ពង្រីកតួនាទីរបស់អ្នកមានប្រជាប្រិយភាពក្នុងតំបន់ជនរួមជាតិខ្មែរ

ពិធីស្ងើចសរសើរដល់បណ្តាអ្នកមានប្រជាប្រិយភាព។ រូបថត៖ ស៊ើងតៀង

       ក្នុងបណ្តាឆ្នាំកន្លង បណ្តាគោលការណ៍គោលនយោបាយស្ដីពីជនជាតិរបស់បក្សនិងរដ្ឋ បានបណ្តាផ្នែកថ្នាក់ផ្សព្វផ្សាយទាន់ពេល​និងគ្រប់គ្រាន់ជូនជនរួមជាតិ ផ្តើមពីនោះជីវភាពរបស់ជនរួមជាតិខ្មែរនៅលើភូមិសាស្រ្តខេត្តមានភាពវិវឌ្ឍជាលំដាប់។ តាមគណៈអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាមខេត្ត ទន្ទឹមនឹងការខិតខំរបស់បណ្តាថ្នាក់បណ្ដាផ្នែក ត្រូវតែលើកឡើងនូវស្នាដៃយ៉ាងសកម្មរបស់អ្នកមានប្រជាប្រិយភាព​ បណ្តានិកាយសាសនា បក្ខជនជាជនរួមជាតិខ្មែរនៅក្នុងខេត្ត។ ព្រោះអ្នកទាំងនោះចូលរួមយ៉ាងសកម្មក្នុងការងារចលនា ធ្វើជាគំរូក្នុងសហគមន៍ បង្កបានការសាមគ្គីស្ថិរភាពនយោបាយ សន្តិសុខសុវត្ថិភាពសង្គម និងសកម្មចូលរួមគិតគូរដល់ជីវភាពជនរួមជាតិខ្មែរ។

       បច្ចុប្បន្នទូទាំងខេត្តមានអ្នកមានប្រជាប្រិយភាព ៤៤៩​ នាក់នៅលើគ្រប់វិស័យសង្គមដូចជា៖ ប្រធានគណៈកម្មការប្រជាជនភូមិ បណ្តាអ្នកមានប្រជាប្រិយភាពក្នុងសាសនា។ល។ ហេតុនោះ ម្នាក់ៗតែងមានតម្លាភាពដោយឡែកក្នុងការបំផុសចលនាប្រជាជនពង្រីកសេដ្ឋកិច្ច-សង្គម​ លុបបំបាត់ភាពក្រីក្រចីរភាព​ មានសមត្ថភាពអប់រំ ទាក់ទាញយុវវ័យមិនឲ្យបំពានច្បាប់។

          ថ្វីត្បិតមានតម្លាភាពខុសគ្នាក៏ដោយ ប៉ុន្តែពីប្រជាប្រិយភាព​អ្នកមានប្រជាប្រិយភាពក្នុងតំបន់ជនរួមជាតិខ្មែរបានគួបផ្សំការផ្សព្វផ្សាយក្នុងបណ្តាថ្ងៃបុណ្យទាន​ បុណ្យចូលឆ្នាំថ្មី ក្នុងបណ្តាថ្ងៃប្រជុំជីវភាព ក្នុងថ្ងៃជួបជុំភូមិស្រុកប្រចាំខែ។ អ្នកមានប្រជាប្រិយភាពបានផ្សព្វផ្សាយការអនុវត្តន៍វិទ្យាសាស្ត្រ បច្ចេកទេសជឿនលឿន ណែនាំប្រជាជនផ្លាស់ប្តូរការផលិត ធ្វើអាជីវកម្មទទួលបានលទ្ធផល។ ចូលរួមជ្រោមជ្រែងចលនា “ប្រជាជនសាមគ្គីកសាងជនបទថ្មី ទីផ្សារអារ្យធម៌” អ្នកមានប្រជាប្រិយភាពបានបំផុសចលនាប្រជាជនអនុវត្តល្អបណ្តាលក្ខឋាន បរិច្ចាគដី​ អនាម័យបរិស្ថាន។ល។

