សមាគមសហព័ន្ធនារីខេត្តត្រាវិញ៖ ចលនាបានទឹកប្រាក់ជាង ១០.៨ ពាន់លានដុងអនុវត្តសកម្មភាពបង្ការ ទប់ស្កាត់អាសន្នរោគកូវីដ ១៩

15/10/2021 08:02

តាមប្រភពដំណឹងពីសមាគមសហព័ន្ធនារីខេត្តបានឲ្យដឹង៖ ដើម្បីរួមចំណែកជាមួយគណៈចង្អុលការបង្ការទប់ស្កាត់អាសន្នរោគកូវីដ-១៩ នៅលើភូមិសាស្រ្តខេត្ត ចាប់តាំងពីខែកក្កដា ឆ្នាំ ២០២១ ដល់ថ្ងៃទី ០៥ តុលាឆ្នាំ ២០២១ សមាគមសហព័ន្ធនារីគ្រប់លំដាប់ថ្នាក់ក្នុងខេត្តបានចលនាកម្មាភិបាល សមាជិកា អង្គការចាត់តាំង សប្បុរសជនចូលរួមឧបត្ថម្ភសម្ភារ ទឹកប្រាក់ គិតជាទឹកប្រាក់រួមជាង ១០,៨ ​​ពាន់លានដុង។ ឆ្លងតាមរយៈនោះ សមាគមគ្រប់លំដាប់ថ្នាក់បានសហការជាមួយគណៈចង្អុលការបង្ការ ទប់ស្កាត់អាសន្នរោគកូវីដ-១៩ គ្រប់លំដាប់ថ្នាក់អញ្ជើញទៅសួរសុខទុក្ខ និងជូនទេយ្យវត្ថុដល់កម្មាភិបាល យុទ្ធជនកំពុងបំពេញភារកិច្ចនៅតំបន់ចត្តាឡីស័ក តំបន់បិ​ទខ្ទប់ ប៉ុស្តិ៍គមនាគមន៍និងតាមតំបន់អនុវត្តគម្លាតសង្គមជូនដល់គ្រួសារដែលត្រូវបិទខ្ទប់ សមាជិកា​ កុមារក្រីក្រដែលត្រូវជះឥទ្ធិពលពីអាសន្នរោគ។ល។ សរុបទេយ្យវត្ថុជាង ២៤.១៥៨ ចំណែក សរុបតម្លៃជាង ៥,៣ ពាន់លានដុង។ ជាពិសេសសមាគមគ្រប់លំដាប់ថ្នាក់ បានចលនាសប្បុរសជន កម្មាភិបាល សមាជិកាចូលរួមចាត់តាំងចម្អិនអាហារឧបត្ថម្ភដល់អ្នកធ្វើការងារបង្ការ ទប់ស្កាត់អាសន្នរោគ និងប្រជាជនតំបន់ធ្វើចត្តាឡីស័ក សរុបទឹកប្រាក់ជាង ៥.៥ ពាន់លានដុង។