ផ្អាកការចាត់តាំងពិធីបុណ្យទានសាសនាដើម្បីបង្ការ ទប់ស្កាត់អាសន្នរោគកូវីដ-១៩

       តាមរយៈនោះ សមាគមព្រះសង្ឃសាមគ្គីស្នេហាជាតិខេត្តសំណូមពរ៖ (១) ផ្អាកបណ្តាសកម្មភាពសាសនានៅតាមវត្តអារាម និងគ្រួសារពុទ្ធបរិស័ទ។ (២) ក្នុងថ្ងៃឧបោសថសីល ពុទ្ធបរិស័ទ យកចង្ហាន់ទៅវត្ត រួចវិលត្រឡប់មកផ្ទះវិញ ពោលគឺមិនផ្តុំគ្នាច្រើនឬក៏ទទួលឧបោសថសីល។ (៣) ថ្នាក់ពុទ្ធិកសិក្សា និងវិជ្ជាខេមរភាសាត្រូវផ្អាកមួយរយៈ ហាមព្រះសង្ឃមិនឱ្យវិលត្រឡប់ ទៅកាន់វត្តរបស់ខ្លួន។ (៤) ត្រូវអនុវត្តកិច្ចចង្អុល ការសេចក្តីប្រកាសដែលទាក់ទងដល់អសន្នរោគកូវីដ-១៩របស់បណ្តាស្ថាប័នរដ្ឋ។ (៥) សមាគមព្រះសង្ឃសាមគ្គីស្នេហាជាតិស្រុក ក្រុង ព្រះ សង្ឃគ្រប់អង្គ និងពុទ្ធបរិស័ទគ្រប់រូបត្រូវអនុវត្តសេចក្តីប្រកាសនេះរហូតដល់មានសេចក្តីប្រកាសថ្មី។ ក៏នៅក្នុងថ្ងៃទី ០១ មិថុនា ឆ្នាំ ២០២១ នោះផងដែរ គណៈអភិបាលសមាគមពុទ្ធ សាសនាវៀតណាមខេត្តត្រាវិញ បានចេញផ្សាយ សារណែនាំលេខ ៧៧/CV-BTS ស្តីពី “ការអនុវត្តប្រញាប់បណ្តាវិធានការបង្ការ ទប់ស្កាត់អាសន្នរោគកូវីដ-១៩” ផ្ញើទៅកាន់គណៈអភិបាលសមាគមពុទ្ធសាសនាស្រុក ទីក្រុង បណ្តាអារាមដ្ឋានលើភូមិសាស្រ្តខេត្តត្រាវិញ។ ខ្លឹមសារមួយក្នុងបណ្តាខ្លឹមសារនៃសារណែនាំរបស់គណៈ អភិបាលបានចែង៖ ប្រតិបត្តិតាមសារាចរលេខ ០៤/CT-UBND ចុះថ្ងៃទី ៣១ ឧសភា ឆ្នាំ ២០២១ របស់គណៈកម្មាធិការប្រជាជនខេត្ត ផ្អាកជាបណ្តោះអាសន្នបណ្តាពិធីបុណ្យនៅតាមអារាមដ្ឋាន បានត្រឹមតែអនុវត្តបណ្តាពិធីកិច្ចមានលក្ខណៈ ផ្ទៃក្នុងមិនលើសពី ២០ នាក់ ធានាការកំណត់ ៥K ។ល។ ក្រោយពេលសារាចរសេចក្តី ប្រកាសបានចេញផ្សាយ វត្តខ្មែរជាច្រើននៅលើភូមិសាស្រ្តបង្កើតសណ្តាប់ធ្នាប់ឡើងវិញ ក្នុងការចាត់តាំងប្រជុំជីវភាពសាសនា ក៏ដូចជាផ្អាកការចាត់តាំងថ្នាក់បង្រៀនភាសាខ្មែរសម្រាប់ប្អូនៗក្នុងរដូវវិស្សមកាល។
      នៅវត្តលាយលក្ខកងចក្រ(អំពាំងសាន្ត) ឃុំទ្រឿងទ័រ ស្រុកកូវង៉ាង ចាត់តាំងបើកបង្រៀន ភាសាខ្មែរជាច្រើនថ្នាក់ រួចទទួលប្អូនៗជិត ២០០ រូបចូលរៀនក្នុងរដូវវិស្សមកាលឆ្នាំ ២០២១ បាន ឲ្យប្អូនៗសម្រាករៀនបណ្ដោះអាសន្ន។ ព្រះ តេជគុណ ថាច់សុផលព្រះចៅអធិការវត្តលាយ លក្ខកងចក្រ(អំពាំងសាន្ត)មានថេរដីកាឱ្យដឹង ថា៖ ក្រោយពេលទទួលបានសារាចររបស់គណៈ កម្មាធិការប្រជាជនខេត្ត និងសេចក្តីប្រកាសរបស់សមាគមព្រះសង្ឃសាមគ្គីស្នេហាជាតិខេត្ត វត្តប្រកាសជូនដំណឹងបន្ទាន់ដល់ប្អូនៗឲ្យសម្រាក រៀនភ្លាម។  
       ចំពោះបណ្តាថ្ងៃឧបោសថសីលនោះ ក៏បានប្រកាសជូនដំណឹងដល់លោកយាយលោកតាផ្អាកមួយរយៈសិនដើម្បីបង្ការ ទប់ស្កាត់អាសន្នរោគ។ អាត្មាយល់ឃើញថា គណៈកម្មាធិការប្រជាជនខេត្ត សមាគមព្រះសង្ឃសាមគ្គីស្នេហាជាតិខេត្ត គណៈអភិបាលសមាគមពុទ្ធ សាសនាវៀតណាមខេត្ត ចេញផ្សាយសារាចរ សេចក្តីប្រកាស សារណែនាំគឺសមស្របជា មួយស្ថានភាពបច្ចុប្បន្ន សំដៅកៀរគរទូទាំង សង្គមចូលរួមបង្ការ ទប់ស្កាតអាសន្នរោគយ៉ាងមានប្រសិទ្ធភាព៕                   សម្បត្តិ