       យើងខ្ញុំបានទៅកាន់ឃុំញ៉ីត្រឿង ស្រុកកូវង៉ាង ជាឃុំស្ថិតក្នុងកម្មវិធី ១៣៥ របស់រដ្ឋាភិបាល។ ឃុំមានគ្រួសារជនរួមជាតិខ្មែរ ២.៨៦០ គ្រួសារ ស្រូបយកអត្រា ៨០%។ លោកថាច់ហ៊ឹងអនុលេខាគណៈកម្មាធិការបក្សឃុំបានឲ្យដឹង៖ ឃុំ​មានអ្នកមានប្រជាប្រិយភាព ១០ អង្គ​និងរូប ។ បណ្តាអ្នកមានប្រជាប្រិយភាព មិនត្រឹមតែជាគំរូក្នុងការអនុវត្តន៍ល្អក្នុងបណ្តាគោលការណ៍របស់បក្ស គោលនយោបាយ ច្បាប់របស់រដ្ឋ នៅទាំងធ្វើជាស្ពានបន្តភ្ជាប់រវាងប្រជាជនជាមួយនឹងបណ្តាចលនាប្រឡងប្រណាំងពលកម្មផលិត កសាងគ្រួសារវប្បធម៌ សមភាព កក់ក្ដៅ សុភមង្គល។ល។

      ដោយបានការឧទ្ទេសនាមរបស់ឃុំ យើងខ្ញុំបានទៅជួបលោកមាថាច់ចូ នៅភូមិផ្នោរលើ ( បេ) ឃុំញ៉ីត្រឿង ជាអ្នកមានប្រជាប្រិយភាពក្នុងតំបន់ជនរួមជាតិខ្មែរ។ លោកមាបានបំផុសចលនាសប្បុរសជនចូលរួមវិភាគទានសាងសង់ផ្ទះមហាសាមគ្គីមួយខ្នងជូនគ្រួសារក្រីក្រ តម្លៃ ៤០ លានដុង ណែនាំបណ្តាគ្រួសារក្រីក្រឲ្យផ្លាស់ប្តូរការផលិត ជ្រើសពូជដំណាំសម ស្របជាមួយការផលិតលើដីផ្នោរខ្សាច់។ ទន្ទឹមនឹងនោះលោកមានៅទាំងសកម្មបំផុសចលនាប្រជាជនបរិច្ឆាគដីកសាងផ្លូវជនបទ ក្នុងឆ្នាំ ២០១៩ លោកមាបំផុសចលនា ៥៥ គ្រួសារនៅជិតប្រឡាយវាលស្រែក្នុងភូមិបរិច្ឆាគដីប្រមាណ ១.៥០០ ម៉ែត្រក្រឡា ដើម្បីកសាងដង ផ្លូវបេតុង​ ប្រវែង ៣០០​ ម៉ែត្រ ទទឹង ២,៥ ម៉ែត្រ មកដល់បច្ចុប្បន្ន ដងផ្លូវនោះបានកសាងរួច ស្រេច បង្កលក្ខណៈងាយស្រួលក្នុងការធ្វើដំ ណើរ ដឹកជញ្ជូនមុខទំនិញជូនប្រជាជន ។​ លោកមានៅទាំងចូលរួមជាមួយគណៈកម្មការប្រជាជនភូមិចលនាប្រជាជនចេញទ័ពបោសសំអាតអនាម័យដងផ្លូវប្រចាំខែ​ដើម្បីបង្កសោភ័ណភាពបរិស្ថានខៀវ-ជ្រះ-ស្អាត។

លោកមា​ថាច់ចូ។

       លោកថាច់ចន្ថា-ប្រធានគណៈកម្មការប្រជាជនភូមិផ្នោរលើ (បេ) បានឲ្យដឹង៖ លោកមាថាច់ចូ​ជាគំរូឆ្នើមក្នុងចលនាអ្នកមានប្រជាប្រិយភាព។ ដោយបានការចូលរួមកម្លាំងរបស់លោកមាទើបដងផ្លូវក្នុងភូមិបានភ្លឺ ជ្រះស្អាត បានជួសជុល កសាងថ្មី រួមចំណែកអនុវត្តសម្រេចលក្ខឋានស្ដីពីគមនាគមន៍ជនបទ មានដងផ្លូវបេតុង ប្រជាជនសាងសង់ផ្ទះបានរឹងមាំជាងមុន។ លោមាថាច់ចូជាអ្នកបានប្រជាជនជំនឿទុកចិត្ត លោកមាបានផ្សព្វផ្សាយ បំផុសចលនាប្រជាជនចូលរួមមូលនិធិអាស្រ័យប្រជាជនគបវាល់។

