសារបងស្រី ថាច់ធីសុខា ជាគ្រួសារក្រលំបាក ហើយបងស្រីពិការផងនោះ ចុងឆ្នាំ ២០២០ សាខាសមាគមនារីស្នើឡើងថ្នាក់លើឧបត្ថម្ភ “លំនៅឋានមេត្តាធម៌”​ដោយ​តម្លៃ ៥០ លានដុង ជួយឱ្យគ្រួសារបងបំបាត់បានផ្ទះបណ្តោះអាសន្ន​ក្នុងជីវភាព។ បងស្រីថាច់ធីសុខា បានឱ្យដឹងថា៖ ខ្ញុំជាអ្នកពិការបាត់សមត្ថភាពពលកម្ម គ្រួសារពឹងតែទៅលើប្រាក់ចំណូលដោយការស៊ីឈ្នួលរបស់ប្តីដើម្បីចិញ្ចឹមគ្រួសារដោយមាន​កូន ២ នាក់។ ពេលនេះបានសមាគមនារីឧបត្ថម្ភផ្ទះ ខ្ញុំមានក្តីរំភើបចិត្តយ៉ាងខ្លាំង។ ការឧ​បត្ថម្ភផ្ទះដល់គ្រួសារខ្ញុំគឺជាកម្លាំងជំរុញជួយឱ្យគ្រួសារខ្ញុំបានធូរធា ឆាប់ចាកផុតពីភាពក្រី​ក្រ។

និយាយពីទិសដៅបន្ថយភាពក្រីក្រនៅពេលខាងមុខ បងស្រីថាច់ធីហុងងៀ បានឱ្យ​ដឹងបន្ថែមទៀតថា៖ ក្នុងបណ្តាគ្រួសារបងប្អូននារីក្រីក្រលើភូមិសាស្រ្ត  សាខាសមាគមបន្ត​ស្នើទៅថ្នាក់លើបំពេញបន្ថែមមុខសញ្ញាមួយចំនួនឱ្យបានទទួលបណ្តាគោលនយោបាយអាទិ​ភាព មានលក្ខណៈបានចូលរួមរៀនមុខរបរ​ បើកទូលាយការផលិត។ល។ រង់ចាំការឆ្លើយតប​ពីសំណើ នោះនៅចំពោះមុខសាខាសមាគមបំផុសចលនាឱ្យបងប្អូននារីដែល​មានលក្ខណៈ សប្បុរស​ជន គិតគូរដល់ស្ថានភាពនារីក្រីក្រ ធ្វើយ៉ាងណា ដើម្បីនារីក្រីក្រទាំង​នោះ​​បានសម្រាលការលំ​បាកមួយចំណែក រួចបើមានគោលនយោបាយឧបត្ថម្ភអំពីលំ​នៅឋាននោះ សាខាសមា​គមស្នើឧបត្ថម្ភពី ៤‑៥ ខ្នងជូនបងប្អូននារីក្រីក្រ។

លោកស្រីង្វៀងណឺឡឹមអ៊ឹកមី ប្រធានសមាគមសហព័ន្ធនារីឃុំង៉ូវឡាកបានឱ្យដឹងថា៖​ សាខាសមាគមនារីភូមិប្រខុប ជាសាខាសមាគមមួយក្នុងបណ្តាសាខាសមាគមដែលមាន​បណ្តាសកម្មភាព និងចលនាជាក់ស្តែង ទាក់ទាញបានបងប្អូននារីជាច្រើនចូលរួម។ ផ្តើម​ពីនោះធ្វើឱ្យចលនាបន្ថយភាពក្រីក្រក្នុងបងប្អូននារីសម្រេចបានលទ្ធផលល្អ។ ក្នុងឆ្នាំ ២០២០ សាខាសមាគមស្នើដល់ភូមិបំបាត់បានគ្រួសារក្រីក្រចំនួន  ៥ គ្រួ។ ដោយអាស្រ័យរក្សា​បានល្អបណ្តាសកម្មភាព ម៉្លោះហើយ សមាជិកា នារីជាច្រើននៅក្នុងភូមិបានឈានឡើងចាក​ផុតភាពក្រីក្រស្ថិរភាព៕  ​

អត្ថបទ‑រូបថត៖ ថាច់សម្បត្តិ