លោកមាស៊ើងង៉ុកគីមរួមចំណែកយ៉ាងសកម្មក្នុងការអប់រំអ្នកដែលជ្រុលជ្រួស

   លោកមាស៊ើងង៉ុកគីម កើតឆ្នាំ ១៩៥១ នៅភូមិ ពិសី ឃុំភឿងថាញ់ ស្រុកកាងឡុង។​ ​លោកមា បានរួមចំណែកយ៉ាងសកម្មក្នុងការផ្សព្វផ្សាយចលនា មាមីងខ្មែរចូលរួមកសាងភូមិពិសីសម្រេចលក្ខឋានភូមិវប្បធម៌ជនបទថ្មីកាលពីខែមេសា ឆ្នាំ ២០១៩​។  ឆ្នាំ ២០១៩ លោកមាស៊ើងង៉ុកគីមបានគណៈកម្មាធិការប្រជាជន ខេត្តជូនប័ណ្ណ សរសើរអំពី​ស្នាដៃ " ពង្រីកតួនាទីអ្នកមានប្រជាប្រិយភាពក្នុងតំបន់ជនរួមជាតិខ្មែរ ចំពោះការងារ​ជនជាតិនិងគោលនយោបាយជនជាតិនៅលើភូមិសាស្ត្រខេត្ត ដំណាក់ កាល ២០១៤‑២០១៥ "​ និងប័ណ្ណសរសើរសម្រេច "ស្នាដៃឆ្នើមក្នុងការអនុវត្តន៍កម្មវិធីគោល ដៅជាតិកសាងជនបទថ្មី "  ។

         ឆ្នាំ ២០១៧ លោកមាស៊ើងង៉ុកគីមចូលរួមក្លឹប "ផ្សព្វផ្សាយអប់រំមុខសញ្ញាជ្រួសជ្រុល "​ នៅភូមិ ពិសីឃុំផុងថាញ់ ស្រុកកាងឡុង។​ ជាមួយតួនាទីជាសមាជិកក្លឹប អ្នកមានប្រជា ប្រិយភាព​ក្នុងតំបន់ជនជាតិខ្មែរ លោកមា  តែងម្ចាស់ការសហការជាមួយបណ្តាអង្គការ​មហាជនភូមិផ្សព្វផ្សាយគោលការណ៍ គោលនយោបាយ ក្រឹត្យច្បាប់របស់បក្សនិងរដ្ឋដល់ប្រជាជនក្នងភូមិ​ ទាំងមូលនិងសកម្មផ្សព្វផ្សាយ ចលនាមាមីងខ្មែរ ចូលរួមកសាងចលនាប្រជាជនទាំងមូលបង្ការ បង្រ្កាបពិរុទ្ធជន ដើម្បី រួមចំណែករក្សាសន្តិសុខនយោបាយ សណ្ដាប់ធ្នាប់សង្គមនៅមូលដ្ឋាន។ តាំងពីចូលរួមក្លឹប​មក​ទល់ពេលនេះ គាត់អប់រំមុខសញ្ញាបាន ២២ នាក់ ឪ្យកែប្រែខ្លួនល្អវិញ។  ​ បច្ចុប្បន្ន អ្នកទាំងនោះក៏បានកែប្រែខ្លួនហើយខិតខំរកស៊ីត្រឹមត្រូវ​វិញ។ ក្រៅពីនោះគាត់នៅទាំងគ្រប់គ្រងអប់រំមុខសញ្ញា ០៣ នាក់ទៀតនៅមូលដ្ឋានដែលច្រើនតែ ផឹកស្រា បៀ បើកបរម៉ូតូខុសច្បាប់ ។ល។

