ឃុំទ្រឿងទ័រ៖ រឹតបន្តឹងការពិនិត្យអ្នកឆ្លងកាត់ប៉ុស្តិ៍គ្រប់គ្រងអាសន្នរោគ

តាមប្រសាសន៍របស់លោកវរសេនីយ៍ត្រីប៊ូយស្វឹងទឺ ប្រធាននគរបាលឃុំទ្រឿងទ័រ៖  កាលពីមុន ការលៃលកកងកម្លាំងប្រចាំការគ្រប់គ្រងអាសន្នរោគជារៀងរាល់ថ្ងៃតែពីម៉ោង ៧ ព្រឹកដល់ម៉ោង ៨ ល្ងាចគឺផ្អាកប្រចាំការ។ ប៉ុន្តែបច្ចុប្បន្ន តាមកិច្ចចង្អុលការរបស់ថ្នាក់លើ បង្កើនការប្រចាំការ ២៤/២៤ ម៉ោង។ គិតតាំងពីបង្កើត​ប៉ុស្តិ៍មកទល់ពេលនេះ មានអ្នកដំណើរ ជាង ១០០ លើកនាក់លើកឡើងពីមូលហេតុ​មិនសមហេតុផលបានសំណូមពរឱ្យវិលត្រឡប់ ទៅផ្ទះវិញ។

នគរបាលឃុំទ្រឿងទ័រប្រចាំការប៉ុស្តិ៍គ្រប់គ្រងអាសន្នរោគកូវីដ‑១៩។

ទន្ទឹមជាមួយការបង្កើន រឹតបន្តឹងបណ្តាប៉ុស្តិ៍គ្រប់គ្រងអាសន្នរោគ ឃុំទ្រឿងទ័រនៅទាំងដោះស្រាយឧបត្ថម្ភទាន់ពេលដល់បណ្តាមុខសញ្ញាពលករដែលត្រូវរងឥទ្ធិពលដោយអាសន្នរោគកូវីដ‑១៩  ដល់ប្រជាជនតាមកញ្ចប់ឧបត្ថម្ភរបស់រដ្ឋាភិបាលបានជាង ៨០០ នាក់ ជាមួយ ទឹកប្រាក់ជាង ១,២ ពាន់លានដុង និងដោះស្រាយឧ​បត្ថម្ភអង្ករជាង ៤៣,២ តោនដល់គ្រួ សារក្រីក្រ ជិតក្រ និងគ្រួសារគាំពារសង្គមលើភូមិ​សាស្រ្តចំនួន ៨៤៥ គ្រួ។

លោកទ្រឹងវ៉ាំងទ្រុង ប្រធានគណៈកម្មាធិការប្រជាជនឃុំទ្រឿងទ័រ ប្រធានគណៈចង្អុល ការបង្ការទប់ស្កាត់អាសន្នរោគឃុំបានឱ្យដឹងថា៖  ដោះស្រាយគោល​នយោបាយឧបត្ថម្ភ ដល់ប្រជាជនដែលត្រូវរងឥទ្ធិពលដោយអាសន្នរោគកូវីដ‑១៩ គឺសំដៅលំនឹងជីវភាព និងជួយ ឱ្យប្រជាជនលំនឹងស្មារតីក្នុងការ​អនុវត្តន៍ល្អ ការងារបង្ការទប់ស្កាត់អាសន្នរោគ មិនទុកឱ្យ ប្រជាជនធ្វើដំណើរទៅកន្លែងដទៃស្វែងរក​ទិញបណ្តាប្រភេទស្បៀង អាហារ ប្រជាជនអនុវត្ត ល្អគម្លាតសង្គម ។

