កំណាព្យ

                                  ដោយ៖ គឹមស៊ើង

មិនមែនពួកខ្ញុំរស់គ្មានគ្រួសារ                               គ្មានញាតិកាដូចបងប្អូនទេអើយ

មានកូនស្វាមីភរិយាដូចគេ                                   ទ្រាំទុក្ខរឹតទ្វេព្រោះជាតិខេមរា។

មេរោគកូវីដបំផ្លាញក្តីសុខ                                     ប្រជាជូបទុក្ខទូទាំងរដ្ឋាអើយ

គ្រប់ទីកន្លែងសង្វេគអនិច្ចា                                  យើងត្រូវបង្ការប្រយ័ត្នគ្រប់គ្នា។

កុំធ្វេសប្រហែសចចេសប្រមាទ                               ខំប្រឹងឱហាតសង្វាតគ្រប់គ្នា

ចូលយើងអនុវត្តល្អប្រាំការពារ                               ទើបអាចធានាចៀសផុតកូរ៉ូណា។

ច្នេះយើងជាខ្មែរទាំងប្រុសទាំងស្រី                          គួរគិតគប្បីការពាររក្សាអើយ

យើងត្រូវរួមគ្នាប្រយុទ្ធបង្ការ                                  ទើបជាតិរដ្ឋាគ្រួសារសុខសាន្ត៕

បណ្តាគ្រូពេទ្យត្រួតដៃរុញច្រានកូរ៉ូណា។ រូបថត៖ បាធី