និស្សិតសាលាមហាវិទ្យាល័យត្រាវិញ៖ ប្រគល់កន្លែងស្នាក់នៅឲ្យធ្វើជាតំបន់ចត្តាឡីស័កដើម្បីផ្តល់ភាពកក់ក្តៅជូនមាមីងដែលត្រឡប់មកស្រុកកំណើតវិញ

ប្អូនឡឹមហ្វាងឡិនរួមជាមួយមិត្តក្នុងបន្ទប់ស្វែងយល់មេរៀនតាមប្រព័ន្ធអ៊ីនទើណែត។

ស្របយោបល់នឹងប្អូនផាងហូភុកថាំងដែរ ប្អូន ថីវិច្ចរ៉ា (កើតឆ្នាំ ១៩៩២) ជានិស្សិតកម្ពុជា  រៀនផ្នែកឱសថសាស្រ្តឆ្នាំទី ៤ សំណេះសំណាលថា៖ ប្អូនមករៀន រស់នៅឆ្ងាយពីស្រុកកំណើត ម្ល៉ោះហើយប្អូនយល់និងអាណិតមាមីងខ្លាំងណាស់។ ហេតុនោះ ពេលដែលគណៈគ្រប់គ្រងជូនដំណឹងឱ្យប្តូរកន្លែង​ថ្មីភ្លាម។ ថ្វីត្បិត តែហត់បន្តិច ប៉ុន្តែប្អូនសប្បាយចិត្តណាស់ដែល បានចែករំលែកការលំបាកជាមួយមាមីង។ មកស្នាក់នៅកន្លែងថ្មីជាង ០១ ខែកន្លង ប្អូនមានភាពកក់ក្តៅណាស់ដោយបានគណៈចាងហ្វាង សាលាយកចិត្តទុកដាក់មកសួរសុខទុក្ខ និងជំរុញទឹកចិត្តប្អូនៗនិងគណៈគ្រប់គ្រងអន្តេវាសិកដ្ឋានតំបន់លេខ ៤ នៅទាំងយកចិត្តទុកដាក់ជូនអំណោយ និងអាហារដោយឥតគិតថ្លៃដល់ប្អូនៗក្នុងអំឡុងពេលដែលស្នាក់នៅកន្លែងថ្មីនេះទៀតផង។ អន្តេវាសិកដ្ឋានតំបន់លេខ ៤ មានបរិស្ថានស្រស់ស្អាត ស្ងប់ស្ងាត់ និងសុវត្ថិភាព សម្រាប់ប្អូនស្នាក់នៅ រៀនសូត្របានល្អ ។

ប្អូន ឡឹមហ្វាងឡិន (កើតឆ្នាំ ១៩៩៩) និស្សិតឆ្នាំទី ៤ ផ្នែកអក្សរសាស្រ្ត-វប្បធម៌-សិល្បៈខ្មែរណាមបូ សំណេះសំណាលដែរថា៖ កាលអាសន្នរោគមិនទាន់រាតត្បាតស្មុគស្មាញ ក្រៅពីម៉ោងរៀន ប្អូនឆ្លៀតពេលធ្វើការរក​ប្រាក់​សម្រាប់ប្រើប្រាស់ ម្ល៉ោះហើយ ​ជាង ០​៣ ​ឆ្នាំកន្លងមក ប្អូន​មិនទាន់​បានទៅ​ស្រុក​កំណើតជួបជុំគ្រួសារម្ដងណាឡើយ។ ប្អូនយល់ពីទុក្ខលំបាករបស់មាមីងធ្វើចត្តាឡីស័ក ដើម្បីឆាប់ត្រឡប់ទៅជួបជុំ  គ្រួសារវិញ។ មកស្នាក់នៅកន្លែងថ្មី ប្អូនសប្បាយចិត្ត ពីព្រោះមកទីនេះប្អូនមានមិត្តភក្តិជាច្រើននាក់ទៀត ប្អូនៗតែងជួយទុក្ខធុរៈគ្នាក្នុងការរស់នៅ និងចែករំលែកបទពិសោធន៍ក្នុងការរៀនសូត្របានល្អទៀតផង។

គណៈគ្រប់គ្រងអន្តេវាសិកដ្ឋានតំបន់លេខ ៤ (ខាងឆ្វេង) កពុងសួរសុខទុក្ខប្អូនថីវិច្ចរ៉ា និងប្អូនឡឹមហ្វាងឡិន។

អ្នកគ្រូ ថាច់ធីយ៉ឹង ចាងហ្វាងរងសាលាមហាវិទ្យាល័យត្រាវិញ មានប្រសាសន៍ថា៖   បច្ចុប្បន្ន អន្តេវាសិកដ្ឋានតំបន់លេខ ១ បានគណៈចង្អុលការបង្ការ ទប់ស្កាត់អាសន្នរោគ ខេត្តប្រគល់ឲ្យសាលាវិញហើយ ប៉ុន្តែដោយសារសាលាមានតម្រូវការជួសជុលអន្តេវាសិកដ្ឋាន ទើបនិស្សិតនៅតែស្នាក់នៅបណ្តោះអាសន្ននាអន្តេវាសិកដ្ឋានតំបន់លេខ ៤ ដដែល។ ដើម្បីជំរុញស្មារតីនិស្សិត កន្លងមក គណៈចាងហ្វាងសាលា សហការជាមួយសហជីព បណ្តាការិយាល័យ ផ្នែក និងអង្គភាពស្ថិតក្រោមឱវាទសាលា និងចលនាបណ្តាអង្គការចាត់តាំងគិតគូរដល់ជីវភាពនិស្សិតនិយាយរួម និស្សិត ១៣០ នាក់កំពុងស្នាក់នៅបណ្តោះអាសន្ននាអន្តេវាសិកដ្ឋានតំបន់លេខ ៤ និយាយដោយឡែក ដើម្បីប្អូនៗនឹងនរចិត្តរៀនសូត្រ និងរស់នៅបានសុវត្ថិភាព។

បច្ចុប្បន្នមាននិស្សិត ១៣៨ នាក់ ក្នុងនោះ មាននិស្សិតកម្ពុជា ៣៥ នាក់ នៃអន្តេវាសិកដ្ឋានតំបន់លេខ ១ កំពុងស្នាក់នៅបណ្តោះអាសន្ននាអន្តេវាសិកដ្ឋានតំបន់លេខ ៤ វិថីផាមង៉ូវឡាវ សង្កាត់ទី ១ ទីក្រុងត្រាវិញ។ តាំងពីអាសន្នរោគរាតត្បាតស្មុគ្រស្មាញមក សមូហភាពកម្មា ភិបាល គ្រូបង្រៀន និងបុគ្គលិកនៃសាលាមហាវិទ្យាល័យត្រាវិញ ចលនាបណ្តាសប្បុរសជនជូនអំណោយជាង ២.៧០០​​ ចំណែកដល់និស្សិតដែលមានស្ថានភាពលំបាក អាស្រ័យដោយអាសន្នរោគកូវីដ‑១៩ សរុបទឹកប្រាក់ជិត ៦០០ លានដុង។ ដោយឡែកនិស្សិតដែលស្នាក់នៅបណ្តោះអាសន្ននាអន្តេវាសិកដ្ឋានតំបន់លេខ ៤ ​សាលាបានចលនាជូនអំណោយផង និងឧបត្ថម្ភអាហារដោយឥតគិតថ្លៃផង៕

អត្ថបទ-រូបថត៖ សុជា