ផ្តើមពីការលើកកម្ពស់ស្មារតីប្រុងប្រយ័ត្នក្នុងការបង្ការ ទប់ស្កាត់អាសន្នរោគ កាលពីថ្ងៃ ទី ១៩ ខែសីហា ឆ្នាំ ២០២១ ប្រជាជនជួបប្រទះ ត្រឹងក្វឹក.ណ​ កើតឆ្នាំ ១៩៧៧ នៅភូមិ មាត់ខ្វែង ឃុំង៉ូវឡាក ស្រុកយ្វៀងហាយ ជាអ្នកជំងឺ F0  មានអាការៈសរសៃប្រសាទ បានគេចខ្លួនចេញពីតំបន់ចត្តាឡីស័កមន្ទីរពេទ្យបណ្តោះអាសន្នលេខ ៧ ស្ថិតនៅភូមិចុងក្រោម ឃុំម៉ីចាញ់ ស្រុកចូវថាញ់។  ក្រោយពេលចេញចាកមន្ទីរពេទ្យបណ្តោះអាសន្ននៅពេល​យប់ មុខសញ្ញាបានលុយកាត់វាលស្រែចូលមកភូមិសាស្រ្តឃុំទ្រឿងទ័រ ម្ល៉ោះហើយមិនបានដើរ​ទទឹងឆ្លងកាត់ប៉ុស្តិ៍គ្រប់គ្រងអាសន្នរោគឡើយ។ ដោយអាស្រ័យធ្វើល្អការងារផ្សព្វផ្សាយ លើក​កម្ពស់ស្មារតីប្រុងប្រយ័ត្នរបស់ប្រជាជន ម៉្លោះហើយក្រោយពេលជួបប្រទះ ប្រជាជនបាន ជូនដំណឹងដល់ផ្នែកមានសមត្ថកិច្ច ចាប់ខ្លួនមុខសញ្ញានោះវិលត្រឡប់ទៅតំបន់ច​ត្តាឡីស័ក នៃមន្ទីរពេទ្យវិញ។ ផ្តើមពីទង្វើនោះ បានបញ្ជាក់ឱ្យឃើញថា ស្មារតីរបស់ប្រជា​ជនក្នុងការបង្ការ ទប់ស្កាត់អាសន្នរោគគឺយ៉ាងខ្ពស់ បើសិនឃើញជនចម្លែករូបណាលេចខ្លួន​លើភូមិសាស្រ្តនោះ ក៏ជូនដំណឹងដល់ផ្នែកមានសមត្ថកិច្ច ដោយបំណងឱ្យភូមិសាស្រ្តរបស់ខ្លួនក្លាយជាភូមិសាស្រ្ត គ្មានជំងឺ។

ក្រៅពីលៃលកប្រចាំការនៅប៉ុស្តិ៍ បណ្តាយុទ្ធជននគរបាល យោធានៅទាំងសហការគ្នា ដើរល្បាតតាមបណ្តាដងផ្លូវលើភូមិ​សាស្រ្ត បើសិនពិនិត្យឃើញប្រជាជនអនុវត្តវិធានការបង្ការ ទប់ស្កាត់អាសន្នរោគ​មិនទាន់បានល្អក៏ក្រើនរំលឹកដើម្បីមាមីងអនុវត្តបានហ្មត់ចត់។ អនុវត្ត ល្អការប្រចាំការ​ប៉ុស្តិ៍ គួបផ្សំជាមួយបង្កើនការយាមល្បាត ផ្សព្វផ្សាយ ម៉្លោះហើយឃុំទ្រឿង ទ័រមិនរកឃើញ​ករណីប្រឆាំងតបជាមួយកងកម្លាំងអនុវត្តកិច្ចការរដ្ឋ។ ប្រជាជនម្នាក់ៗ គ្រួសារនីមួយៗតែងប្រតិបត្តិតាមកិច្ចចង្អុលការរបស់គណៈចង្អុលការបង្ការ  ទប់ស្កាត់អាសន្នរោគនៅមូលដ្ឋាន៕

អត្ថបទ‑រូបថត៖ ថាច់សម្បត្តិ