អនុស្សាវរីយ៍ឆ្នាំទី ៧៧ ទិវាបង្កើតកងទ័ពប្រជាជនវៀតណាម (២២ ខែធ្នូ ឆ្នាំ ១៩៤៤-២២ ខែធ្នូ ឆ្នាំ ២០២១) និងឆ្នាំទី ៣២ ទិវាជួបជុំទូទាំងប្រជាជន ការពារប្រទេសជាតិ (២២ ខែធ្នូ ឆ្នាំ ១៩៨៩-២២ ខែធ្នូ ឆ្នាំ ២០២១)

ពិធីបង្កើតក្រុមវៀតណាមផ្សព្វផ្សាយកងព័ទរំដោះជាតិ។    

     ឱ្យតែដល់ថ្ងៃទី ២២ ខែធ្នូជារៀងរាលឆ្នាំ គឺជាទិវាប្រវេណីរបស់ទូទាំងប្រជាជាតិ កត់ត្រា និងលើកតម្កើងនូវបណ្តាការចូលរួមវិភាគទានយ៉ាងមហិមារបស់កងទ័ពប្រជាជនវៀតណាមទៅក្នុងបុព្វហេតុកសាង និងការពាររឹងមាំមាតុប្រទេសវៀតណាមសង្គមនិយម។

     ក្នុងអំឡុង ៧៧ ឆ្នាំកន្លងហើយ នៅថ្ងៃទី ២២ ខែធ្នូ ឆ្នាំ ១៩៤៤ ក្រុមវៀតណាមផ្សព្វ​ផ្សាយកងទ័ពរំដោះជាតិជាអង្គការចាត់តាំងដើមកំណើតរបស់កងទ័ពប្រជាជនវៀតណាមបានបង្កើតឡើង។ ការចាប់បដិសន្ធិរបស់កងទ័ពយើងគឺជាព្រឹត្តិការណ៍ជាប្រវត្តិសាស្ត្រយ៉ាងសំខាន់របស់បដិវត្តន៍វៀតណាម។ ជាលើកដំបូងបង្អស់ក្នុងប្រវត្តិសាស្ត្រ ដែលវណ្ណកម្មករ និងប្រជាជន​វៀត​ណាមមានកងទ័ពរបៀបថ្មី អាស្រ័យដោយបក្សកម្មុយនិស្តវៀតណាម និងលោក​ប្រធានហូជីមិញចាត់តាំងបង្កើតឡើង និងអប់រំ លត់ដំ ដឹកនាំ។ ជាកងទ័ពរបស់ប្រជាជន អាស្រ័យដោយប្រជាជន ដើម្បីបុព្វហេតុប្រជាជនដែលបំពាក់នូវអត្តចរិត​លក្ខណៈវណ្ណកម្មករ តស៊ូប្រយុទ្ធដើម្បីឯករាជ្យប្រជាជាតិ និងលទ្ធិសង្គមនិយម ដើម្បីបុព្វហេតុសេរីភាព សុភមង្គលរបស់ប្រជាជន។ ឆ្នាំទី ២២ ខែធ្នូ មិនត្រឹមតែជា​ទិវាបង្កើត​កងទ័ពប្រជាជនវៀតណាមប៉ុណ្ណោះ ប៉ុន្តែក្លាយជាទិវាជួបជុំទូទាំងប្រជាជន​ការពារប្រទេស ជាទិវាអនុស្សាវរីយ៍ពោពេញទៅដោយអត្ថន័យចំពោះ​ប្រជាជនវៀត​ណាម​ទាំងមូល។ ឈ្មោះហៅ “កងទ័ពប្រជាជន” គឺអាស្រ័យដោយលោកប្រធាន​ហូជីមិញ​ ដាក់ឈ្មោះភ្ជាប់ជាមួយនឹងអត្ថន័យ “វាក្យសព្ទចេញពីប្រជាជន ដើម្បីបុព្វហេតុ​ប្រជាជនបម្រើ”។

