ទីវកឹង៖ បន្តអាទិភាពប្រភពកម្លាំងវិនិយោគជាច្រើនសម្រាប់ការអភិវឌ្ឍន៍តំបន់ជនរួមជាតិខ្មែរ

លោកត្រឹងវ៉ាំងឡា អនុប្រធានការិយាល័យជនជាតិស្រុកទីវកឹងបានឱ្យដឹងថា៖ ក្នុងរយៈពេល ៥ ឆ្នាំកន្លង (ដំណាក់កាល ២០១៦ ‑២០២០) ស្រុកទីវកឹងបន្តការផ្សព្វផ្សាយ​អនុវត្ត ប្រភពទុនវិនិយោគជាច្រើនពីកម្មវិធី ១៣៥ ថវិការដ្ឋ និងបណ្តាគម្រោងការហេដ្ឋារចនាសម្ព័ន្ធនៅតំបន់ជនរួមជាតិខ្មែរ ជាមួយប្រភពទុនសរុបជាង ២.០៤៥ ពាន់លានដុង។​ តាមរយៈបណ្តាប្រភពទុនខាងលើ បណ្តាឃុំ ទីប្រជុំជនក្នុងស្រុក បានបត់បែង ​ និងអាទិភាពវិនិយោគសម្រាប់បណ្តាប្រភេទសំណង់ស្ថិត​ក្នុងក្រុមហេដ្ឋារចនាសម្ព័ន្ធជនបទ ជួសជុល ថែទាំបណ្តាសំណង់ គមនាគមន៍ ធារាសាស្រ្ត វិនិយោគពង្រីកការផលិត ចិញ្ចឹមគោមេ ឧបត្ថម្ភដីសង់លំនៅឋាន ដីផលិត ឧបត្ថម្ភតម្រូវការអំពីទឹកប្រជុំជីវភាព ឧបត្ថម្ភប្រាក់អគ្គិសនីសម្រាប់គ្រួសារក្រីក្រ គ្រួ សារជិតក្រជាជនរួមជាតិខ្មែរ និងបណ្តាគ្រួសារទទួលរបបគោលនយោបាយសង្គម សុខុមាលភាពសង្គមលើភូមិសាស្រ្តស្រុក។ ផ្តល់ជូនកាសែត ទស្សនាវដ្តី ព្រឹត្តិបត្រគ្រប់ប្រភេទជាង ២៧៥.០០០ ច្បាប់ដល់បណ្តាវត្ត បណ្តាភូមិ អនុសង្កាត់ដែលមានជនរួមជាតិខ្មែររស់នៅច្រើន។ លើកលែង បន្ថយការបង់ប្រាក់សាលា ឧបត្ថម្ភការចំណាយសម្រាប់ការរៀនសូត្រឱ្យកុមារមត្តេយ្យ បឋមសិក្សា។ ផ្តល់ជូនអាហារូបករណ៍ និងបណ្តារបបអាទិភាពសម្រាប់សិស្ស សាលាសកលជនជាតិអន្តេ​វាសិកអនុវិទ្យាល័យ វិទ្យាល័យស្រុកទីវកឹងត្រូវតាមការកំណត់។

