សមាគមអតីតយុទ្ធជនឃុំឡុងស៊ើង៖ មានទម្រង់ជាច្រើនលើកស្ទួយជីវភាពសមាជិក

បច្ចុប្បន្ន សមាគមអតីតយុទ្ធជនឃុំឡុងស៊ើង ស្រុកកូវង៉ាងមានសមាជិក សមាជិកាចំនួន​ ២០៣ នាក់ ក្នុងនោះសមាជិកជាជនជាតិខ្មែរ ៥៤ នាក់ សមាជិកជាបក្ខជន ៤៣ នាក់ និងសមាជិកា ១៦ នាក់។ ក្នុងបណ្តាឆ្នាំកន្លង សមាគមបំផុសចលនាបណ្តា​សមាជិកឲ្យជ្រោមជ្រែងអនុវត្តល្អបណ្តាចលនាអាស្រ័យសមាគមថ្នាក់លើផ្សព្វផ្សាយ  ពង្រីកការផលិត កសាងបណ្តាទម្រង់សេដ្ឋកិច្ច ផ្តើមពីនោះលេចឡើងបណ្តាគំរូអតីតយុទ្ធជនធ្វើសេដ្ឋកិច្ចពូកែច្រើនរូប។

អតីតយុទ្ធជនថាច់កាត្រៀមបម្រុងចំណីសម្រាប់គោ។

លោកង្វៀងទ្រឿងស៊ើង ប្រធានសមាគមអតីតយុទ្ធជនឃុំឡុងស៊ើងបានឱ្យដឹងថា៖ ក្នុងត្រីមាសទី ១ ឆ្នាំ ២០២១ សមាគមចលនាសមាជិករក្សាល្អបណ្តាក្រុមចូលហ៊ុនទុន​នៅតាមភូមិចំនួន ៩ ភូមិ ជាមួយទុនចូលរួមចំនួន ៨៥ លានដុង ដោះស្រាយ​ឱ្យសមាជិកជាង  ២០ នាក់ខ្ចីពង្រីកការផលិត។ ក្រៅពីនោះ សមាគមសហការជាមួយបណ្តាសាខាសមាគមក្តាប់ពីបំណងប្រាថ្នារបស់សមាជិកដើម្បីធ្វើសេនាធិការ ជូនគណៈកម្មាធិការបក្ស រដ្ឋអំណាចមូលដ្ឋាន ស្នើបណ្តាតម្រូវការចាំបាច់របស់សមាជិក​ដើម្បីរួមចំណែកដោះស្រាយបណ្តាបញ្ហាទាក់ទងដល់ចលនាសមាគមដូចជាការពង្រីកសេដ្ឋ​កិច្ចរបស់សមាជិកជាដើម។ អាស្រ័យហេតុនោះ សមាជិកភាគច្រើនបានបង្កលក្ខណៈដើម្បីបានបុល​ទុនអាទិភាពពីធនាគារគោលនយោបាយសង្គមបានប្រមាណ ៤,១៥ ពាន់លានដុង អនុវត្តបណ្តាទម្រង់ចិញ្ចឹមសត្វ  ដាំដំណាំ ជួយឲ្យជីវភាពរីកចម្រើន កាត់បន្ថយភាពក្រីក្រចីរភាព។ បច្ចុប្បន្ន មានសាខាសមាគម ៣ ភូមិគឺដើមផ្នោររាំង ត្រពាំងក្រពើ និងភូមិថ្មីគ្មាននៅមានសមាជិកអតីតយុទ្ធជនក្រីក្រឡើយ។ ចំនួនគ្រួសារសមាជិកក្រីក្រនាពេល​បច្ចុប្បន្នគឺ ៥ គ្រួ ជិតក្រ ៨ គ្រួ គ្រួសារសមាជិកធូរធា មានបាន ៤៥ គ្រួ ខិតខំដល់ចុងឆ្នាំ ២០២១ នឹងមានគ្រួសារសមាជិកក្រីក្រពី ០១-០២ គ្រួទៀតបានចាកផុតភាពក្រីក្រ  គ្រួសារសមាជិកជិតក្រពី ០៣-០៤ គ្រួចាកផុតជិតក្រ។

ធ្វើដំណើរទៅទស្សនាទម្រង់ចិញ្ចឹមគោរបស់អតីតយុទ្ធជន ថាច់កា នៅភូមិពាក់រហាត់ យើងខ្ញុំកាន់តែមានអារម្មណ៍រំពឹងគិតពីភាពស្វាហាប់ក្នុងការពលកម្មផលិត ជាពិសេសគឺ ជា​មួយស្មារតីហ៊ានគិតហ៊ានធ្វើរបស់សមាជិករូបនេះ។ បច្ចុប្បន្ន គ្រួសារអតីតយុទ្ធជនថាច់កា មានគោ ១៥ ក្បាល ក្នុងនោះមានគោមេ ៨ ក្បាលកំពុងស្ថិតក្នុងដំណាក់កាលបន្ត​ពូជ។ ផ្តើមពីទម្រង់ចិញ្ចឹមគោ គ្រួសារ ថាច់កា ទទួលបានប្រាក់ចំណូលប្រ​មាណ ១៥០ លានដុងក្នុងមួយឆ្នាំ។

