ជនរួមជាតិខ្មែរប្តេជ្ញាអនុវត្តតាមសារាចរលេខ ១៦

បងស្រីគឹមធីសារន្ត ត្រៀមបម្រុងគ្រឿងហូបចុកសម្រាប់បណ្តាសមាជិកក្នុងគ្រួសារ។
     នៅវត្តពោធិ៍សិរី ឃុំហ្វាតឹង ស្រុកកូវកែ គិតមកទល់ពេលនេះ រាល់សកម្មភាពក្នុងវត្ត និងបណ្តាកិច្ចកម្មវិធីជំនឿសាសនាមិនបានចាត់តាំងតទៅទៀត។ ព្រះតេជគុណថាច់យ៉ាំង ព្រះចៅអធិការវត្តពោធិ៍សិរីមានថេរដីកាឱ្យដឹងថា៖ ឆ្នាំនេះវត្តបើក ថ្នាក់ពុទ្ធិកមធ្យមសិក្សាបឋមភូមិឆ្នាំទី ៤ បានមួយ ថ្នាក់ ដោយមានសមណសិស្សចំនួន ១៦ អង្គ ចូលរៀន។ ក្នុងវត្តសព្វថ្ងៃមានព្រះសង្ឃជាង ២០ អង្គ ។ អនុវត្តសារាចររបស់នាយករដ្ឋមន្ត្រីនៃរដ្ឋាភិបាល របស់ប្រធានគណៈកម្មាធិការប្រជាជនខេត្ត វត្តឱ្យព្រះសង្ឃផ្អាកសិក្សា ផ្អាកការនិមន្ត បិណ្ឌបាតនៅតាមលំនៅឋានពុទ្ធបរិស័ទ ហើយចាត់ចែងចង្ហាន់វនជនបម្រើការឆាន់ចុករបស់ព្រះ​សង្ឃនៅក្នុងវត្ត ដើម្បីកាត់បន្ថយការប៉ះពាល់ជាមួយមនុស្សច្រើនគ្នា។
​     មិនត្រឹមតែការប្រជុំជីវកិច្ចនៅក្នុងវត្តមានភាព ខុសប្លែកជាងបណ្តាថ្ងៃធម្មតាប៉ុណ្ណោះទេ ទាំងនៅតាមបណ្តាគ្រួសារពុទ្ធបរិស័ទក្នុងចំណុះវត្តក៏មានភាពខុសប្លែកប្រហាក់ប្រហែលផងដែរ។ ព្រះតេជគុណថាច់យ៉ាំង មានថេរដីកាឱ្យដឹងបន្ថែម​ទៀតថា៖ ជិតដល់ថ្ងៃអនុវត្តគម្លាតសង្គម ចំណុះជើងវត្តមានបុណ្យសព ៣ កន្លែង ប៉ុន្តែវត្តតែងក្រើនរំលឹកឱ្យអនុវត្តត្រូវតាមការព្រមានរបស់ផ្នែកពាក់ព័ន្ធ ជាក់ស្តែងគឺចាត់ចែងកម្មវិធីយ៉ាងខ្លី បន្ទាប់មកនាំយកសាកសពទៅបូជានៅឈាបនដ្ឋានតាមទំនៀមទម្លាប់ ជៀសវាងការអូសអន្លាយពេលវេលា និងផ្តុំគ្នាច្រើន។ ទន្ទឹមនឹងនោះ វត្តនៅទាំង ហាមប្រាមព្រះសង្ឃទាំងអស់អង្គនៅក្នុងវត្តមិនឱ្យចេញក្រៅវត្ត មិនឱ្យនិមន្តទៅសូត្រមន្តក្នុងករ ណីមិនចាំបាច់នៅតាមបណ្តាលំនៅឋានពុទ្ធបរិស័ទក្នុងបណ្តាថ្ងៃដែលអសន្នរោគកំពុងរីករាលដាលស្មុគស្មាញ និងបណ្តាថ្ងៃគម្លាតសង្គម។
