កសាងភូមិជនបទថ្មីលើកកម្ពស់ - ជីវភាពជនរួមជាតិខ្មែរបានរីកចម្រើន

លោក ថាច់ខន (ស្ដាំ)ទស្សនាទម្រង់ផលិតស្រូវគុណភាពខ្ពស់របស់ភូមិ។

លោក ថាច់ខន - ប្រធានគណៈកម្មការប្រជាជនភូមិក្បាលទូកឲ្យដឹង៖ គិតតាំងពីពេលភូមិផ្សព្វផ្សាយកសាងជនបទថ្មីលើកកម្ពស់ ទាក់ទាញបានការចាប់អារម្មណ៍ និងការចូលរួមយ៉ាងសកម្មពីរដ្ឋអំណាច អង្គការមហាជន ក៏ដូចជាការស្រុះស្រួលចិត្តគំនិតចូលរួមរបស់ប្រជាជនគ្រប់ជាន់ស្រទាប់ ជាពិសេសគឺមាមីងជនរួមជាតិខ្មែរនៅក្នុងភូមិ។ផ្តើមពីប្រភពទុនកម្មវិធីគោល ដៅជាតិកសាងជនបទថ្មី ភូមិបានវិនិយោគទុន និងកសាងបណ្តាសំណង់បម្រើជីវភាពប្រជាជនដូចជា៖ វិនិយោគទុន ៥០ លានដុង ដើម្បីជួសជុលអគារវប្បធម៌ ភូមិកសាង និងបើកទូលាយកំណាត់ផ្លូវកៅស៊ូចំនួន ០៤ ខ្សែ មានប្រវែងសរុបរួមជិត ០៥ គីឡូម៉ែត្រ ដោយបានប្រជាជនបរិច្ចាគដី ដើមឈើ និងផលដំណាំ។ ក្រៅពីនេះ ភូមិនៅទាំងបំផុសចលនាសប្បុរសជនរួមវិភាគទានកសាងសំណង់អំពូលភ្លើងថាមពលពន្លឺព្រះអាទិត្យ ជាមួយនឹងថវិកាសរុបជាង ១៤១ លានដុង និងកសាងស្ពានចំ នួន ០៤ កន្លែង។ល។ ទន្ទឹមនឹងនោះ គណៈកម្មការប្រជាជនភូមិនៅទាំងផ្សព្វផ្សាយក្នុងបក្ខជន និងប្រជាជនចូលរួមសម្អាតទិដ្ឋភាពបរិស្ថានជុំវិញផ្ទះសម្បែងឲ្យមានភាពស្រឡះស្រលួនជ្រះស្អាត បន្តថែទាំផ្កាតាមដងផ្លូវស្រុកលេខ ៣៦ និងផ្កាលម្អលើភូមិសាស្រ្តភូមិ។ អនុវត្តល្អការងារផ្សព្វផ្សាយបណ្តាលក្ខឋានជនបទថ្មី និងជនបទថ្មីលើកកម្ពស់។

ក្នុងទូទាំងភូមិមានផ្ទៃដីកសិកម្មចំនួន ១៧៥,៣ ហិកតា ក្នុងមួយឆ្នាំផលិតស្រូវបាន ៣ រដូវ។ ឆ្នាំ ២០២៤ ដើម្បីឧបត្ថម្ភកសិករកាត់បន្ថយប្រាក់ចំណាយ និងបង្កើនទិន្នផល ប្រាក់កម្រៃក្នុងការផលិតស្រូវ ភូមិបានសហការជាមួយក្រុមហ៊ុន Sumuapham បង្កើតទម្រង់ផលិតស្រូវមានគុណភាពខ្ពស់លើផ្ទៃដី ៤០ ហិកតា ដោយមានកសិករចំនួន ៥១ នាក់ចូលរួម។ ចូលរួមជាទម្រង់ កសិករបានឧបត្ថម្ភអំពីពូជស្រូវ បច្ចេកទេស។ល។ ជាលទ្ធផល ក្នុងរដូវស្រូវនីមួយៗ ក្រោយពេលទូទាត់ប្រាក់ចំណាយរួចស្រេច កសិករនៅចំណេញជាង ៣០ លានដុងក្នុងមួយហិកតា។

ក្រៅពីស្រូវ ការចិញ្ចឹមសត្វក៏បានរួមចំណែកបង្កើនប្រាក់ចំណូលដល់គ្រួសារជនជាតិខ្មែរនៅទីនេះផងដែរ។ ទូទាំងភូមិមានហ្វូងគោជាង ៥០០ ក្បាល ហ្វូងជ្រូកជាង ១.០០០ ក្បាល និងចិញ្ចឹមពពែ កង្កែប។ល។

