ព្រះតេជគុណគឹមហាយត្វងអស់ពីព្រះទ័យចំពោះសាសនានិងសង្គម

ព្រះតេជគុណគឹមហាយត្វង ។

ព្រះតេជគុណគឹមហាយត្វង ឆ្នាំកំណើត ១៩៨២ នៅភូមិអង្កោល ឃុំឡុងវិញ ស្រុកយៀងហាយ។ កាលពីអាយុបាន ១៣ ឆ្នាំ យុវជនគឹមហាយ ត្វង សុំឪពុកម្តាយសាងផ្នួសនៅវត្តអង្កោលឃុំឡុងវិញតាមប្រពៃណីរបស់ជនជាតិខ្មែរ។ ឆ្នាំ ២០០៨ ព្រះតេជគុណបានពុទ្ធបរិស័ទ​ និង​គណៈអារាមាភិបាលវត្តអង្កោលតែងតាំងតួនាទីជាព្រះចៅអធិការវត្តអង្កោល រហូតមកដល់ បច្ចុប្បន្ននេះ។ ចាប់តាំងពីទទួលនាទីជាព្រះចៅ អធិការវត្តព្រះតេជគុណបានបវារណាពុទ្ធបរិស័ទ ចូលរួមកសាងសាលាទាន ខ្លោងទ្វារ ជួសជុល ព្រះវិហារ កសាងរបងវត្តជាដើម។ ក្រៅពីនោះ ព្រះអង្គនៅទាំងបវារណាពុទ្ធបរិស័ទ និងសប្បុ រសជនទាំងក្នុងនិងក្រៅខេត្តជូនអំណោយកសាង ផ្ទះ ។ល។ ដល់គ្រួសារក្រីក្រ សិស្សក្រីក្រសង្វាត រៀនសូត្រ។ មធ្យមភាគក្នុងមួយឆ្នាំព្រះអង្គធ្វើកិច្ចការសប្បុរសធម៌សង្គមជិត ១០០ លានដុង ដូចជាក្នុងឆ្នាំ ២០១៩ ព្រះតេជគុណ កសាងផ្ទះ មេត្តាធម៌ ០២ ខ្នងជូនដល់គ្រួសារបងមួងនិង គ្រួសារថាច់ធីជីនៅភូមិចុងផ្នោរ ឃុំឡុងវិញ ផ្ទះ មួយខ្នងៗតម្លៃ ២៥ លានដុង និងបវារណាពុទ្ធបរិ ស័ទជូនអំណោយជិត ៣០០ ចំណែកសរុបតម្លៃ ជិត ៧០ លានដុង។ ដោយឡែកឆ្នាំ ២០២០ បវារណាពុទ្ធបរិស័ទជូនអំណោយ ៧០០ ចំ ណែក សរុបជាទឹកប្រាក់ជាង ២០០ លានដុង ក្នុងនោះ បវារណាបានអំណោយ ៤០០ (រួម មានគ្រឿងបរិភោគ ឧបភោគ ដូចជា មុង ភួយ ប្រេងចម្អិន មី ។ល។  ) ផ្ញើជូនប្រជាជនភូមិភាគ កណ្តាលសរុបជាទឹកប្រាក់ជិត ១២០ លានដុង។
   ព្រះតេជព្រះគុណគឹមហាយត្វងមានថេរដីកាថា៖ " យើងទាំងអស់គ្នាជាពុទ្ធបរិស័ទពិតជាយល់អំពីព្រហ្មវិហារធម៌ ០៤ យ៉ាង (មេត្តា ករុណា មុទិតា  ឧបេក្ខា) នេះគឺជាសច្ចធម៌ដែល ព្រះពុទ្ធបរមគ្រូនៃយើងបានប្រៀនប្រដៅដល់សព្វសត្វ។ អាត្មាមាននិស្ស័យបានបួសរៀនក្នុង ពុទ្ធសាសនា ដូច្នេះអាត្មាត្រូវគោរពប្រតិបត្តិ តាមពុទ្ធោវាទរបស់ព្រះពុទ្ធបរមគ្រូ។ អាត្មាតែងចម្រើនមេត្តាដល់សព្វសត្វ សូមឲ្យសព្វសត្វឆ្ងាយចាកពីឧបទ្ទវន្តរាយទាំងពួង ដូច្នោះហើយពេល​ដឹងថា​ប្រជាជនណាជួបប្រទះការលំបាកខ្វះខាត អាត្មាតែងខ្វល់ខ្វាយ រួចបវារណាពុទ្ធបរិស័ទឲ្យជួយឧបត្ថម្ភដើម្បីជួយលើកស្ទួយប្រជាជននោះ​ឲ្យឆ្លងផុតពីកង្វះខាតមួយចំណែកក្នុងជីវភាព។ អាត្មាត្រេកអរណាស់ដែលបានធ្វើនូវទង្វើទាំង​នោះ។ បំណងធំបំផុតរបស់អាត្មា គឺចង់ឲ្យប្រជាជនគ្រប់ជាន់ស្រទាប់រស់នៅបានសុភមង្គល​រួចគប្បីចម្រើនមេត្តាចិត្តដើម្បីផ្តល់នូវសេចក្តី សុខ ចម្រើនដល់ប្រជាជនក្នុងសង្គមទាំងមូល។

