ពង្រីកប្រវេណីមហាសាមគ្គីក្នុងយុទ្ធនាការបង្រ្កាបមហាអាសន្នរោគ

ព្រះតេជគុណថាច់កាឡីជូនអំណោយដល់គ្រួសារក្រីក្រ។
     លោក ង្វៀងវុាំងត្រៀក សមាជិកគណៈអចិន្ត្រៃយ៍ នៃគណៈកម្មាធិការបក្សខេត្ត ប្រធានគណៈកម្មាធិ​ការរណសិរ្យមាតុភូមិវៀតណាមខេត្តត្រាវិញបានដឹងថា៖ ក្នុងបណ្តាថ្ងៃនេះ គណៈកម្មាធិការរណសិរ្យមាតុភូមិវៀតណាមខេត្ត អំពាវនាវ បំផុសចលនាដល់ទូទាំងប្រជាជនចូលរួមវិភាគទាន ប្រភពកម្លាំងក្នុងការបង្ការទប់ស្កាត់អាសន្នរោគជំងឺកូវីដ​-១៩ បានទឹកប្រាក់ជាង ២០ ពាន់លានដុង (សាច់ ប្រាក់ និងសម្ភារ)។ ទន្ទឹមនឹងនោះ បណ្តាអង្គភាព សមូហភាព បុគ្គល សប្បុរសជន បានចាត់តាំង បណ្តាសកម្មភាពឧបត្ថម្ភអំពីសម្ភារវត្ថុប្រើប្រាស់យ៉ាងចាំបាច់ដល់បណ្តាកងកម្លាំងសមរភូមិមុខមិនត្រឹមតែឧបត្ថម្ភចំពោះប្រជាជននៅបណ្ដាមូលដ្ឋានក្នុងខេត្តហើយនៅទាំងចែករំលែក រួមដំណើរ ជាមួយប្រជាជនខេត្តនានាទៀតផង។ ចាត់តាំងរថយន្តជាច្រើនគ្រឿងដឹកជញ្ជូនមុខទំនិញ ស្បៀង អាហារ ទាំងយប់ទាំងថ្ងៃ ដើម្បីឧបត្ថម្ភដល់ប្រជា ជននៅទីក្នុងហូ ជីមិញ។
     ដើម្បីពង្រីកតួនាទីជាសមាជិករបស់រណសិរ្យមាតុភូមិវៀតណាមខេត្ត ក្នុងរយៈពេលកន្លង បណ្តាអង្គការចាត់តាំងសាសនានៅលើភូមិសាស្ត្រខេត្ត តែងសកម្មចូលរួមអំពាវនាវ រួមវិភាគទានប្រភពធនធានឧបត្ថម្ភ។ 
     ព្រះតេជគុណ ថាច់កាឡី ព្រះចៅអាធិការរងវត្ត ចុងមិសថ្មី ឃុំញ៉ីត្រឿង ស្រុកកូវង៉ាង មានថេរដីកាថា៖  ចាប់តាំងពីចូលឆ្នាំថ្មីមកទល់ពេលនេះ ព្រះអង្គបំផុសចលនាសប្បុរសជននៅក្នុង និងក្រៅខេត្ត បានបច្ច័យជិត ៦០ លានដុង សម្រាប់ជូន អំណោយជិត ២០០ ចំណែក ដល់ប្រជាជន និងពុទ្ធបរិស័ទ្ធកំពុងរងឥទ្ធិពលដោយសារអាសន្នរោគ។ អំណោយមួយចំណែកៗគិតជាតម្លៃជិត ៣៥០ ពាន់ដុង រួមមានសម្ភារវត្ថុប្រើប្រាស់ចាំបាច់ក្នុងគ្រួសារ និងសាច់ប្រាក់ ២០០.០០០ ដុង ជូនដល់មុខសញ្ញាជាអ្នកមានវ័យចាស់ឯកាអនាថា អ្នកបាត់ការងារធ្វើ អ្នកមានជំងឺ។ល។ ទន្ទឹមនឹងនោះ អត្មាបានជូនម៉ីកញ្ជប់ ត្រីខប្រអប់ និងសាច់ប្រាក់ដល់រដ្ឋអំណាចមូលដ្ឋាន ដើម្បីឧបត្ថម្ភដល់ប្រជាជននៅក្នុងតំបន់ចត្តាឡីស័ក ហ៊ុមព័ទ្ធ  និងកងកម្លាំងកំពុងបំពេញភារកិច្ចនៅតាមប៉ុស្ដិ៍ត្រួតពិនិត្យសុខាភិបាលទៀតផង។ 
     ក្រៅពីព្រះតេជគុណថាច់កាឡី ព្រះចៅអាធិការរងវត្តចុងមិសថ្មី នៅមានព្រះចៅអធិការវត្តជាច្រើនព្រះអង្គទៀតនៅលើភូមិសាស្ត្រខេត្តតែងមានទឹកព្រះទ័យយ៉ាងជ្រាលជ្រៅ គិតគូដល់មាមីង ពុទ្ធបរិស័ទ និងចែករំលែកការទុក្ខលំបាកជាមួយ នឹងជនរួមជាតិខ្មែរផងដែរ។

