អាហារមនោសញ្ចេតនានារដូវអាសន្នរោគកូវីដ

សមាជិកា​ត្រៀមបម្រុងបាយម្ហូបឧបត្ថម្ភតំបន់ចត្តាឡីស័ក។ រូបថត៖ គីមង៉ឹង

ចាប់ពីថ្ងៃទី ០៥ ខែកក្កដា ឆ្នាំ ២០២១ ចង្ក្រានធៀងង្វៀងស្រុកទីវកឹង​បានចាត់តាំងដណ្តាំស្ល រួចជូនដោយឥតគិតថ្លៃក្នុងមួយថ្ងៃពី ២៥០‑៣០០ ចំណែក​ដល់ប្រជាជន និងកងកម្លាំងប្រចាំប៉ុស្តិ៍តំបន់ធ្វើចត្តាឡីស័ក ០៥ កន្លែងនៅថ្ងៃ ចន្ទ ពុធ និងសុក្រ។ នៅម៉ោង ០៥ ព្រឹក កម្មាភិបាល សមាជិកាសមាគមនារីតាំងពី​ថ្នាក់ស្រុកដល់បណ្តាអនុសង្កាត់របស់ទីប្រជុំជនត្រូវប្រមូលគ្នានៅទីស្នាក់ការគណៈកម្មការប្រជាជន អនុសង្កាត់លេខ ៦ ដើម្បីចម្អិនអាហារមនោសញ្ចេតនាពេលថ្ងៃត្រង់ឧប​ត្ថម្ភដល់បណ្តាកន្លែងធ្វើចត្តាឡីស័កប្រមូលផ្តុំ។ មីងឡេធីធូហឿង ប្រធានសាខាសមាគម​នារីអនុសង្កាត់លេខ ២ ទីប្រជុំជនទីវកឹងបានឱ្យដឹងថា៖ “ពេលសមាគមសហព័ន្ធនារីស្រុក​បំផុសចលនាបងប្អូននារីចូលរួមជាមួយសកម្មភាពនេះ​ ខ្ញុំស្ម័គ្រចិត្តចូលរួមភ្លាម។ ខ្ញុំមានបំ​ណងរួមកម្លាំងកាយរបស់ខ្លួន  មួយចំណែកដើម្បីចូលរួមរុញច្រានអាសន្នរោគកូវីដ‑១៩។ អ្នកខ្លះចូលរួមប្រាក់កាស អ្នកខ្លះបានចូលរួមជាកម្លាំងដណ្តាំស្ល ក្នុងមួយសប្តាហ៍ ៣ ថ្ងៃ (ពេលបាយថ្ងៃត្រង់) រួចយកទៅឧបត្ថម្ភកន្លែងធ្វើចត្តាឡីស័ក ៥ កន្លែងរបស់ស្រុក”។  ឱ្យតែដល់ម៉ោង ៥ ព្រលឹម បងៗមកកាន់ទីស្នាក់ការគណៈកម្មការប្រជាជនអនុសង្កាត់លេខ ៦ ដណ្តាំស្ល អ្នកខ្លះបេះបន្លែ ខ្លះលាងត្រី សាច់ ។ល។ ដល់ពេលប្រហែលជាម៉ោង ១០ បងៗបែងការងារម្នាក់ៗដាក់ចូល​ទៅក្នុងប្រអប់ អ្នកខ្លះចែកចំណែកសាច់ ត្រីខ សម្ល។ល។ ដាក់ជាកញ្ចប់ដោយឡែក​ដើម្បីងាយស្រួលសម្រាប់ប្រគល់ដល់បណ្តាកន្លែងទទួលយក។ អាហារមួយចំណែកៗធានា​គ្រប់អាហារូបត្ថម្ភ (បាយ សម្ល លីង ឆារ) អាហារតែងបានផ្លាស់ប្តូរតាមថ្ងៃនីមួយៗ។  អាស្រ័យ​បណ្តាតំបន់ធ្វើចត្តាឡីស័កមិនស្ថិតក្នុងដងផ្លូវតែមួយ ម៉្លោះហើយអ្នកជញ្ជូនក៏ត្រៀមបម្រុងពេលវេ​លាដើម្បីនាំទៅជូនដល់បណ្តាកម្លាំងបំពេញភារកិច្ច ប្រជាជនកំពុងអនុវត្តចត្តាឡី​ស័កបានទាន់ពេល។

គិតមកទល់ពេលនេះ ស្រុកទីវកឹងមានមុខសញ្ញាជាង ៣០០ នាក់អនុវត្តចត្តាឡីស័ក​ប្រមូលផ្តុំ មុខសញ្ញាជាង ៦០០​ នាក់កំពុងអនុវត្តចត្តាឡីស័កនៅនឹងផ្ទះ(គឺជាមុខសញ្ញា F១ អ្នកពីបណ្តាខេត្ត ទីក្រុងមកកាន់មូលដ្ឋាន)។ ទន្ទឹមនឹងនោះ ស្រុកអនុវត្តការហ៊ុមព័ទ្ធ ០២ តំបន់៖ ជាមួយនឹងគ្រួសារប្រជាជន ២១ គ្រួរបស់ភូមិហ្វាថាញ់ ឃុំហ៊ុងហ្វា និង ១២ គ្រួសារនៅភូមិតឹងដាយ ឃុំហ៊ីវទឺ។ មីងថាច់ធីសុភាព នៅភូមិហ្វាថាញ់ ឃុំហ៊ុងហ្វាបានឱ្យដឹងថា៖ ពេលត្រូវហ៊ុមព័ទ្ធ គ្រួសារខ្ញុំក៏ដូចជាគ្រួសារប្រជាជន ២០ គ្រួទៀតក្នុងតំបន់ជួបការលំបាកយ៉ាងច្រើន ជួនកាលផ្ទះ​អស់ស្ករ ទឹកត្រី។ល។ ត្រូវពឹងពាក់កងកម្លាំងខាងក្រៅតំបន់ហ៊ុមព័ទ្ធជួយទិញ ឬក៏ពឹងពាក់ទៅលើសប្បុរសជន។​ មិនបានធ្វើដំណើរទៅមកដូចថ្ងៃធម្មតារហូត ២១ ថ្ងៃ ផ្ទះអ្នក ណាអ្នក​នោះនៅ។

