សមមិត្ត វឿងឌិញហ្វេ រក្សាតំណែងប្រធានរដ្ឋសភា នីតិកាលទី ១៥

ប្រធានរដ្ឋសភា វឿងឌិញហ្វេ ធ្វើសច្ចាប្រណិធានចំពោះរដ្ឋសភា។

     ជាមួយនឹងតំណាងរដ្ឋសភាមានវត្តមានយល់ព្រម ១០០% ស្រូបយកអត្រា ៩៥,១៩% នៃចំនួនតំណាងរដ្ឋសភារួម។ កាលពីរសៀលថ្ងៃទី ២០ កក្កដា រដ្ឋសភា បានបោះឆ្នោតតែងតាំងសមមិត្ត វឿងឌិញហ្វេ រក្សាតំណែងប្រធានរដ្ឋសភា ប្រទេសសាធារណរដ្ឋសង្គមនិយមវៀតណាម នីតិកាលទី ១៥។
     បន្ទាប់ពីបានប្រកាសលទ្ធផលបោះឆ្នោត រដ្ឋសភាបានអនុម័តឆ្លងសេចក្តីសម្រេចចិត្តបោះឆ្នោតតែងតាំងសមមិត្ត វឿងឌិញហ្វេ រក្សាតំណែងប្រធានរដ្ឋសភា នីតិកាលទី ១៥ ជាមួយនឹងអត្រា ៩៥,១៩% នៃចំនួនតំណាងរដ្ឋសភា ៤៧៥/៤៧៥ មានវត្តមានបានយល់ព្រម។ បន្ទាប់ពីពិធីធ្វើសច្ចាប្រណិធានចំពោះរដ្ឋសភាបានដំណើរការយ៉ាងឱឡារិកអធិកអធម។
     ប្រធានរដ្ឋសភា វឿងឌិញហ្វេ កើតថ្ងៃទី ១៥ មិនា ឆ្នាំ ១៩៥៧ មានស្រុកកំណើតនៅឃុំងីស្វឹង ស្រុកងីឡុក ខេត្តង៉េអាង។ ជនជាតិកិញ។ គ្មានកាន់សាសនា ថ្ងៃចូលបក្ស ០៩ មិនា ឆ្នាំ ១៩៨៤ ពេញសិទ្ធិ ថ្ងៃទី ០៩ កញ្ញា ឆ្នាំ ១៩៨៥។
     កម្រិតវិជ្ជាថ្នាក់ទី ១០/១០ សកល វិជ្ជាមុខនាញជំនាញការ សញ្ញាបត្របណ្តិតសេដ្ឋកិច្ច សាស្ត្រាចារ្យឧត្តមទ្រឹស្តីនយោបាយ ភាសាអង់គ្លេសកម្រិត C  ភាសារុស្ស៉ីកម្រិត C  ភាសាសាធារឆែតកម្រិត D។
     ជាសមាជិកការិយាល័យនយោបាយ នីតិកាលទី ១២ ទី ១៣ សមាជិកគណៈប្រតិបត្តិការមជ្ឈិមបក្ស នីតិកាលទី ១០ ទី ១១ ទី ១២ ទី ១៣។ តំណាងរដ្ឋសភា នីតិកាលទី ១៣ ទី ១៤  និងទី ១៥ ប្រធានរដ្ឋសភា នីតិកាលទី ១៤ (ចាប់តាំងពីថ្ងៃទី ៣១ មិនាឆ្នាំ ២០២១)៕

អនុប្រធានរដ្ឋសភា ០៤​ រូប៖

សមមិត្តត្រឹងថាញ់ម៉ឹង កើតឆ្នាំ ១៩៦២ នៅឃុំថាញ់ស្វឹង ស្រុកចូវថាញ់ (អា) ខេត្តហូវយ៉ាង។ បណ្ឌិតសេដ្ឋកិច្ច សមាជិកបម្រុងគណៈប្រតិបត្តិការមជ្ឈិមបក្ស នីតិកាលទី ១០ សមាជិកគណៈប្រតិបត្តិការមជ្ឈិមបក្ស នីតិកាលទី ១១ ទី ១២  លេខាមជ្ឈិមបក្ស​ នីតិកាលទី ១២ ក្នុងអង្គសន្និបាតលើកទីមួយ គណៈប្រតិបត្តិការមជ្ឈិមបក្ស នីតិកាលទី ១៣ សមមិត្ត ត្រឹងថាញ់ម៉ឹង បានបោះឆ្នោតធ្វើជាសមាជិកការិយាល័យនយោបាយ នីតិកាលទី ១៣ តំណាងរដ្ឋសភា នីតិកាលទី ១៣ ទី ១៤ ទី ១៥។

