ក្តីសង្ឃឹមរបស់ម្ចាស់ឆ្នោត

     ព្រះតេជគុណ ថាច់សុង៖ ជ្រើសតំ ណាងដល់ព្រមដោយគុណសម្បត្តិ និងវិជ្ជាសម្បត្តិ

      ដោយមានបំណងបោះឆ្នោតជ្រើសតាំងប្រធាន គណៈកម្មការប្រជាជនភូមិ ជាតំណាងដែលដល់ព្រមដោយគុណសម្បត្តិ និងវិជ្ជាសម្បត្តិដើម្បីគ្រប់គ្រងភូមិឲ្យមានប្រសិទ្ធភាពជាងទៀតនោះ ព្រះតេជគុណ ថាច់សុង ព្រះចៅអធិការវត្តខ្សាច់កណ្តាល (ភូមិបុត្រី ឃុំហ្វាធ្វឹង ស្រុកចូវថាញ់) មានថេរដីកាថា៖ បើតាមអាត្មាយល់ឃើញថា ការបោះឆ្នោតជ្រើសតាំងប្រធានគណៈកម្មការប្រជាជនភូមិ អនុសង្កាត់ អាណត្តិកាល ២០២២ - ២០២៥ ភ្ជាប់ជាមួយការបោះឆ្នោតជ្រើសសមាជិកគណៈអធិ ការកិច្ចប្រជាជនឃុំ សង្កាត់ ទីប្រជុំជន សកម្មភាព នយោបាយទូលំទូលាយរបស់កម្មាភិបាល ប្រជាជននៅមូលដ្ឋាន។ ការបោះឆ្នោតលើកនេះ ដើម្បីពង្រឹង និងពង្រឹកគុណភាពសកម្មភាពរបស់គណៈ កម្មការប្រជាជនភូមិ-អនុសង្កាត់ក្នុងទូទាំងខេត្ត  រួមចំណែកពង្រឹងលទ្ធភាពពង្រីកប្រសិទ្ធភាពក្នុង ការគ្រប់គ្រងរដ្ឋនៅមូលដ្ឋាន។ ម្ល៉ោះហើយ ពេលដែលបានរដ្ឋអំណាចមូលដ្ឋាននិមន្តចូលរួមសន្និបាតពិគ្រោះយោបល់ដែលគណៈអចិន្ត្រៃយ៍នៃគណៈកម្មាធិការរណសិរ្សមាតុភូមិវៀតណាមឃុំ ចាត់តាំងអាត្មាមានយោបល់គបវាល់ជាច្រើនក្នុង ការជ្រើសតាំងបេក្ខជនឈរឆ្នោតប្រធានគណៈ កម្មការប្រជាជនភូមិ គប្បីជ្រើសបណ្តាអ្នកដែលមានគុណសម្បត្តិ និងវិជ្ជាសម្បត្តិគ្រប់គ្រាន់ ដើម្បី គ្រប់គ្រងភូមិឱ្យមានប្រសិទ្ធភាព។ ទន្ទឹមនឹងនោះ គប្បីជ្រើសបេក្ខជនដែលមានលំនៅឋានក្នុងភូមិ ទើបបេក្ខជននោះយល់ដឹងសុខទុក្ខនិងគោលបំណងរបស់ប្រជាជនក្នុងភូមិ។ បន្ទាប់ពីបានប្រជាជនបោះឆ្នោតជ្រើសតាំងជាប្រធានគណៈកម្មការប្រជាជនភូមិរួច គាត់នឹងធ្វើសេនាធិការ ស្នើថ្នាក់ដឹកនាំគ្រប់លំដាប់ថ្នាក់ អនុវត្តល្អតាមស្មារតី និងគោលបំណងរបស់ប្រជាជនក្នុងការពង្រីកសេដ្ឋកិច្ចសង្គម គិតគូរដល់ជីវភាពរបស់ប្រជាជនឲ្យបានប្រសើរជាងទៀត៕