រដ្ឋអំណាចឃុំឡុងវិញទៅពិគ្រោះជាមួយព្រះតេជគុណគឹមហាយត្វងពីរបៀបផ្សព្វផ្សាយច្បាប់ ។
  លោកឡឹមថាញ់ហាយ លេខាបក្ស ឃុំឡុងវិញមានប្រសាសន៍ថា៖ជាមួយនឹងតួនាទីជា អនុ ប្រធាន សមាគមព្រះសង្ឃសាមគ្គីស្នេហាជាតិ ស្រុក និងជាអនុប្រធានគណៈអភិបាលពុទ្ធសាសនាវៀតណាមស្រុកយៀងហាយ ជារៀងរាល់ ថ្ងៃសីល និងថ្ងៃបុណ្យទានផ្សេងៗព្រះតេជព្រះគុណគឹមហាយត្វង តែងសហការជាមួយរដ្ឋអំណាចមូលដ្ឋានផ្សព្វផ្សាយ ចលនាប្រជាពុទ្ធបរិស័ទអនុវត្តល្អតាមគោលមាគ៌ា គោលនយោបាយ ច្បាប់របស់បក្សនិងរដ្ឋ។ ទន្ទឹមនឹងនោះ ព្រះអង្គ នៅទាំងសកម្មភាព ក្នុងការងារសប្បុរសធម៌ សង្គមដូចជាជួយឧបត្ថម្ភសម្ភារ ស្មារតីដើម្បីប្រ ជាជនកាត់បន្ថយការលំបាកមួយចំណែក ក្នុង ជីវភាព និងបើកសាលាឲ្យកូនចៅជនជាតិខ្មែរ ចូលវត្ត រៀនអក្សរសាស្ត្រខ្មែរ ក្នុងរដូវវិស្សម កាល។ បង្កើតក្រុមសិល្បៈមហាជនខ្មែរ ដើម្បី ឲ្យកូនចៅខ្មែរមានបរិស្ថានកម្សាន្តសប្បាយយ៉ាង មានប្រយោជន៍ រួមចំណែកអភិរក្សនិងអភិវឌ្ឍន៍ ប្រពៃណីវប្បធម៌របស់ជនជាតិ។ ដោយមានការ រួមចំណែកយ៉ាងសកម្ម ព្រះតេជព្រះគុណ គឹម ហាយត្វង បានរដ្ឋប្រគេនលិខិតប័ណ្ណសរសើរ ជាច្រើនច្បាប់។ ក្នុងនោះមានប័ណ្ណសរសើររបស់ ប្រធានគណៈកម្មាធិការប្រជាជនខេត្ត ស្តីពី " ស្នាដៃឆ្នើមក្នុង ការអនុវត្តន៍ការងារជនជាតិនិង គោលនយោបាយជនជាតិរបស់បក្សនិងរដ្ឋ " ឆ្នាំ ២០១៩ ៕  អត្ថបទ-រូបថត៖ សុជា