   មីងស៊ើងធី ស.អាយុ ៤៥ ឆ្នាំ នៅភូមិពិសី ឃុំផុងថាញ់ មានកូនម្នាក់ច្រើន​បង្កររឿងអ៊ុកឡុក ប្របួលគ្នីរគ្នាផឹកស៊ីពេលយប់ កូនគាត់ក៏បានលោកមា ស៊ើងង៉ុកគីមអប់រំ​សម្រេចជោគជ័យ។ មីងស៊ើងធី ស. បានឲ្យដឹងថា៖ ខ្ញុំមានកូនប្រុស ០២ នាក់ ។ ម្នាក់ស្លូត​បូតត្រឹមត្រូវណាស់ ម្នាក់ទៀតតែងសេពគប់មិត្តភក្តិស្រាបៀប្រណាំងម៉ូតូ មិនយូរប៉ុន្មានវាក៏ដូចមិត្តភ័ក្ដរបស់វាដែរ។ឪពុកម្តាយ មាមីង អប់រំ វាមិនស្តាប់តាមឡើយ។ សំណាងល្អវាមាននិស្ស័យជាមួយលោកមាគីម បានគាត់ជួយអប់រំ បច្ចុប្បន្ន វាភ្ញាក់រលឹកហើយ មិនទៅប្រព្រឹត្តអំពើខុសឆ្គងដូចពីមុនទៀត​វាតែងព្យាយាម ប្រកបការងាររកស៊ីជានិច្ច។ ខ្ញុំសប្បាយចិត្តហើយអរគុណដល់លោកមាគីមច្រើនណាស់។

   ដើម្បីអប់រំមុខសញ្ញាប្រព្រឹត្តអំពើខុសឆ្គងបានសម្រេចជោគជ័យ លោកមាស៊ើងង៉ុកគីម បានសំណេះសំណាលថា៖ មុននឹងចលនា អប់រំក្មួយៗ​ខ្ញុំច្រើនទៅជួបឪពុកម្តាយក្មួយៗ​សំណេះសំណាលស្វែងយល់អំពីចិត្តសាស្រ្តរបស់វា។ បន្ទាប់មកខ្ញុំក៏ធ្វើការស្និទ្ធស្នាលជា មួយ​ក្មួយៗ។​ លុះក្មួយៗស្និទ្ធស្នាលជាមួយខ្ញុំហើយ ខ្ញុំក៏ទូន្មាន អប់រំ ណែនាំក្មួយៗពីរបៀប រស់នៅ​ល្អ រស់នៅយ៉ាងណាដើម្បីមានប្រយោជន៍ដល់ខ្លួន និងសង្គម។ ឆ្លងតាមរយៈនោះ ក្មួយៗមានស្មារតីភ្ញាក់រលឹក យល់ពីកំហុសរបស់​ខ្លួនរួចកែប្រែខ្លួនបាន ល្អ។

       លោកង្វៀងវ៉ាំងកឿង លេខាសាខាបក្សភូមិពិសី ឃុំផុងថាញ់ ស្រុកកាងឡុងបានឲ្យ​ដឹង៖ភូមិពិសីមានប្រជាជន ៥១០ គ្រួសារ ក្នុងនោះគ្រួសារជនជាតិខ្មែរជាង ៧០%។ ការងារផ្សព្វគោលការណ៍គោល នយោបាយច្បាប់របស់បក្សនិងរដ្ឋជួបប្រទះបញ្ហាលំបាកច្រើន។ ថ្វីត្បិតដូច្នោះក្តី សាខាបក្ស រដ្ឋអំណាចភូមិទទួលបានការចូលរួមយ៉ាងសកម្មរបស់លោកមាស៊ើងង៉ុកគីម​ក្នុងការងារផ្សព្វផ្សាយជួយឲ្យមាមីងខ្មែរយល់ដឹងនិងអនុវត្តល្អគោលការណ៍ គោលនយោបាយច្បាប់របស់បក្សនិងរដ្ឋ។ ទន្ទឹមនឹងនោះ គាត់នៅ​ទាំងមានទេពកោសល្យក្នុងការអប់រំយុវជនដែលជ្រុលជ្រួសប្រព្រឹត្តអំពើខុសឆ្គង យល់ ពីកំហុសរបស់ខ្លួនរួច​កែប្រែខ្លួនបាន​ល្អវិញ។ ភូមិពិសី ឃុំផុងថាញ់អនុវត្តសម្រេចលក្ខឋានភូមិ​វប្បធម៌ ជនបទថ្មីដូចសព្វថ្ងៃអាស្រ័យមានការរួមចំណែកយ៉ាងសកម្មរបស់លោកមាស៊ើងង៉ុកគីម៕                                                                                                                  អត្ថបទ‑រូបថត៖ សុជា