      លោកសឺនសារេន៖ រួមចំណែកកម្លាំងកាយចិត្ត ដើម្បីការបោះឆ្នោតប្រព្រឹត្តទៅបានល្អប្រសើរ

      គិតដល់ថ្ងៃទី ១៥ ខែឧសភា ឆ្នាំ ២០២២ ការ ងារត្រៀមបម្រុងបោះឆ្នោតប្រធានគណៈកម្មការប្រជាជនភូមិ អនុសង្កាត់ សមាជិកគណៈអធិការកិច្ចប្រជាជនឃុំលើភូមិសាស្រ្តឃុំទ្រឿងទ័រ ស្រុកកូវង៉ាង បានអនុវត្តសម្រេចកិច្ចពិគ្រោះយោបល់អំ ពីបេក្ខជនឈរឆ្នោត។ ឃុំកំពុងបន្តចង្អុលការឲ្យបេក្ខជនឈរឆ្នោតកសាងប្រវត្តិរូបសង្ខេបធ្វើការបិទផ្សាយ ដើម្បីប្រជាជនស្វែងយល់នៅមុនពេលសម្រេចចិត្តជ្រើសយកបេក្ខជនរូបណាមួយដែលស័ក្តិសមដើម្បីតំណាងឱ្យការដោះស្រាយបណ្ដា បញ្ហានៅមូលដ្ឋាន។ លោកសឺនសារេន ប្រធាន គណៈកម្មាធិការរណសិរ្សមាតុភូមិវៀតណាមឃុំទ្រឿងទ័រ កំពុងមមាញឹក និងបម្រុងពេលវេលាជា ច្រើនចូលរួមបណ្ដាសកម្មភាពតាំងពីត្រៀមបម្រុង បានល្អបណ្ដាជំហានពិគ្រោះយោបល់ និងប្រវត្តិរូបសង្ខេបរបស់បណ្ដាបេក្ខជន បំផុសចលនាប្រជាជនទៅបោះឆ្នោតដោយផ្ទាល់ ។ល។ ដោយមាន បំណងរួមកម្លាំងកាយចិត្តដើម្បីឲ្យការបោះឆ្នោត ប្រព្រឹត្តទៅបានល្អប្រសើរ។
     លោកសឺនសារេន ចែករំលែក៖ ឆ្លងតាមរយៈបណ្ដាជំហានពិគ្រោះយោបល់ មូលដ្ឋានបានឯកភាពជ្រើសយកបេក្ខជន ១៤ រូប នៃ ៧ ភូមិលើ ភូមិសាស្រ្តឃុំ។ អាស្រ័យជាមូលដ្ឋានដែលមាន ជនរួមជាតិខ្មែររស់នៅច្រើន ម៉្លោះហើយការពិគ្រោះ យោបល់ការបោះឆ្នោតប្រធានគណៈកម្មការប្រជាជនលើកនេះក៏យកចិត្តទុកដាក់ដល់បេក្ខជនជាជនជាតិខ្មែរ។ ក្រោយពេលពិគ្រោះ ឯកភាព អំពីបេក្ខជនចំនួនសេសសល់សម្រាប់ការបោះ ឆ្នោត ការពិគ្រោះក៏បានឯកភាពបញ្ជីរាយនាម អ្នកទទួលបន្ទុកកិច្ចការបោះឆ្នោតក្នុងមួយក្រុមៗ ចំនួន ១១ រូប ដើម្បីអ្នកទាំងនោះចូលរួមអនុវត្តការបោះឆ្នោតធានាអនុវត្តតាមលក្ខការណ៍បោះ ឆ្នោត។ ចំពោះគ្រួសារម្ចាស់ឆ្នោត បានត្រឹមតែ ជ្រើសបណ្ដាគ្រួសារដែលវត្តមានដល់ថ្ងៃផ្ដល់សន្លឹក ឆ្នោត ដើម្បីម្ចាស់ឆ្នោតទៅបោះឆ្នោត។ បណ្ដាគ្រួសារមិននៅកន្លែងស្នាក់នៅ អាស្រ័យទៅរកស៊ីឆ្ងាយនោះ មិនដាក់ចូលក្នុងបញ្ជីរាយនាមម្ចាស់ ឆ្នោតឡើយ។ ទង្វើនេះ គឺដើម្បីធានាអត្រាអ្នកទៅបោះឆ្នោតសម្រេចតាមការកំណត់ប្រៀបជាមួយចំនួនគ្រួសារដែលវត្តមាននៅមូលដ្ឋាន។ សមា ជិកគណៈអធិការកិច្ចប្រជាជនឃុំក៏ជ្រើសបានអ្នក ដែលមានបទពិសោធន៍ក្នុងការងារអធិការកិច្ចដើម្បីអនុវត្តល្អការងារនេះ ក្នុងអាណត្តិកាល ២០២២-២០២៥។ តាមការប៉ាន់ស្មាន ក្នុងការបោះឆ្នោតប្រធានគណៈកម្មការប្រជាជនភូមិ អនុសង្កាត់ និងបោះឆ្នោតសមាជិកគណៈអធិការកិច្ច ប្រជាជនឃុំអាណត្តិកាលនេះ នឹងមានតំណាង គ្រួសារជាង ២.៦០០ គ្រួ លើភូមិសាស្រ្តឃុំទ្រឿងទ័រទៅបោះឆ្នោត៕
     *បងគឹមរឿង៖ជ្រើសបេក្ខជនដែលមានប្រជាប្រិយភាពមានលទ្ធភាពបម្រើការងារនៅមូលដ្ឋាន

     កសិករគឹមរឿង ភូមិអង្កោល ឃុំឡុងវិញ ស្រុកយ្វៀងហាយដាក់ក្ដីសង្ឃឹម៖ ក្នុងអាណត្តិកាលកន្លង អាស្រ័យដោយពង្រីកល្អអ្នកតំណាងឲ្យសិទ្ធិ និងផលប្រយោជន៍ ស្របច្បាប់របស់ជាជន ម៉្លោះហើយកម្មាភិបាលជាច្រើនពីថ្នាក់ឃុំដល់ថ្នាក់ភូមិ ទទួលបានក្ដីជំនឿក៏ដូចជាការទំនុកចិត្តខ្ពស់ពីសំណាក់ប្រជាជននៅលើភូមិសាស្រ្ត។ បោះឆ្នោត លើកនេះ ខ្ញុំនឹងជ្រើសរើសអ្នកដែលមានប្រជាប្រិយភាព មានលទ្ធភាពបម្រើការងារនៅមូលដ្ឋាន បានប្រជាជនទំនុកចិត្ត និងយកចិត្តទុកដាក់ដល់ជីវភាពប្រជាជននៅក្នុងភូមិ យកចិត្តទុកដាក់ពង្រីក តម្លៃប្រពៃណីវប្បធម៌របស់ជនរួមជាតិខ្មែរ។ អ្នក ទាំងនោះនឹងរួម ដំណើរជាមួយមាមីងក្នុងកសាងបណ្ដាទម្រង់ផលិតកសិកម្មនៅមូលដ្ឋាន យកចិត្តទុកដាក់ដល់បណ្ដាគោលនយោបាយសម្រាប់ ជនរួមជាតិខ្មែរ ការងារបំបាត់ភាពអត់ឃ្លាន កាត់បន្ថយភាពក្រីក្រនៅមូលដ្ឋាន បង្កការងារធ្វើជូនពលករដែលនៅទំនេរ។ល។ ឆ្លង តាមរយៈនោះ រួមចំណែកលើកកម្ពស់ជីវភាពរបស់ប្រជាជននៅក្នុងភូមិនិយាយរួម ជនរួមជាតិខ្មែរនិយាយដោយ ឡែក៕
     *លោកគឹមយ៉ាន់ធា៖ ស្នើឲ្យប្រធានគណៈកម្មការប្រជាជនភូមិយកចិត្តទុក ដាក់ដល់ហេដ្ឋារចនាសម្ព័ន្ធមូលដ្ឋានជនបទ