       មកកាន់ឃុំថាញ់ស៊ើង ស្រុកថ្កូវ យើងខ្ញុំ មានឱកាសជួបលោកមាថាច់ប្រែង អ្នកមានប្រជាប្រិយភាពនៅភូមិផ្នោរដើមច្រេស និងជាសមាជិកគណៈអារាមាភិបាលវត្តចារឃុំថាញ់ស៊ើង។ លោកមាបានឲ្យដឹង៖ ខ្ញុំបានខេត្តទទួលស្គាល់ជាអ្នកមានប្រជាប្រិយភាពជាង ១០ ឆ្នាំកន្លងហើយ។ ខ្ញុំច្រើនចូលរួមសម្រុះសម្រួលនៅក្នុងភូមិ។ ឆ្នាំ ២០២០​ ខ្ញុំចូលរួមសម្រុះសម្រួលបាន​ ៨ លើក អំពីបញ្ហាទាស់ទែងដីធ្លី អំពើហឹង្សាគ្រួសារ។ល។ យើងខ្ញុំច្រើនជួបផ្ទាល់គ្រួសារដើម្បីក្រើនរំលឹក ដោយសារជាអ្នកមានវ័យចាស់មានប្រិយភាព​ទើបទទួលបានលទ្ធផលល្អ។

លោកថាច់ប្រែង។

        លោកឡេវាំងផុង - ប្រធានណៈកម្មាធិការរណសិរ្យមាតុភូមិវៀតណាមឃុំថាញ់ស៊ើងបានឲ្យដឹង៖ មិនត្រឹមតែចូលរួមសម្រុះសម្រួលនៅក្នុងភូមិ លោកមាថាច់ប្រែងនៅទាំងចូលរួមជាមួយព្រះចៅអធិការវត្តចារ គឹមង៉ុកត្វង បង្រៀនធម៌អាថ៍ដល់ពុទ្ធបរិស័ទ ដាស់តឿនពុទ្ធបរិស័ទឲ្យខិតខំរកទទួលទាន​ឈានឡើងរួចផុតពីភាពក្រីក្រ​កសាងជនបទថ្មី។ ជាពិសេសលោកមាក្រើនរំលឹកប្រជាជនយកចិត្តទុកដាក់ជានិច្ចកាល​​​និងមិនស្តាប់​ពាក្យមួលបង្កាច់របស់ជនអាក្រក់ រស់នៅល្អសាសនា ថ្លៃថ្លាសង្គម។ ជាពិសេសគឺលោកមាបានក្រើនរំលឹកពុទ្ធបរិស័ទមិនត្រូវប្កែប្រកាន់រវាងជនជាតិខ្មែរ និងជនជាតិកិញ ចិន យើងត្រូវតែសាមគ្គីគ្នា ទើបបង្កបានសន្តិភាព​កក់ក្ដៅ និងលំនឹង។

       ភាគច្រើនបណ្តាគ្រួសារអ្នកមានប្រជាប្រិយភាពតែងចុះឈ្មោះកសាងគ្រួសារវប្បធម៌។ មកដល់សព្វថ្ងៃ ទូទាំងខេត្តមាន ២៣៦.៨៦១ /២៧១.៩២៧ គ្រួសារសម្រេចសម្បទាគ្រួសារវប្បធម៌ អំពីកសាងជនបទថ្មីមាន ៦០/ ៨៥ ឃុំ បានទទួលស្គាល់សម្រេចលក្ខឋានកសាងជនបទថ្មី។

        ជាមួយតួនាទី​និងប្រិយភាពរបស់ខ្លួន អ្នកមានប្រជាប្រិយភាព បានក្លាយជាស្ពានបន្តភ្ជាប់រវាងបណ្តាផ្នែក​និងបណ្ដាថ្នាក់ រដ្ឋអំណាចមូលដ្ឋាន និងប្រជាជន។ យើងខ្ញុំសង្ឈឹមថា ក្នុងរយៈកាលខាងមុខនេះ អ្នកមានប្រជាប្រិយភាពនឹងបន្តពង្រីកស្មារតីសាមគ្គីជនជាតិ​ គោរពច្បាប់រដ្ឋ​រស់នៅល្អទាំងសាសនា ថ្លៃថ្លាសង្គម រួមកម្លាំងជាមួយរដ្ឋអំណាចមូលដ្ឋានប្រតិបត្តិល្អការងារធានាសន្តិសុខនយោបាយ កសាងមូលដ្ឋានឲ្យកាន់តែសម្បូរសប្បាយ៕

​​​​​​​​​​​ប្រែសម្រួល៖ សុខា