ពិធីបើកការដ្ឋានសាងសង់ឈាបនដ្ឋាន។ រូបថត៖  ឯកសារ

រយៈពេល ៥ ឆ្នាំកន្លង រួមជាមួយការផ្សព្វផ្សាយអនុវត្តព្រមៗគ្នាគោលនយោបាយពិសេសជាច្រើនស្តីពីការបណ្តុះបណ្តាល ផ្លាស់ប្តូរមុខរបរ ដោះស្រាយការងារធ្វើជូនពលករជនបទ គោលនយោបាយអាទិភាពចំពោះមុខសញ្ញាគោលនយោបាយ អ្នកមានប្រជាប្រិយភាពក្នុងជនរួមជាតិខ្មែរ ស្រុកទីវកឹងនៅទាំងពិនិត្យឧបត្ថម្ភសាងសង់ផ្ទះបានចំនួនជិត ១.០០០ ខ្នងតាមសេចក្តីសម្រេចចិត្តលេខ ២២ និងសេចក្តីសម្រេចចិត្តលេខ ៣៣ របស់នាយករដ្ឋមន្ត្រីនៃរដ្ឋាភិបាលសម្រាប់បណ្តាមុខសញ្ញាទទួលផល។ ឧបត្ថម្ភទិញគាំពារសុខាភិបាល និងគោលនយោបាយជំនួយអាហារូបត្ថម្ភសម្រាប់ជនក្រីក្រ ជិតក្រ ជនជាតិភាគតិចកើតជំងឺត្រូវព្យាបាលនៅក្នុងមន្ទីរពេទ្យ និងនារីក្រីក្រកើតកូននៅតាមបណ្តាមូលដ្ឋានពិនិត្យព្យាបាលជំងឺសាធារណៈ។ ជាពិសេសគឺ ស្រុកនៅទាំងបានថ្នាក់លើវិនិយោគកសាង ជួសជុលឈាបនដ្ឋាននៅតាមបណ្តាវត្តខ្មែរចំនួន ១៥ កន្លែង និងមូលដ្ឋានឈាបនដ្ឋាន ១ កន្លែងសម្រាប់ជនរួមជាតិខ្មែរស្រុកទីវកឹងនៅទីបញ្ចុះសពស្ថិតក្នុងភូមិកញ្ចោងផ្សារ ឃុំភូកឹង ដោយសំណង់ នេះមានប្រភេទសំណង់ ៥​ យ៉ាង(ឈាបនដ្ឋាន អាគាររក្សាអដ្ឋិធាតុ អាគារដំណាក់បច្ចេកទេស ហេដ្ឋាបច្ចេកទេសក្រៅអាគារ  ប្រព័ន្ធបណ្តាឧបករណ៍បម្រើឱ្យការបូជាសព ឧបករណ៍សាងសង់ ឧបករណ៍ការិយាល័យ) ជាមួយថវិកាជាង ៤៥ ពាន់លានដុង តាមការគ្រោង សំណង់នឹងដាក់ឱ្យប្រើប្រាស់នៅពាក់កណ្តាលឆ្នាំ ២០២២។

អាចនិយាយបានថា ដោយអាស្រ័យការយកចិត្តទុកដាក់របស់បក្ស រដ្ឋ សហគមន៍សង្គម និងស្មារតីឈានឡើងដោយខ្លួនឯងរបស់ជនរួមជាតិខ្មែរ ម៉្លោះហើយរយៈពេល ៥ ឆ្នាំកន្លង ជីវភាពសម្ភារស្មារតីរបស់ជនរួមជាតិខ្មែរកាន់តែបានកែលម្អ។ អត្រាគ្រួសារក្រីក្រក្នុងជនរួមជាតិខ្មែរបានកាត់បន្ថយពី ៣‑៤% ក្នុងមួយ ឆ្នាំ។ បច្ចុប្បន្នទូទាំងស្រុក នៅមានគ្រួសារជនរួមជាតិខ្មែរក្រីក្រត្រឹមតែប្រមាណ ៣,៣២%។ ចំនួនគ្រួសារស្ថានភាពក្រីក្រ ជិតក្រឡើងវិញកាន់តែថយចុះយ៉ាងច្បាស់។ បច្ចុប្បន្នមានលំនៅឋានអាសយជនជាង៩២% សម្រេចតាមសម្បទារបស់ក្រសួងស្ថាបនាពលករជាង ៩៣% មាន ការងារធ្វើជាប្រចាំ ឃុំ ១០០% បានសម្រេចសម្បទាជាតិអំពីសុខាភិបាល។ ដំណាក់សុខាភិបាលឃុំ ទីប្រជុំជន ១០០% មានវេជ្ជបណ្ឌិត និងគ្រូពេទ្យបម្រើការពិនិត្យ ព្យាបាលជំងឺជាដំបូងជូនប្រជាជន។ ភូមិ អនុសង្កាត់ ១០០% មានកម្មាភិបាលសុខាភិបាលបានបណ្តុះបណ្តាល ឆ្លងតាមរយៈកម្មវិធីសុខាភិបាលភូមិ ឃុំ។ វេជ្ជបណ្ឌិត គ្រូពេទ្យ អ្នកបំប៉ន គិលានុបដ្ឋាកបុគ្គលិកជាជនជាតិខ្មែរជាង ៨០ នាក់បានបម្រើការក្នុងផ្នែកសុខាភិបាល។ ប្រព័ន្ធហេដ្ឋារចនាសម្ព័ន្ធតភ្ជាប់ស្រុក ឃុំ ភូមិ តភ្ជាប់តំបន់អាសយជនក្នុងតំបន់ជនរួមជាតិខ្មែរបានកសាងដោយក្រួសកៅស៊ូ។ បណ្តាគោលច្បាប់វប្បធម៌ ហេដ្ឋារចនាសម្ព័ន្ធសេដ្ឋកិច្ច-សង្គមបានយកចិត្តទុកដាក់អនុវត្ត។ ទិដ្ឋភាពបរិស្ថានកាន់តែភ្លឺ‑បៃតង‑ជ្រះ‑ស្អាត។ សន្តិសុខនយោបាយ សណ្តាប់ធ្នាប់សុវត្ថិភាពសង្គមតែងបានធានានិងលំនឹង។

