ជូនអាហារ ២០០ ចំណែកដល់អ្នកធ្វើចត្តាឡីស័ក ប្រមូលផ្ដុំនៅឃុំង៉ាយស្វៀង

ព្រះតេជគុណថាច់ថាយយៀង ព្រះចៅអធិការវត្តស្វាយសៀមចាស់នាំយកអាហារទៅជូនពុទ្ធបរិស័ទនៅក្នុងតំបន់ចត្តាឡីស័ក។

បណ្ដាចំណែកអាហារដែលវត្តបានចាត់តាំងចម្អិនមានជាតិបំប៉នគ្រប់គ្រាន់គឺ៖ បាយ សាច់ ស៊ុត ជ្រក់ត្រសក់ សម្លរម្ជូរ ទឹកត្រី ទឹកតែស្ករត្រជាក់។ល។ នេះជាទង្វើមានអត្ថន័យពិតប្រាកដ សំដែងឲ្យឃើញមនោសញ្ចេតនារបស់ព្រះសង្ឃវត្តពោធិព្រឹក្សគិរីវង្ស (ស្វាយសៀម) ចំពោះពុទ្ធបរិស័ទ រួមចំណែកជាមួយរដ្ឋអំណាចមូលដ្ឋានឧបត្ថម្ភការងារបង្ការ ទប់ស្កាត់ជំងឺកូវីដ-១៩។

មុននោះ គឺនៅឱកាសបុណ្យសែនដូនតា វត្តស្វាយសៀមចាស់ក៏បានទៅជូននំ ភេសជ្ជៈ និងគ្រឿងឧបភោគមួយចំនួនដល់អ្នកដែលកំពុងធ្វើចត្តាឡីស័កប្រមូលផ្ដុំនៅលើភូមិសាស្រ្តឃុំង៉ាយស្វៀង៕                                                        

ដំណឹង-រូបថត៖ ថាច់ហ្វាង