ក្រសួងការពារប្រទេស៖ បញ្ជូនវេជ្ជបណ្ឌិត គ្រូពេទ្យ ៣៩ នាក់មកឧបត្ថម្ភការបង្ការ ទប់ស្កាត់អាសន្នរោគជំងឺកូវីដ ១៩ នៅខេត្តត្រាវិញ

ក្រសួងការពារប្រទេសមកឧបត្ថម្ភខេត្តត្រាវិញ។ រូបថត៖ ហ៊ឺវហ៊ីប

លោកឡេវ៉ាំងហាំង‑ប្រធានគណៈកម្មាធិការប្រជាជនខេត្ត បានថ្លែងអំណរគុណចំពោះថ្នាក់ដឹកនាំក្រសួងការពារប្រទេស គណៈបញ្ជាការដ្ឋានយោធភូមិភាគលេខ​ ៩ ​និងបណ្តាវេជ្ជបណ្ឌិតរបស់វិទ្យាស្ថានពេទ្យយោធា មន្ទីរពេទ្យលេខ ១០៥‑ក្រសួងការពារប្រទេស​ដែលមិនក្រែងរអែងនឹងការលំបាក គ្រោះថ្នាក់​ ស្ម័គ្រចិត្តចុះមកជួយឧបត្ថម្ភខេត្តត្រាវិញ​បង្ការទប់ស្កាត់អាសន្នរោគ។ ប្រធានគណៈកម្មាធិការប្រជាជនខេត្តឲ្យដឹងថា៖ ក្នុងរយៈកាលកន្លងហើយ បណ្តាថ្នាក់ បណ្តាផ្នែកក្នុងខេត្ត បានប្រមូលផ្តុំកម្លាំងបង្ការទប់ស្កាត់អាសន្នរោគជំងឺកូវីដ‑១៩ ហើយត្រាវិញកំពុងឆ្ពោះដល់គោលដៅចាក់វ៉ាក់សាំងម្ជុលទី ២​ គ្របដណ្តប់ ១០០% ជូនប្រជាជន ដើម្បីឆ្ពោះដល់ចាក់វ៉ាក់សាំងម្ជុលទី ៣។ល។ ប៉ុន្តែនៅមានប្រជាជនមួយចំនួននៅអត្តនោម័តិ បណ្តាលឱ្យបណ្តាករណីវិជ្ជមានក្នុងសហគមន៍កើនឡើងខ្ពស់ បណ្តាមន្ទីរពេទ្យបណ្តោះអាសន្ន កងកម្លាំងសុខាភិបាលនៅមូលដ្ឋានហួសចំណុះ។ ឆ្លងតាមការបញ្ជូនបំពេញបន្ថែមកងជួរវេជ្ជបណ្ឌិត គ្រូពេទ្យយោធា សង្ឃឹមថាខេត្តត្រាវិញរុញច្រានអាសន្នរោគ និងឆាប់លើកស្ទួយជីវភាពប្រជាជនវិលត្រឡប់មកស្ថានភាពធម្មតាថ្មី៕                                             

ហ៊ឺវហ៊ីប‑សុខា