     លោកគឹមយ៉ាន់ធា៖ ស្នើឲ្យប្រធានគណៈកម្មការប្រជាជនភូមិយកចិត្តទុកដាក់ដល់ការ កសាងហេដ្ឋារចនាសម្ព័ន្ធជនបទ ដោយមានតួនាទីជាប្រធានគណៈការងាររណសិរ្សភូមិក្បាលទូក ឃុំឡុងហ៊ីប ស្រុកថ្កូវ ក្នុងការផ្សព្វផ្សាយទូលំទូលាយ ដល់ប្រជាជនដោយច្រើនរូបភាពអំពីការបោះឆ្នោត ជ្រើសប្រធានគណៈកម្មការប្រជាជនភូមិ អនុសង្កាត់ សមាជិកគណៈអធិការកិច្ចប្រជាជនឃុំ  សង្កាត់ទី ប្រជុំជនចាត់តាំងសន្និបាតពិគ្រោះយោ បល់ជ្រើសបេក្ខជនឈរឆ្នោត គាត់ក៏បានដាក់ក្ដី សង្ឃឹមទៅលើអ្នកជាប់ឆ្នោតបន្តក្ដាប់នូវបំណងប្រាថ្នារបស់ប្រជាជនក្នុងភូមិរួចស្នើដល់បណ្ដាស្ថាប័នសមត្ថកិច្ចឲ្យពិនិត្យ ដោះស្រាយទាន់ពេល បណ្ដាសំណើររបស់ម្ចាស់ឆ្នោត។ បណ្ដាបញ្ហាដែលមាមីងនៅភូមិក្បាលទូកចាប់អារម្មណ៍នាពេលបច្ចុប្បន្ននេះគឺ ប្រព័ន្ធហេដ្ឋានរចនាសម្ព័ន្ធជនបទ។ ស្នើឲ្យប្រញាប់កសាងផ្លូវទៅកាន់វាលស្រែពីខាង ត្បូងវត្តក្បាលទូកទៅដល់ផ្ទះលោកមាព័ទ្ធមកភ្ជាប់ផ្លូវលំលេខ ៣៦។ កសាងប្រព័ន្ធទំនប់ព័ទ្ធជុំបម្រើ ការផលិតស្រូវនៅវាលស្រែទំនាបរបស់ភូមិចំនួន ១២៧,៩ ហិកតា។ ទន្ទឹមនឹងនោះពង្រឹង និងលើកកម្ពស់គុណភាពបណ្តាក្រុមសហការផលិតលើភូមិសាស្រ្តភូមិ។ ស្នើថ្នាក់លើឧបត្ថម្ភទុនឲ្យកសិករផលិត។ បញ្ជាការអនុវត្តល្អបណ្តាភារកិច្ច របស់សហគមន៍ប្រជាជនស្នាក់នៅនិងភារកិច្ចថ្នាក់លើប្រគល់ឲ្យ រួមចំណែកក្នុងការពង្រឹង និងពង្រីកកម្លាំងរឹងមាំរបស់រដ្ឋអំណាចមូលដ្ឋាន។ ទន្ទឹមនឹងនោះ ចាត់តាំងផ្សព្វផ្សាយគោលការណ៍ គោលមាគ៌ារបស់បក្ស គោលនយោបាយ ច្បាប់របស់រដ្ឋ និងភារកិច្ចថ្នាក់លើប្រគល់ឲ្យ៕          

                                                                                                                              ក្រុមអ្នកយកព័ត៌មាន៖ 
​​​​​​​                                                                                                                             សុខា-សុជា-ហ្វាង-សម្បត្តិ