សមមិត្ត ង្វៀងខាក់ឌិញ កើតឆ្នាំ ១៩៦៤ នៅឃុំហ្វាបិញ ស្រុកវ៉ូធឺ ខេត្តថាយបិញ។ សញ្ញាបត្របណ្ឌិតយុតិ្តវិទូច្បាប់ សមាជិកគណៈប្រតិបត្តិការមជ្ឈិមបក្ស នីតិកាលទី ១២ ទី ១៣  តំណាងរដ្ឋសភា នីតិកាល ទី ១៤ ទី ១៥។

សមមិត្តង្វៀងឌឹកហាយ កើតឆ្នាំ ១៩៦១ នៅឃុំតាមស្វឹង ស្រុកណួយថាញ់ ខេត្តក្វាងណាម ចំណេះវិជ្ជា អនុបណ្ឌិតសេដ្ឋកិច្ចជំនាញផ្នែកហិរញ្ញវត្ថុ-ឥណទាន។ សមាជិកគណៈប្រតិបត្តិការមជ្ឈិមបក្ស នីតិកាលទី ១១ ទី ១២ ទី ១៣  សមាជិកគណៈអចិន្ត្រៃយ៍រដ្ឋសភា នីតិកាល ទី ១៣ ទី ១៤ ប្រធានគណៈកម្មាធិការហិរញ្ញវត្ថុ ថវិការបស់រដ្ឋសភា នីតិកាលទី ១៣ ទី ១៤ តំ ណាងរដ្ឋសភា នីតិកាលទី ១៣ ទី ១៤ ទី ១៥។

ឧត្តមសេនីយ៍ឯកបម្រុង ត្រឹងក្វាងភឿង កើតឆ្នាំ ១៩៦១ នៅសង្កាត់ភោវិញ ទីផ្សាររួមខេត្តឌឹកភោ ខេត្តក្វាងង៉ាយ។ សមាជិកគណៈប្រតិបត្តិការមជ្ឈិមបក្សបណ្តានីតិកាលទី ១២ ទី ១៣។ តំណាងរដ្ឋសភា នីតិកាលទី ១៥។ អនុប្រធានអគ្គស្នងការដ្ឋាននយោបាយកងទ័ពប្រជាជនវៀតណាម។
សមាជិកគណៈអចិន្ត្រៃយ៍រដ្ឋសភា នីតិកាល ១៣ រូប រួមមានបណ្តាសមមិត្ត៖ប៊ូយ វុាំងកឿង  វ៉ូហាយហា វ៉ូហុងថាញ ឡេក្វាងហ្វី ង្វៀងដាក់វិញ ង្វៀងធ្វីអាញ់ ឡេធីង៉ា ហ្វាងថាញ់តុង ង្វៀងធីថាញ យឿងថាញបិញ ឡេតឹងតើយ ង្វៀងភូកឿង អីថាញហានេក្តាំង។
*ពង្រឹងបេក្ខភាពថ្នាក់ដឹកនាំបណ្តាស្ថាប័នរបស់រដ្ឋសភានីតិកាលទី ១៥ ព្រឹកថ្ងៃទី ២១ កក្កដា តំណាងភាគច្រើនបានឯកភាព ហើយបានរដ្ឋសភាអនុម័តឆ្លង បណ្តាសេចក្តីសម្រេចចិត្តបោះឆ្នោតអគ្គលេខាធិការរដ្ឋសភា ប្រធានក្រុមប្រឹក្សាជនជាតិ ប្រធានបណ្តាគណៈកម្មាធិការរបស់រដ្ឋសភា អគ្គសវនាកម្មរដ្ឋ។
-សមមិត្តប៊ូយវុាំងកឿង អគ្គលេខាធិការរដ្ឋសភា អធិការខុទ្ទការល័យរដ្ឋសភា នីតិកាលទី ១៤ បន្តរក្សាតំណែងអគ្គលេខាធិការរដ្ឋសភា នីតិកាលទី ១៥។
-សមមិត្ត អីថាញហានេក្តាំង ធ្វើជាប្រធានក្រុមប្រឹក្សាជនជាតិ របស់រដ្ឋសភា នីតិកាលទី ១៥។
-ឧត្តមសេនីយ៍ត្រី ឡេតឹងតើយ ធ្វើជាអធិការនៃគណៈកម្មាធិការការពារជាតិ-សន្តិសុខ។
-សមមិត្តង្វៀងភូកឿង ធ្វើជាអធិការគណៈកម្មាធិការហិរញ្ញវត្ថុ-ថវិការបស់រដ្ឋសភា នីតិកាល ទី ១៥។
-សមមិត្តត្រឹងសីថាញបានបោះឆ្នោតបន្តរក្សាតួនាទីអគ្គសវនាកម្មរដ្ឋ៕        ទីស្នាក់ការរៀបរៀង