     អនុវត្តសេចក្តីប្រកាសរបស់សមាគមព្រះសង្ឃសាមគ្គីស្នេហាជាតិខេត្ត បណ្តាវត្តអារាម មិនត្រឹមតែអនុវត្តដោយការសន្យាប៉ុណ្ណោះឡើយ ហើយនៅទាំងធ្វើឱ្យជាក់ច្បាស់ទៅជាសកម្មភាពពិតប្រាកដ។ ជាក់ស្តែងគឺវត្តជាច្រើនបិទខ្លោងទ្វារវត្ត ដើម្បីកាត់ផ្តាច់រាល់សកម្មភាព ទន្ទឹមនឹងនោះអនុវត្តតាមខ្លឹមសារគម្លាតសង្គមក្នុងសារាចរលេខ ១៦ របស់នាយករដ្ឋមន្រ្តីនៃរដ្ឋាភិបាល និងសារាចរ លេខ ០៩ របស់ប្រធានគណៈកម្មាធិការប្រជាជនខេត្ត ។
     បងស្រីគឹមធីសារន្ត ប្រជាជននៅភូមិផ្នោរអំពក់ ឃុំទ្រឿងទ័រ ស្រុកកូវង៉ាង ចែករំលែក៖ បច្ចុប្បន្នទៅទីណាក៏តែងឮអ្នកផងនិយាយអំពីអាសន្នរោគកំពុងរាតត្បាតនៅកន្លែងជាច្រើន។ ទន្ទឹមនឹងនោះ លើមធ្យោបាយព័ត៌មានមហាជនក៏បង្កើនការផ្សព្វផ្សាយបណ្តាវិធានការបង្ការទប់ស្កាត់អាសន្នរោគធ្វើឱ្យមនុស្សជាច្រើនមានចិត្តព្រួយបារម្ភ អំពីការឥទ្ធិពលនៃអាសន្នរោគ ម៉្លោះហើយខ្ញុំក៏តែងបំផុសចលនាបណ្តាសមាជិកក្នុងគ្រួសារឱ្យ អនុវត្តល្អតាមការព្រមានរបស់ផ្នែកសុខាភិបាល ហើយគ្រួសារខ្ញុំតែងលើកកម្ពស់ការអនុវត្តន៍ល្អរាល់ការប្រជុំជីវភាពគ្រួសារឲ្យបានស្អាតបាត ធ្វើអនាម័យជាប្រចាំនៅជុំវិញផ្ទះ ពាក់របាំងមុខពេលចេញពីផ្ទះ  ទិញបណ្តាវត្ថុចាំបាច់។
      ទោះបីមិនបានជួបជុំជាមួយកូនៗក្នុងបណ្តាថ្ងៃអនុវត្តគម្លាតសង្គម ប៉ុន្តែបងស្រី សឺនធីថី នៅភូមិផ្នោរជើង ឃុំទ្រឿងទ័រ ស្រុកកូវង៉ាង បានឱ្យដឹងថា៖ កូនពីរនាក់របស់បងទៅធ្វើការនៅខេត្ត បិញយឿងរជាច្រើនខែមកហើយ។ ក្នុងលើកកំពូលបង្ការ ទប់ស្កាត់អាសន្នរោគកូវីដ-១៩ បង តែងដាស់តឿនឱ្យកូនៗនៅនឹងកន្លែង មិនត្រូវធ្វើ ដំណើរទៅកន្លែងផ្សេង ឬក៏វិលត្រឡប់មកផ្ទះឡើយ។ មានពេលខ្លះនឹកកូនៗ បងហៅទូរសព្ទទៅសួរសុខទុក្ខកូនៗ រួចរំលឹកកូនឲ្យប្រុងប្រយ័ត្ន និងការពារខ្លួនឱ្យបានល្អ ។ គិតទៅមើល បើសិនជាជ្រុលកើតជំងឺនោះ ជីវភាពគ្រួសារនឹងក្លាយទៅជាយ៉ាងណា។ នៅចំពោះមុខអាសន្នរោគកំពុងរីករាលដាលយ៉ាងស្មុគស្មាញបក្ស និង រដ្ឋបានដាក់ចេញវិធានការបង្ការ ទប់ស្កាត់ជាច្រើន រួមជាមួយការជ្រោមជ្រែងរបស់ប្រជាជន សង្ឃឹម ថាអាសន្នរោគឆាប់ផុតរលត់អស់ទៅ៕     

   អត្ថបទ-រូបថត៖ សម្បត្តិ