សារព័ត៌មានជួយឱ្យខ្ញុំបំពេញបន្ថែមចំណេះដឹងជាច្រើន

         ជាអ្នកមានប្រជាប្រិយភាពក្នុងជនរួមជាតិ ជាមួយរបបឧបត្ថម្ភរបស់រដ្ឋចំពោះអ្នក​មានប្រជាប្រិយភាពអំពីសៀវភៅ កាសែត ព្រឹត្តិបត្រ ទស្សនាវដ្តី។ល។ កាន់តែជួយឱ្យលោកមា​ថាច់ផនបានប្រសព្វជាមួយព័ត៌មានសម្បូរបែបបម្រើឱ្យការងារសង្គម។ ជាពិសេសក្នុង​លើកកំពូលបង្ការ ទប់ស្កាត់អាសន្នរោគកូវីដ-១៩ លោកមាតែងស្រាវជ្រាវខ្លឹមសារមួយចំ​នួននៃសារាចរ សេចក្តីកំណត់ដែលទាក់ទងដល់ការងារបង្ការទប់ស្កាត់អាសន្នរោគកូវីដ-១៩ ដើម្បីផ្សព្វផ្សាយដល់សមាជិកក្នុងក្រុម។ ផ្តើមពីនោះ ស្មារតីបង្ការ ទប់ស្កាត់អាសន្នរោគ​របស់បណ្តាសមាជិកកាន់តែបានលើកកម្ពស់ អនុវត្តគ្រប់គ្រាន់បណ្តាវិធានការសុវត្ថិភាព​បង្ការ ទប់ស្កាត់អាសន្នរោគ។ លោកមាថាច់ផនបានឱ្យដឹងថា៖ បានរដ្ឋអំណាច និងមាមីងជនរួមជាតិខ្មែរផ្តល់ទំនុកចិត្តជ្រើសធ្វើជាអ្នកមានប្រជាប្រិយភាពក្នុងជនរួមជាតិគឺជាមោទនភាពយ៉ាងធំធេងសម្រាប់រូបខ្ញុំ។ អាស្រ័យហេតុនោះ ខ្ញុំតែងខិតខំដើម្បីធ្វើល្អជាងទៀត គោលបំណងគឺរួមជាមួយរដ្ឋអំណាចមូលដ្ឋានធ្វើសម្រេចរួចរាល់ភារកិច្ចដែលថ្នាក់លើបាន​ប្រគល់ជូនគឺកសាងសម្រេចភូមិវប្បធម៌ ជនបទថ្មីនាពេលខាងមុខ។

លោកមាថាច់ផន ស្រាវជ្រាវព័ត៌មានលើកាសែតត្រាវិញជាខេមរភាសា។

         ក្នុងការប្រជុំជីវភាពសាមញ្ញរបស់ជនរួមជាតិខ្មែរភូមិភាវ  ក្រៅពីការអនុវត្តន៍​ជំនឿសាសនានៅក្នុងវត្ត ភូមិនៅទាំងបង្កើតបានក្រុមសមាទានសីល ដោយមានគ្រួសារសមាជិ​កនួន ២៣០ គ្រួចូលរួម។ លោកមាថាច់ផនបានឱ្យដឹងបន្ថែមទៀតថា៖ បណ្តាសមាជិកចូលរួមក្នុងមួយខែត្រូវបង់ប្រាក់រួមវិភាគទាន ១០.០០០ ពាន់ដុង។ ចំនួនទឹកប្រាក់រួមវិភាគទានរបស់បណ្តាសមាជិកគឺទុកបម្រុងសម្រាប់ទិញឧបករណ៍ប្រើ​ប្រាស់បម្រើការប្រជុំជីវភាពរបស់ក្រុម ឱ្យសមាជិកខ្ចីពេលជួបលំបាក ចូលរួមវិភាគទានជា​មួយរដ្ឋអំណាចមូលដ្ឋានអនុវត្តបណ្តាសំណង់ សាធារណប្រយោជន៍។ល។ កាលពីមុន ក្រុមសមាទានប្រមូលគ្នីគ្នាប្រជុំជីវភាពក្នុងមួយខែចំនួន ៤ លើក (នៅថ្ងៃ ៨ កើត ៨ រោច ១៥ កើត និង ១៤ ឬក៏ ១៥ រោច)។ ប៉ុន្តែសព្វថ្ងៃ ការប្រជុំប្រជុំជីវភាពក្នុងមួយខែនៅត្រឹមតែ ២​ លើក អាស្រ័យសមាជិកជាច្រើនមានការរវល់ការងារច្រើន។ ពេលកំណត់ថ្ងៃជួបជុំនៅគ្រួសារសមាជិកណាមួយ ខ្ញុំឆ្លៀតពេលទៅឱ្យបានមុនគេ​ ត្រៀមបម្រុងបណ្តាខ្លឹមសារដែលទាក់ទងដល់គោលការណ៍ គោលនយោបាយ  ច្បាប់របស់បក្ស រដ្ឋ បណ្តាចលនានៅមូលដ្ឋាន ស្ថានភាពសន្តិសុខសណ្តាប់ធ្នាប់នៅ​មូលដ្ឋាន។ល។ ដើម្បីផ្សព្វផ្សាយ លើកកម្ពស់ស្មារតីអនុវត្ត មានការប្រុងប្រយ័ត្នជាមួយ​បណ្តាប្រភេទបទល្មើស​អបាយមុខសង្គម។ អាស្រ័យទង្វើទាំងនោះ ទើបភូមិដែលមាន​ជនរួមជាតិខ្មែររស់នៅច្រើនមានរបៀបរៀបរយល្អ ជនរួមជាតិខ្មែរបាននឹងនរចិត្តក្នុងពលកម្ម​ផលិតលើកស្ទួយជីវភាព បំបាត់ភាពអត់ឃ្លាន បន្ថយភាពក្រីក្រ។

       វាយតម្លៃពីអ្នកមានប្រជាប្រិយភាព លោកមាថាច់ផន លោកត្រឹងភឿកហៀង​អនុប្រធានគណៈកម្មាធិការប្រជាជនឃុំហ៊ីបហ្វាបានឱ្យដឹង៖ លោកមាថាច់ផន មិនត្រឹមតែ​ចូលរួមអនុវត្តល្អបណ្តាចលនាប៉ុណ្ណោះឡើយ គាត់នៅទាំងជាអ្នកចេះដឹងយ៉ាងទូលំទូ​លាយអំពីប្រពៃណីទំនៀមទម្លាប់របស់ជនរួមជាតិខ្មែរ អ្វីៗដែលលោកមាធ្វើ ជនរួមជាតិខ្មែរអនុវត្តតាម និងអ្វីៗដែលលោកមានិយាយជនរួមជាតិសែនចូលចិត្តស្តាប់។ ផ្តើមពីបណ្តាទង្វើនោះ លោកមាបានបណ្តាផ្នែកគ្រប់លំដាប់ថ្នាក់ស្ងើចសរសើរ៕

​​​​អត្ថបទ-រូបថត៖ ថាច់សម្បត្តិ