លោក ថាច់ឡុង នៅភូមិក្បាលទូក ឱ្យដឹងដោយរីករាយថា៖ ប្តីប្រពន្ធខ្ញុំមិនមានការងារធ្វើស្ថិរភាពទេ កាលពីឆ្នាំ ២០២៤ ភូមិឧបត្ថម្ភទឹកប្រាក់ឱ្យគ្រួសារខ្ញុំបាន ៧,៣ លានដុង ធ្វើជាទុនសម្រាប់ចិញ្ចឹមកង្កែបនិងលក់សន្លឹកឆ្នោត។ ដោយឃើញផ្ទះខ្ញុំទ្រុឌទ្រោម ភូមិបានបំផុសចលនាដល់ក្រុមហ៊ុនឆ្នោតជាតិសាងសង់ផ្ទះឡើងវិញជាមួយទឹកប្រាក់ចំនួន ៥០ លានដុង។ បច្ចុប្បន្ន កូនច្បងក៏បានភូមិឧទ្ទេសនាមឲ្យចូលធ្វើការនៅក្រុមហ៊ុនម៉ីផុងផងដែរ។ ឆ្នាំនេះជាឆ្នាំដំបូងដែលគ្រួសារខ្ញុំទទួលឆ្នាំថ្មីដោយក្តីសុខដុមរមនា។

ទទួលបានការឧបត្ថម្ភទុនចិញ្ចឹមកង្កែប គ្រួសារបង ថាច់ឡុង(ស្ដាំ)ឈានឡើងចាកផុតភាពក្រីក្រ។

ដោយសារកម្មវិធីគោលដៅជាតិកសាងជនបទថ្មីលើកកម្ពស់ទើបអត្រាគ្រួសារក្រីក្រក្នុងភូមិមានការថយចុះគួឲ្យកត់សម្គាល់។ បច្ចុប្បន្នទូទាំងភូមិនៅមានគ្រួសារក្រីក្រតែ ៥ គ្រួ (ដោយសារបាត់បង់សមត្ថភាពពលកម្ម និងវ័យចាស់ឯកោ) គ្មានគ្រួសារជិតក្រឡើយ ហើយមានគ្រួសារធូរធាជាង ៧០ គ្រួ។ អត្រាគ្រួសារនៅក្នុងភូមិមានទឹកស្អាត និងអគ្គិសនីប្រើប្រាស់ប្រចាំថ្ងៃសម្រេច ១០០%។

លោក ឡឹមហ្វី អនុលេខាគណៈកម្មាធិការបក្សឃុំឡុងហ៊ីបឲ្យដឹង៖ កម្មវិធីគោលដៅជាតិកសាងភូមិជនបទថ្មីលើកកម្ពស់ មិនត្រឹមតែជួយមាមីងខ្មែរនៅភូមិក្បាលទូកបានពង្រីក សេដ្ឋកិច្ចគ្រួសារប៉ុណ្ណោទេ ថែមទាំងផ្តុំលើការកាត់បន្ថយភាពក្រីក្រស្ថិរភាព តាមរយៈការបណ្តុះបណ្តាលវិជ្ជាជីវៈ និងឧទ្ទេសនាមការងារធ្វើដល់កសិករនៅមូលដ្ឋានមានការងារធ្វើលំនឹង។ ទន្ទឹមនឹងនោះ ភូមិតែងសហការដោយភាពរវៀសរវៃជាមួយអាជីវកម្មដើម្បីបើកថ្នាក់បណ្តុះបណ្តាលវិជ្ជាជីវៈ ណែនាំដល់ប្រជាជនពីរបៀបប្រកបកិច្ចការរកទទួលទានមានប្រសិទ្ធភាព។ ជាពិសេសយុវជនខ្មែរ បានបង្កលក្ខណៈឱ្យបានរៀនមុខរបរ និងធ្វើការក្នុងតំបន់ឧស្សាហកម្ម ដើម្បីបង្កើនប្រាក់ចំណូលជូនគ្រួសារ។

ទន្ទឹមនឹងការពង្រីកសេដ្ឋកិច្ចបណ្ដាប្រភេទវប្បធម៌របស់ជនជាតិខ្មែរក៏បានថែរក្សានិងលើកតម្កើងនៅភូមិក្បាលទូក បង្កើត បានវង់ភ្លេងពិណពាទ្យ ០១ វង់ ក្លឹបរបាំយក្ស-ស្វា ១ ក្រុម ក្រុមបាល់ទះ ០១ ក្រុម និងក្រុមទូក-ងខ្នាតតូច ដែលមានសមាជិកចំនួន ១៦ នាក់ ដើម្បីបម្រើសកម្មភាពកីឡាក្នុងថ្ងៃបុណ្យធំៗរបស់ជនជាតិខ្មែរ ព្រមទាំងរួមសម្តែងនៅក្នុង និងក្រៅភូមិ៕   

អត្ថបទ-រូបថត៖ សុខា