កូវង៉ាងលើកកម្ពស់ការយល់ដឹងអំពីគោលនយោបាយជនជាតិ-សាសនាជូនដល់ព្រះចៅអធិការ និគណៈអារាមាភិបាលវត្ត

    គិតតាំងពីដើមឆ្នាំ ២០២០ មកទល់ពេលនេះ ស្រុកចាត់តាំងបាន ០២ ថ្នាក់ ដោយមាន​ព្រះចៅអធិការ គណៈអារាមាភិបាលជាង ១៨០ អង្គ-រូប​ របស់ ២៣ វត្តលើភូមិសាស្រ្ត វត្តនីមួយៗមានមានព្រះចៅអធិការ ព្រះពហូសូត គណៈអារាមាភិបាលពី០៤-០៥ អង្គ-រូបនិមន្តចូលរួម។ និមន្ត-អញ្ជើញចូលរួមវគ្គហ្វឹកហាត់ ព្រះចៅអធិការ គណៈអារាមាភិបាលបានជ្រួតជ្រាបបណ្តាខ្លឹមសារសារវន្តនៃការរៀនសូត្រ និងធ្វើតាមសតិអារម្មណ៍ សីលធម៌ ឥរិយាបថ ហូជីមិញ តួនាទីភារកិច្ច និងសិទ្ធិរបស់ព្រះចៅអធិការរួមមាន ០៧ ប្រការ​ ​លទ្ធភាព និងភារកិច្ចរបស់ព្រះចៅអធិការរួមាន ១៣ ប្រការ  បែបបទគណៈអារាមាភិបាល អាណត្តិកាលរបស់គណៈអារាមាភិបាល លក្ខន្តិកៈរបស់វត្ត។ល។ អាស្រ័យគណៈអចិន្ត្រៃយ៍សមាគមព្រះសង្ឃសាមគ្គីស្នេហាជាតិខេត្តចេញផ្សាយ។

    កាលពីមុនអ្នកផ្សព្វផ្សាយសម្រាប់វគ្គហ្វឹកហាត់ច្រើនតែជាកម្មាភិបាលគណៈឃោសនាអប់រំនៃគណៈកម្មាធិការបក្សខេត្ត ស្រុក​ ថ្នាក់ដឹកនាំគណៈជនជាតិ​ បច្ចុប្បន្ន នេះនៅទាំងមានកិច្ចសហការរបស់បណ្តាព្រះឧបជ្ឈាយ៍ អង្គមានប្រជាប្រិយភាព បានព្រះសង្ឃ ពុទ្ធបរិស័ទជាច្រើនគោរពកោតក្រែងក៏និមន្តចូលរួមជាអង្គផ្សព្វផ្សាយផងដែរ។ អាស្រ័យហេតុនោះ បណ្តាខ្លឹមសារហ្វឹកហាត់ក៏ដូចជាបណ្តាពាក្យពេចន៍ផ្តាំផ្ញើរបស់ព្រះឧបជ្ឈាយ៍ បានព្រះចៅអធិការគ្រប់ព្រះអង្គ គណៈអារាមាភិបាលគ្រប់រូបយកចិត្តទុកដាក់ជាង។ ជាក់ស្តែងគឺសម័យកាលសព្វថ្ងៃបច្ចេកវិទ្យាព័ត៌មានកំពុងរីកចម្រើនខ្លាំង ក្នុងនោះបណ្តញសង្គមកំពុងមានព្រៀបក្នុងជីវភាពសង្គម ម៉្លោះហើយព្រះចៅអធិការ គណៈអារាមាភិបាលក៏មានការថ្លឹងថ្លែងបណ្តាព័ត៌មានសកម្មដើម្បីចែករំលែកឱ្យមនុស្សជាច្រើនបានដឹង។ ទន្ទឹមនឹងនោះ ណែនាំរបៀបកំណត់សម្គាល់់ និងបំបាត់ចោលបណ្តាព័ត៌មានអសកម្មរបស់បណ្តាអានុភាពជាអមិត្តនៅលើបណ្តាញសង្គម។

  ព្រះតេជគុណថាច់រ៉ីយ៍ ប្រធានសមាគមព្រះសង្ឃសាមគ្គីស្នេហាជាតិស្រុកកូវង៉ាងមានថេរដីកាចែករំលែក៖ គណៈជនជាតិខេត្ត​​ ក៏ដូចជាការិយាល័យជនជាតិស្រុកមានរបៀបធ្វើថ្មី ច្នៃប្រតិដ្ឋ ហើយនាំមកប្រសិទ្ធភាពយ៉ាងខ្ពស់។ អង្គជាច្រើនចូលរួមដោយស្មារតីសកម្ម ទទួលយកព្រះកថារបស់ព្រះឧបជ្ឃាយ៍ព្រះមេគណបានណែនាំដើម្បីអនុវត្តទៅក្នុងភាពជាក់ស្តែងនៅក្នុងវត្ត មានការគ្រប់គ្រង និងរឹតបន្តឹងសាមគ្គីភាពផ្ទៃក្នុងបានល្អប្រសើរជាង។ ចំពោះការប្រើប្រាស់បណ្តាញសង្គមរបស់ព្រះចៅអធិការគ្រប់អង្គវិញតែងបែរទៅរកខ្លឹមសារសកម្មច្រើនជាង។

 ការចាប់អារម្មណ៍របស់ព្រះចៅអធិការគណៈអារាមាភិបាលនៅលើភូមិសាស្រ្តកាន់តែ ជួយឱ្យអ្នកបំពេញការងារជនជាតិមានភាពងាយស្រួលជាង។ លោកង្វៀងថាញ់ញ៉ាង អនុប្រធានការិយាល័យជនជាតិស្រុកកូវង៉ាងបានឱ្យដឹង៖ នៅរាល់ពេលចាត់តាំងវគ្គហ្វឹកហាត់និងចាក់លិខិតនិមន្តទៅតាមវត្ត ព្រះចៅអធិការ គណៈអារាមាភិបាលតែងបម្រុងពេលនិមន្ត-អញ្ជើញចូលរួមបានគ្រប់គ្រាន់មានអង្គខ្លះនៅ​ទាំងសម្តែងទស្សនៈផ្ទាល់អង្គអំពី គោលនយោបាយជនជាតិ សាសនាជាធរមានជាគោលបំណងជួយឱ្យការអនុវត្តន៍ជំនឿ សាសនាមានរបៀបរៀបរយល្អប្រសើរជាង និងជួយឱ្យស្រុកធានាបានកម្រិតហ្វឹកហាត់ដែលបានដាក់ចេញ៕       អត្ថបទ-រូបថត៖ ថាច់សម្បត្តិ