ព្រះសង្ឃចូលរួមវិភាគទានជាមួយរដ្ឋអំណាច ដើប្បីជូនអង្ករដល់ពុទ្ធបរិស័ទ​។
     នៅស្រុកកូវកែ ក្នុងបណ្តាថ្ងៃនេះ ការងារចូលរួមទាំងកម្លាំងកាយកម្លាំងចិត្ត ប្រាក់កាស សម្ភារ វត្ថុប្រើប្រាស់ចាំបាច់ ដើម្បីឧបត្ថម្ភដល់គ្រួសារក្រីក្រត្រូវរងឥទ្ធិពលដោយសារអាសន្នរោគជំងឺកូវីដ -១៩ និងកងកម្លាំងសមរភូមិមុខក៏កំពុងមមាញឹក និងបានទូទាំងបក្ស ទូទាំងប្រជាជនចូលរួមយ៉ាង សកម្ម។ តាមរបាយការណ៍របស់ស្រុក គិតដល់ចុងខែកក្កដាឆ្នាំ ២០២១ ក្នុងទូទាំងស្រុកទទួលអំណោយ សម្ភារប្រើប្រាស់ចាំបាច់ និងសាច់ប្រាក់ជិត ៨០០ លានដុង។
     ទោះបីជីវភាពនៅជួបការលំបាកក៏ដោយ ប៉ុន្តែពេលឃើញមនុស្សជាច្រើនខ្វះខាតអាស្រ័យដោយ រងឥទ្ធិពល អាសន្នរោគជំងឺនោះ មាមីងជនរួមជាតិខ្មែរនៅបណ្តាឃុំហ្វាតឹង ហ្វាអឹង ភុងភូ តាមង៉ាយ ចូវដៀង (ស្រុកកូវកែ) តែងយកចិត្តទុកដាក់ និងចូលរួមវិភាគទាន ដើម្បីបង្រ្កាបមហាអា សន្នរោគ។ លោកមាថាច់វឿននៅភូមិអូទទឹង (អា) ឃុំចូវដៀង ប្រមូលផលចេកបាន ៤០០ គីឡូក្រាម និងល្ហុង ៥០ គីឡូក្រាមដើម្បីចូលរួមវិភាគទាន។ ចំណែកបងស្រីថាច់ធីមីណា នៅភូមិផុងភូទី ២ ឃុំផុងភូឧបត្ថម្ភអង្ករ ២០០ គីឡូក្រាម។ល។

បន្លែសប្បុរសធម៌ ។
     ការចូលរួមឧបត្ថម្ភ រួមដំណើររបស់ទូទាំងសង្គម បានជំរុញទឹកចិត្ត ជួយផ្តល់ជាកម្លាំងដល់កងជួរ ដែលកំពុងបំពេញការងារបង្ការទប់ស្កាត់អាសន្នរោគជំងឺកូវីដ-១៩ និងប្រជាជនដែលកំពុងជួបលំបាក អាស្រ័យមហាអាសន្នរោគនេះ។ ទន្ទឹមនឹងនោះបង្កបានការរាលដាលដល់បណ្តាអង្គការចាត់តាំង បុគ្គល សប្បុរសជនជាច្រើន ចូលរួមបង្រ្កាបមហាអាសន្នរោគកូវីដ-១៩ ដោយទង្វើ ដ៏ប្រពៃ ពោរពេញទៅដោយអត្ថន័យ និងបង្ហាញ ឲ្យឃើញនូវស្មារតីសាមគ្គីរបស់ជនជាតិយើង៕                                                                                                                                         អត្ថបទ-រូបថត៖ សុខា