បក្ខជនឈានមុខក្នុងការអនុវត្តន៍ទម្រង់ថ្មី

 ដោយឃើញត្រីឆ្លូញអង្កត់កំពុងផ្តល់តម្លៃសេដ្ឋកិច្ចខ្ពស់ ក្រោយពេលគិតគូរម៉ត់ចត់ នៅខែមិថុនា​ឆ្នាំ ២០២០​ បក្ខជនឡឹមជីហឿង បុគ្គលិកទទួលបន្ទុកខាងសុរិយោដី កសិកម្ម បរិស្ថានឃុំទ្រឿងទ័រ ស្រុកកូវង៉ាងបានជួលដី​ ដើម្បីចិញ្ចឹមត្រីឆ្លូញអង្កត់។ ដំបូងបងជួលដី ០២ កុងដើម្បីជីក​ ស្រះ ៣​ បាតស្រះក្រាលផ្ទាំងកៅស៊ូចិញ្ចឹមត្រីឆ្លូញ អង្កត់ចំនួន ១៥.០០០ ក្បាល។

​        បក្ខជនឡឹមជីហឿងចែករំលែក៖ ឆ្នាំ ២០១១ ក្រោយពេលរៀនចប់មហាវិទ្យាល័យផ្នែកជលផល ខ្ញុំមកបំពេញការងារនៅឃុំរហូតដល់ពេលបច្ចុប្បន្ននេះ។ ដល់ដើមឆ្នាំ ២០២០ ខ្ញុំចៃដន្យធ្វើដំណើរទៅខេត្តហូវយ៉ាង ហើយបានឧទ្ទេសនាមអំពីទម្រង់ ចិញ្ចឹមត្រីឆ្លូញអង្កត់ របស់ប្រជាជននៅទីនេះ។ ខ្ញុំសម្រចចិត្តទិញកូនពូជមកចិញ្ចឹម ជាមួយតម្លៃ ៧.០០០ ដុងក្នុងមួយក្បាល។

        តាមបក្ខជនឡឹមជីហឿង កត្តាសំខាន់ក្នុងការចិញ្ចឹមត្រីឆ្លូញអង្កត់គឺគប្បីរក្សាប្រភពទឹកឲ្យបានស្អាត។ ជាមធ្យមក្នុងរយៈពេល ០៣ ថ្ងៃត្រូវផ្លាស់ទឹកម្ដង រួចដាក់ម៉ាស៊ីនអុកស៊ីសែន ២៤​/២៤​ ម៉ោង។ ដើម្បីឲ្យត្រីមានកន្លែងជ្រក យើងត្រូវដាក់បំពង់ទឹក ឬ បំពង់ឬស្សីដោយកាត់ជាកង់ខ្លីៗដាក់ក្នុងស្រះ។​ ចំណីរបស់ត្រីភាគច្រើនគឺចំណីឧស្សហកម្ម មធ្យមក្នុងមួយថ្ងៃឲ្យស៊ី ០២ លើក។ ត្រីឆ្លូញអង្កត់ចិញ្ចឹមពី ០៧​​ ​​ដល់ ០៨ ​​ខែ មានទម្ងន់ពី ២៥០​ ដល់ ៣០០ ក្រាម។​ យោងលើទម្ងន់នោះ បច្ចុប្បន្ន នេះតម្លៃទីផ្សារពី ៣០០.០០០ ដល់ ៤០០.០០០ ដុងក្នុងមួយគីឡូក្រាម។ នេះជាប្រភេទត្រីទឹកសាប មានតម្លៃសេដ្ឋកិច្ចខ្ពស់។ តាមការគ្រោងទុក ដល់ចុងឆ្នាំនេះ បងហឿងនឹងប្រមូលផលត្រីឆ្លូញអង្កត់លើកដំបូង។​ ក៏តាមប្រសាសន៍របស់បងហឿង បច្ចេកទេស កម្លាំងថែទាំ ប្រាក់ចំណាយ​ និងការខូចខាតក្នុងការចិញ្ចឹមត្រីឆ្លូញអង្កត់តិចជាងបើប្រៀបនឹងចិញ្ចឹមបង្កងឧស្សាហកម្ម។

        លោកត្រឹងវឹងស៊ើង លេខា បក្សឃុំទ្រឿងទ័រ បានឲ្យដឹងថា៖ នេះជាទម្រង់ចិញ្ចឹមត្រីថ្មីដែលបក្ខជនឡឹមជីហឿងឈានមុខក្នុងការអនុវត្តន៍ សំដៅបង្កការផ្លាស់ប្តូររចនាសម្ព័ន្ធផលិត សត្វចិញ្ចឹម សមស្របជាមួយអាកាសធាតុ នៅមូលដ្ឋាន។ ប្រសិនបើទម្រង់នេះទទួលបានលទ្ធផលល្អ ក្នុងរយៈពេលខាងមុខ ឃុំនឹងចាត់តាំងសិក្ខាសាលាឧទ្ទេសនាមជូនមាមីងកសិករ ដើម្បីបើកទូលាយទម្រង់នេះក្នុងទូទាំងឃុំ៕                   អត្ថបទ- រូបថតៈ សុខា