     កាលពីខែធ្នូ ឆ្នាំ ១៩៤៤ អគ្គមគ្គុទេ្ទសក៍ហូជីមិញបានចេញសារាចរបង្កើតក្រុមវៀត​ណាម ផ្សព្វផ្សាយកងទ័ពរំដោះជាតិ។ សារាចរបានសង្កត់ធ្ងន់ថា៖ “ឈ្មោះក្រុមវៀតណាម​ផ្សព្វផ្សាយកងទ័ពរំដោះជាតិមានអត្ថន័យថាជានយោបាយយ៉ាងសំខាន់ជាងយោធា។ ឈ្មោះនេះគឺជាក្រុមផ្សព្វផ្សាយឃោសនា ព្រមទាំងជាការផ្តើមគំនិតរបស់កងទ័ព​រំដោះប្រទេសជាតិ វាអាចនឹងដំណើរការជានិច្ចកាលទាំងពីភាគ​ខាងត្បូងដល់ភាគ​ខាងជើង” ។ ដូច្នោះនៅថ្ងៃទី ២២ ខែធ្នូ ឆ្នាំ ១៩៤៤ ស្ថិតនៅនឹងតំបន់ព្រៃរបស់​ស្រុកង្វៀងបិញ ខេត្តកៅបាំងក្រុមវៀតណាមផ្សព្វផ្សាយកងទ័ពរំដោះ​ជាតិពេញ​សិទ្ធិចាត់តាំងពិធីបង្កើត រួមមានក្រុមទ័ព ០៣ ក្រុមជាមួយនឹងយុទ្ធជន ៣៤ រូបអាស្រ័យដោយសមមិត្តវ៉ង្វៀងយ៉ាបបញ្ជាការផ្ទាល់។ នេះគឺជាអង្គភាព​ស្រួចមុនដំបូងបង្អស់របស់កងកម្លាំប្រដាប់អាវុធបដិវត្តន៍ និងជាដើមកំណើតរបស់កង​ទ័ពប្រជាជនវៀតណាម។ ក្រុមវៀតណាមផ្សព្វផ្សាយកងទ័ពរំដោះជាតិ អាស្រ័យដោយ​សមមិត្តហ្វាងសឹមធ្វើជាប្រធានក្រុម សមមិត្ត សីកថាំង (យឿងម៉ាកថាច់)​ធ្វើជាស្នង​ការនយោបាយ សមមិត្តហ្វាងវ៉ាំងថាយទទួលបន្ទុកផែនការ-ចារកម្ម សមមិត្តវ៉ឹងទៀង (ឡុកវ៉ាំងឡុង) គ្រប់គ្រង។ ក្រុមមានសាខាបក្សដឹកនាំ។ ថ្វីត្បិតក្រុមវៀតណាមផ្សព្វ​ផ្សាយកង​ទ័ពរំដោះជាតិមានសមាជិកតែ ៣៤ រូប ជាមួយនឹងកាំភ្លើងគ្រប់ប្រភេទចំនួន ៣៤ គ្រឿង ប៉ុន្តែនេះគឺជាបណ្តាយុទ្ធជនប្តេជ្ញាចិត្ត អង់អាចក្លាហាន ក្នុងក្រុមកង​សេនា​ជនឈ្លបសង្រ្គោះជាតិ គឺជាកូនប្អូនរបស់បណ្តាប្រជាជនគ្រប់ជាន់ថ្នាក់ដែលត្រូវ​រងការសង្កត់សង្កិនកេងប្រវញ្ច ពួកគេមានទឹកចិត្តស្នេហាជាតិ ឆន្ទៈចងគំនុំយ៉ាងខ្ពស់ ដែលបានរឹតបណ្តឹងពួកគេប្រមូលផ្តុំមកជាផែនមហាសាមគ្គីដ៏រឹងមាំ គ្មានពួកខ្មាំង​ណាមួយបំបែកបំផ្លាញចោលបាន។