អតីតយុទ្ធជន ថាច់កា បានឱ្យដឹងថា៖ ឆ្នាំ ១៩៨០ ខ្ញុំចូលរួមកាតព្វកិច្ចយោធា​អន្តរជាតិជួយប្រទេសជាមិត្តកម្ពុជា អង្គភាពបោះទ័ពនៅខេត្តកោះកុង។ក្រោយពេល​សម្រេចកាតព្វកិច្ចយោធាឆ្នាំ ១៩៨៥ ខ្ញុំវិលត្រឡប់មករួមរស់ជាមួយគ្រួសារ។​ ឆ្នាំ ២០០៤ ខ្ញុំ​បានពង្រីកជាសមាជិក និងប្រជុំជីវភាពនៅសាខាសមាគមអតីតយុទ្ធជនភូមិ។​  បានចូលរួមជាមួយចលនាសមាគមទទួលបានផលប្រយោជន៍ជាច្រើន ជាក់ស្តែងដូចជាខ្វះទុនពង្រីកការផលិត ចិញ្ចឹមសត្វនោះ ស្នើជាមួយសាខាសមាគមគឺសា​ខាសមាគមស្នើឡើងថ្នាក់លើបង្កើតគម្រោងផែនការដើម្បីបានបុលទុនអាទិភាព។  ហេតុនោះគ្រួសារខ្ញុំក៏កាន់តែមានលក្ខណៈពង្រីកការចិញ្ចឹមសត្វ រួចនាំមកប្រសិទ្ធ​ភាពខ្ពស់ជាង។ ទម្រង់របស់គ្រួសារខ្ញុំកំពុងរីកចម្រើនក៏មានការពឹងពាក់ទៅលើ​ប្រាក់ទុនអាទិភាព​នារយៈពេលកន្លង។  តាមការគ្រោងរបស់ខ្ញុំ ពេលខាងមុខនឹងពង្រីកហ្វូងគោមេឡើង​ប្រមាណ ១៥ ក្បាល ពីព្រោះបច្ចុប្បន្ន រោងគោក៏បានសាងសង់ត្រឹមត្រូវផ្ទៃដីដាំស្មៅ និងវត្ថុធាតុបន្ទាប់បន្សំក៏បានត្រៀមបម្រុងជាស្រេច។

តាមការវាយតម្លៃរបស់លោកង្វៀងទ្រឿងស៊ើង អតីតយុទ្ធជនថាច់កាជាគំរូមួយក្នុងបណ្តាគំរូឆ្នើមក្នុងជនរួមជាតិខ្មែរអំពីការពង្រីកសេដ្ឋកិច្ច។  កាលពីមុនគ្រួសារគាត់ស្ថិតក្នុងមុខសញ្ញាលំបាក ប៉ុន្តែជាមួយស្មារតីហ៊ានគិតហ៊ានធ្វើ គាត់បង្កើតបានទម្រង់ចិញ្ចឹមសត្វនាំមកប្រសិទ្ធភាពខ្ពស់ ធ្វើជាគំរូសម្រាប់អតីតយុទ្ធជនដទៃ​ទៀតត្រាប់តាម។ បច្ចុប្បន្ន គ្រួសារគាត់បានចាត់ទុកជាគ្រួសារអនុវត្តល្អពហុសណ្ឋានពូជ​ដំណាំ សត្វចិញ្ចឹម។ ក្រៅពីពង្រីកទម្រង់សេដ្ឋកិច្ច គាត់នៅទាំងសកម្មចូលរួមបណ្តាចល​នាអាស្រ័យសមាគមផ្សព្វផ្សាយ ចូលរួមក្លឹបបរិស្ថាន និងអនុវត្តការធ្វើអនាម័យដងផ្លូវអាស្រ័យសាខាសមាគមទទួលរ៉ាប់រង។ គាត់បានជ្រើសស្ងើចសរសើរជា​អតីតយុទ្ធជនគំរូនារយៈពេលកន្លង។ ក្រៅពីទម្រង់របស់អតីតយុទ្ធជនថាច់កា នៅមានទម្រង់ជាច្រើនទៀតរបស់សមាគមអតីតយុទ្ធជនកំពុងពង្រីកបានប្រសិទ្ធភាព ជួយឱ្យជីវភាពរបស់សមាជិកមិនបង្អង់បានកែលម្អ៕      

អត្ថបទ-រូបថត៖ ថាច់សម្បត្តិ