មិនបង្អង់ត្រឹមតែប៉ុណ្ណោះ នាមហាសន្និបាត តំណាងបណ្តាជនជាតិភាគតិចស្រុកទីវកឹងលើកទី ៣ ប្រព្រឹត្តឡើងកាលពីចុងឆ្នាំ ២០១៩ ក៏បានដាក់ចេញគោលដៅ ភារកិច្ចអនុវត្តការងារជនជាតិ គោលនយោបាយជនជាតិលើភូមិសាស្រ្តស្រុកដំណាក់កាល ២០១៩‑២០២៤ ជាក់ស្តែងគឺ៖ ខិតខំជារៀងរាល់ឆ្នាំកាត់បន្ថយគ្រួសារក្រីក្នុងជនរួមជាតិតិចបំផុត ៤% អត្រាគ្រួសារក្រីក្រក្នុងជនរួមជាតិខ្មែរនៅត្រឹមតែក្រោមពី ១,៥%។ អត្រាពលករជនបទឆ្លងកាត់បណ្តុះបណ្តាលរបរដោយរូបភាពជាច្រើនស្រូបយកអត្រា ៦៥%។ កៀរគរកុមារមានអាយុក្រោមពី ៥ ឆ្នាំចូលថ្នាក់មត្តេយ្យសម្រេច ៩៩,៩% និង កុមារអាយុ ៦ ឆ្នាំចូលថ្នាក់ទី ១ សម្រេចជាង ៩៩,៦%។ រក្សាខ្ជាប់ និងលើកកម្ពស់គុណភាពបណ្តាឃុំ ទីប្រជុំជនសម្រេចសម្បទាជាតិស្តីពីសុខាភិបាល លើកកម្ពស់គុណភាពពិនិត្យ ព្យាបាលជំងឺក្នុងជនរួមជាតិខ្មែរ។ អត្រាគ្រួសារជនរួមជាតិខ្មែរបានប្រើប្រាស់ទឹកស្របអនាម័យសម្រេច ៩៩,៩% គ្រួសារប្រើប្រាស់អគ្គិសនី សម្រេច ១០០%។ រក្សាខ្ជាប់ និងលើកកម្ពស់គុណភាពឃុំ ទីប្រជុំជនរឹងមាំអំពីការពារជាតិ សុវត្ថិភាពអំពីសន្តិសុខសណ្តាប់ធ្នាប់។ កៀរគរ និងប្រើប្រាស់មានប្រសិទ្ធភាពបណ្តាប្រភពកម្លាំងវិនិយោគសម្រាប់តំបន់ជនជាតិខ្មែរ ផ្តុំកសាងហេដ្ឋារចនាសម្ព័ន្ធជនបទ ការងារបណ្តុះបណ្តាលមុខរបរ ដោះស្រាយការងារធ្វើ នីហរ័ណពលករ និងបន្ថយភាពក្រីក្រស្ថិរភាព។ បង្កើនការផ្សព្វផ្សាយ បំផុសចលនាធ្វើឱ្យផ្លាស់ប្តូរស្មារតីយល់ដឹងរបស់ប្រជាជនក្នុងការឈានឡើងចាកផុតភាពក្រីក្ររឹងមាំដោយខ្លួនឯង។

បច្ចុប្បន្ន ស្រុកទីវកឹងបានឆ្លងកាត់ជិតពាក់កណ្តាលអាណត្តិកាលមហាសន្និបាតបណ្តាជនជាតិភាគតិច (២០១៩‑២០២៤) ជាមួយលទ្ធផលគួរពណ៌នា។ ជាមួយភាពរីកចម្រើននោះ ជឿជាក់ថាជីវភាពសម្ភារ ស្មារតីរបស់ជនរួមខ្មែរលើភូមិសាស្រ្តមិនបង្អង់បានលើកកម្ពស់ជាងទៀតនៅពេលខាងមុខ៕   ​   

ថាញ់ក្វាង‑សម្បត្តិ