ស្រុកថ្កូវ៖ ២០ ឆ្នាំអនុវត្តសេចក្តីសម្រេចចិត្តលេខ ១៣ NQ/TW និង ១០ ឆ្នាំអនុវត្តច្បាប់សហករណ៍ឆ្នាំ ២០១២

តាមរបាយការណ៍បូកសរុប ២០ ឆ្នាំអនុវត្តសេចក្តីសម្រេចចិត្តលេខ​ ១៣‑NQ/TW ចុះថ្ងៃទី ១៨ មិនា ឆ្នាំ ២០០២ របស់គណៈប្រតិបត្តិការមជ្ឈិមបក្ស នីតិកាលទី ៩ “ស្តីពីបន្តផ្លាស់ថ្មី ពង្រីក និងលើកកម្ពស់ប្រសិទ្ធភាពសេដ្ឋកិច្ចសមូហភាព” និង ១០ ឆ្នាំអនុវត្តច្បាប់សហករណ៍ឆ្នាំ ២០១២ នៅលើភូមិសាស្រ្តស្រុកថ្កូវ គិតមកដល់បច្ចុប្បន្នស្រុកថ្កូវបង្កើតសហករណ៍បាន ២៧ កន្លែង មានសមាជិក ៥.៨១០​ នាក់ចូលរួម មានទុនលក្ខន្តិកៈជាង ២៧,៤៥៩ ពាន់លានដុង។ ក្នុងនោះវិស័យកសិកម្មមានសហករណ៍ ១៩ កន្លែង វិស័យជលផលមានសហករណ៍ ០២ កន្លែង វិស័យដឹកជញ្ជូនមានសហករណ៍ ០១ កន្លែង  មានមូលនិធិឥណទានប្រជាជន ០៣ កន្លែង និងក្រុមសេដ្ឋកិច្ចសហការ ២៥៨ ក្រុម ដោយមានសមាជិក ៥.៦៣៤ នាក់ អត្រាចូលរួមគបវាល់ទុនជាង ៧ ពាន់លានដុង។ បណ្តាសហករណ៍បានផ្គត់ផ្គង់សេវាសម្បូរបែប ជូនដល់បណ្តាសមាជិកនៅលើបណ្តាវិស័យ។ ក្នុងនោះលេចធ្លោមានសហករណ៍កសិកម្មឡុងហ៊ីប សហករណ៍ ថាញ់កុងឃុំង៉ុកបៀង សហករណ៍កសិកម្មអាងថើយ ឃុំឌិញអាង សហករណ៍កសិកម្មផាកដាក។ល។ សហករណ៍ភាគច្រើនម្ចាស់ការប្រាក់ទុនក្នុងការធ្វើអាជីវកម្ម ឆ្លើយតបបានល្អអំពីប្រាក់ទុនជូនសមាជិក ធានាលទ្ធភាពសងប្រាក់ជូនអតិថិជន បង្កលក្ខណៈជូនគ្រួសារក្រីក្រ គ្រួសារមានប្រភពចំណូលទាប មូលដ្ឋានផលិតធ្វើអាជីវកម្មតូចបានបុលទុនផលិត រួមចំណែកបង្កើនប្រភពចំណូលជូនប្រជាជននៅជនបទ។

ជូនលិខិតសរសើរដល់សមូហភាព​និងបុគ្គលដែលមានស្នាដៃឆ្នើម។ រូបថត៖ ហុងភុក

អំពីបណ្ដាក្រុមសេដ្ឋកិច្ចសហការពិនិត្យរួមធ្វើសកម្មភាពមានប្រសិទ្ធភាព។ ថ្វីត្បិតដូច្នោះក្ដីក៏នៅមានចំណុចខ្សោយមួយចំនួនគប្បីជម្នះ ដូចជារក្សាសកម្មភាពមិនលំនឹង បណ្តាក្រុមសហការធ្វើសកម្មភាពមានប្រសិទ្ធភាពមិនទាន់បានពង្រីកទូលាយ ក្រុមសហការលើវិស័យជលផលនៅខ្សោយ។ល។

នាឱកាសនេះ ស្រុកថ្កូវបានជូនលិខិតសរសើរដល់សមូហភាព​និងបុគ្គលដែលមានស្នាដៃឆ្នើម ក្នុងការអនុវត្តពង្រីកសេដ្ឋកិច្ចសហការ និងសហករណ៍នៅលើភូមិសាស្ត្រស្រុក៕

ហុងភុក‑សុខា