លោកស្រី ឡេធីគីមឡង ប្រធានសមាគមសហព័ន្ធនារីស្រុកទីវកឹងបានឱ្យដឹងថា៖ ក្រៅពីចង្ក្រានបាយប្រាថ្នាកុសលអាស្រ័យសមាគមសហព័ន្ធនារីបំផុសចលនាស្រុកនៅទាំង​មានក្រុមប្រាថ្នាកុសលដណ្តាំបាយថ្ងៃនិងរសៀល ២ ក្រុមទៀតក្នុងបណ្តាថ្ងៃដើម្បីឧបត្ថម្ភដល់បណ្តាតំបន់ធ្វើចត្តាឡីស័កប្រមូលផ្តុំលើភូមិសាស្រ្តស្រុក។ ទន្ទឹមនឹងនោះ បណ្តាសមាគមមូលដ្ឋាននៅទាំងបំផុសចលនាឧបត្ថម្ភបណ្តាមុខសញ្ញាធ្វើចត្តាឡីស័កប្រ​មូលផ្តុំ និងចត្តាឡីស័កនៅផ្ទះចំនួន ១៣៥ ចំណែកទៀត រួមមាន៖ អង្ករ គ្រឿងបរិភោគសំ​ខាន់ៗដទៃទៀត គិតជាតម្លៃជាង ២៣ លានដុង។ សមាគមសហព័ន្ធនារីស្រុក ចូលរួមជា​មួយអចិន្ត្រៃយ៍នៃគណៈកម្មាធិការបក្សស្រុក គណៈប្រជាចលនានៃគណៈកម្មាធិការបក្ស​ស្រុក រួមជាមួយបណ្តាផ្នែកអង្គការមហាជនចាត់តាំងទៅសួរសុខទុក្ខ ជូនអំណោយ លើក​ទឹកចិត្តកងកម្លាំងប្រចាំការប៉ុស្តិ៍ពិនិត្យអាសន្នរោគកំពង់ចម្លងដាយង៉ាយ (ទីប្រជុំជនកូវក្វាង) គិតជាតម្លៃជិត ១០ លានដុង។ គិតមកទល់ពេលនេះ ស្រុកទីវកឹងបំផុសចលនាបាន​ទឹកប្រាក់ជាង ១០៦ លានដុង (ប្រាក់ និងវត្ថុ) ឧបត្ថម្ភដល់ប្រជាជនកំពុងអនុវត្តធ្វើចត្តាឡី​ស័ក និងកងកម្លាំងធ្វើភារកិច្ចនៅតាមបណ្តាតំបន់ធ្វើចត្តាឡីស័កប្រមូលផ្តុំលើភូមិសាស្រ្ត​ស្រុក។ ​សមាគមសហព័ន្ធនារីស្រុក នឹងបន្តបំផុសចលនាកម្មាភិបាល សមាជិកាសមាគម  នារី បណ្តាផ្នែក អង្គការមហាជនចាត់តាំងចង្ក្រានបាយប្រាថ្នាកុសលដើម្បីឧបត្ថម្ភប្រជាជន​តំបន់ចត្តាឡីស័ក និងជូនអំណោយជាច្រើនចំណែកដល់សមាជិកាសមាគម នារីក្នុងតំបន់ហ៊ុមព័ទ្ធលើភូមិសាស្រ្តស្រុក។ ដោយឡែកចង្ក្រានបាយប្រាថ្នាកុសលនឹងធ្វើសកម្មភាពក្នុងមួយសប្ដាហ៍ ៣ ថ្ងៃនារដូវអាសន្នរោគនេះ រួចនឹង បង្កើន បន្ថយចំនួនអ្នកហូប​យោងទៅតាមចំនួនប្រជាជនអនុវត្តចត្តាឡីស័កនៅតាមបណ្តាតំបន់ធ្វើចត្តាឡីស័កប្រមូល​ផ្តុំរបស់ស្រុក។

បណ្តាអំណោយ ចំណែកបាយមេត្តាធម៌មិននៅជាភាពចម្លែកជាមួយប្រជាជនទៀតឡើយ  ប៉ុន្តែនៅក្នុងពេលជួបលំបាកដូចពេលសព្វថ្ងៃ បណ្តាចំណែកបាយប្រកបដោយភាពកក់ក្តៅ​នេះកាន់តែមានអត្ថន័យជាទីបំផុត។ នោះគឺសកម្មភាពល្អដើម្បីសំដែងពីសាមគ្គីភាព ស្និទ្ធស្នាល ស្រឡាញ់ ចែករំលែកដល់គ្នារវាងមនុស្សនិងមនុស្សក្នុងពេលជួបលំបាក៕​​​

គីមង៉ឹង‑សម្បត្តិ