    បន្ទាប់ពិធីបង្កើតរួច ក្រុមបានចាត់តាំងពេលបាយសាបគ្មានបន្លែបង្ការ គ្មានអំបិលឡើយ ដើម្បីជ្រោងខ្ពស់ស្មារតីទុក្ខលំបាករបស់បណ្តាយុទ្ធជនបដិវត្តន៍។ ក្រុមចាត់តាំង “រាត្រីឈ្លប” ភ្ជុំគ្នា​ជា​មួយនឹងប្រជាជនមូលដ្ឋានដើម្បីរិតចំណងសាមគ្គីរវៀងកងទ័ព និងប្រជាជន។

     អនុវត្តតាមបទបញ្ជា “ត្រូវវាយយកយុទ្ធជ័យបើកឆាកមុនដំបូង” ក្រោយពីថ្ងៃបង្កើតរួច ក្រុមវៀតណាមផ្សព្វផ្សាយកងទ័ពរំដោះជាតិប្រាជ្ញាមោះមុត ចៃដន្យវាយលុកចូលប៉ុស្តិ៍​ផាយខាក់ (ម៉ោង ១៧ ថ្ងៃទី ២៥ ខែធ្នូឆ្នាំ ១៩៤៤) និងព្រឹកថ្ងៃក្រោយ (ម៉ោង ៧ ថ្ងៃទី ២៦ ខែធ្នូឆ្នាំ ១៩៤៤) វាយលុកចូលប៉ុស្តិ៍ណាងឹង ធ្វើវិនាសកម្មបាន ០២ ប៉ុស្តិ៍របស់ខ្មាំង សម្លាប់មេប៉ុស្តិ៍ ០២ ​នាក់ ចាប់រស់ទូទាំងពលទាហាន ប្រមូលយកទាំងអស់សាស្ត្រាវុធ បរិក្ខាយោធា សម្ភារសឹក។ ផ្តើមពីយុទ្ធជ័យទាំងពីរនេះបានបើកចេញជាប្រវេណីធ្វើសង្គ្រាមវិនាសកម្មដំបូងរបស់កងទ័ពយើងបានធ្វើជាប្រវេណីយុទ្ធជ័យក្នុងយុទ្ធសាស្ត្រក្នុងសម័យតស៊ូទាំងពីរលើកគឺប្រឆាំងបារាំង និងប្រឆាំងអាមេរិករហូតមកដល់ថ្ងៃជ័យជម្នះទាំងស្រុង។

     ផ្តើមពីថ្ងៃបង្កើត ក្រុមវៀតណាមផ្សព្វផ្សាយកងទ័ពរំដោះជាតិជានិច្ចកាលបានពង្រីក និងរីកចម្រើនដោយឥតបញ្ឈប់ឡើយ ។ ថ្ងៃទី ២២ ខែធ្នូ ឆ្នាំ ១៩៤៤ បានបញ្ជាក់ជា​ថ្ងៃបង្កើតកងទ័ពប្រជាជនវៀតណាម ជាគំនូរសម្គាល់បញ្ជាក់ការចាប់បដិសន្ធិរបស់អង្គ​ការចាត់យោធាថ្មីមួយរបស់ប្រជាជាតិ។ ជាកងទ័ពមួយប្រភេទ “របស់ប្រជាជន អាស្រ័យដោយប្រជាជន ដើម្បីបុព្វហេតុប្រជាជន” ជានិច្ចកាលស្និទ្ធស្នាលសាច់​ស្រសឈាមស្រសជាមួយនឹងប្រជាជន ហើយបានប្រជាជនជំនឿទុកចិត្ត ស្រឡាញ់ ការពារជានិច្ច។

     កាលពីឆ្នាំ ១៩៨៩ យោងតាមសារាចររបស់គណៈលេខាមជ្ឈិមបក្ស និងសេចក្តី​សម្រេចចិត្តរបស់រដ្ឋាភិបាល កាលពីថ្ងៃទី ២២ ខែធ្នូជារៀងរាលឆ្នាំមិនត្រឹមតែជាថ្ងៃ​អនុស្សាវរីយ៍បង្កើតកងទ័ពប្រជាជនវៀតណាមប៉ុណ្ណោះ នៅជាទិវាទូទាំងប្រជាជាតិការ​ពារ​ប្រទេសជាតិទៀតផង។ គឺជាថ្ងៃដើម្បីរំលឹកឡើងប្រវេណីជាប្រវត្តិសាស្ត្រ ប្រវេណី​ដ៏ត្រចះត្រចង់ អង់អាចក្លាហាន បណ្តាយុទ្ធជ័យរបស់កងទ័ព និងប្រជាជន​យើង។ ទន្ទឹមជាមួយនឹងក្តីមោទនភាពអំពីកងទ័ពច្បាំងរយដងឈ្នះរយដងនោះ យើងក៏យល់​បានគ្រប់គ្រាន់យ៉ាងជ្រាវជ្រៅជាងអំពីការរីកចម្រើន និងភាពធំធេង និងការរីកចម្រើន​យ៉ាង​ខ្លាំងពូកែ​របស់កងទ័ពប្រជាជនវៀតណាមផងដែរ អំពីការទុក្ខលំបាក​ផ្តេចប្តូរជីវិត​របស់យុទ្ធជនដែលអត់ធ្មត់ផងដែរ។

     ដោយយល់បានការ​ពលីយ៉ាងធំធេងនោះ នៅថ្ងៃដ៏​ឧត្តុង្គឧត្តមនេះដើម្បីទុកឱ្យយើងគ្រប់​គ្នាលើកតម្កើងអ្នកជំនាន់មុនដែលបានពលីជីវិត បរិច្ចាគសាច់ស្រសឈាមស្រសដើម្បី​បុព្វហេតុកេរ្តិ៍ឈ្មោះរបស់ប្រជាជាតិ ដើម្បីបុព្វហេតុឯករាជ្យ និងសេរីភាពរបស់មាតុ​ប្រទេស។ គឺជាឱកាសសម្រាប់យើងគ្រប់គ្នារំលឹកឡើងវិញនូវគុណូបការៈចំ​ពោះយុទ្ធជន​ដែលបានពលីជីវិត ហើយខិតខំធ្វើល្អភារកិច្ចចំពោះអ្នកនៅមានជីវិត។ ផ្តើមពីនោះ យើង​គ្រប់​គ្នាស្តារឡើងក្តីមោទនភាព លើកតម្កើងជនជាតិ ដែលបានបំពាក់បំប៉នទឹកចិត្តស្នេហា​ជាតិកាន់តែឆាបឆួលខ្ពស់ជាងទៀត ស្នេហាលទ្ធិសង្គមនិយម។

     ផ្តើពីនោះ ជារៀងរាលឆ្នាំឱ្យតែដល់ថ្ងៃនេះ ទូទាំងប្រជាជាវៀតណាមតែងចាត់តាំង​បណ្តាសកម្មភាពឆ្ពោះទៅក្នុងបធានបទការពារជាតិ និងកងទ័ពដើម្បីផ្សព្វផ្សាយ​ជ្រៅជ្រះនូវប្រវេណីវាយខ្មាំងសង្គ្រោះប្រទេសជាតិរបស់ប្រជាជាតិ និងអត្តចរិត​លក្ខណៈដ៏ល្អល្អះ ការប្តេជ្ញាតស៊ូ ប្តេជ្ញាឈ្នះ ចេះវាយយកជ័យជម្នះរបស់កងទ័ពអ៊ំហូ  អប់រំទឹកចិត្តស្នេហាជាតិ ស្នេហាសង្គមនិយម ជំរុញទឹកចិត្តរាល់ពលរដ្ឋថែទាំ​ពង្រឹងការការពារជាតិ កសាងកងទ័ពបដិវត្តន៍រៀបរយ ធ្នឹកសង្គ្រាមពីមួយថ្ងៃទៅ​មួយថ្ងៃទំនើបជានិច្ចកាលត្រៀមលក្ខណៈប្រយុទ្ធ៕    រតនា