រួមដំណើរជាមួយគ្រួសារក្រីក្រក្នុងរដូវមហាសន្នរោគកូវីដ ១៩

លោកមាត្រឿងកៀ សាងសង់ផ្ទះមហាសាមគ្គីថ្មី អាស្រ័យគណៈកម្មាធិការរណសិរ្សមាតុភូមិឧបត្ថម្ភ។

លោកស្រី គឹមធីឡេ ប្រធានគណៈកម្មាធិការរណសិរ្សមាតុភូមិវៀតណាមសង្កាត់ទី ៩ បានឲ្យដឹង៖  គិតគូរគ្រួសារក្រីក្រ​ ពង្រីកកម្លាំងមហាសាមគ្គីទូទាំងជនជាតិ ផ្សព្វផ្សាយបណ្តាចលនាប្រឡងប្រណាំងស្នេហាជាតិ ជាការងារប្រចាំរបស់គណៈកម្មាធិការបក្ស រដ្ឋអំណាច គណៈកម្មាធិការរណសិរ្សមាតុភូមិវៀតណាម សង្កាត់ ទី ៩។ តាមរយៈនោះ គណៈកម្មាធិការរណសិរ្សមាតុភូមិវៀតណាមសង្កាត់ទី ៩ នៅទាំងឆ្លៀតយកបណ្តាប្រភពកម្លាំង បំផុសចលនា អាជីវករ សប្បុរសជន គិតគូរដល់គ្រួសារក្រីក្រ ដូចជា៖​ គណៈកម្មាធិការរណសិរ្សមាតុភូមិវៀតណាម ទីក្រុងត្រាវិញសហការជាមួយគណៈកម្មាធិការបក្ស គណៈកម្មាធិការប្រជាជនសង្កាត់ទី ៩ ចាត់តាំងផ្សារណាត់ “០ ដុង” ជូនគ្រួសារក្រីក្រ គ្រួសារជិតក្រ ក្នុងរយៈកាលអនុវត្តគម្លាតសង្គម។ ចំនួនមុខទំនិញសម្ភារប្រើប្រាស់ចាំបាច់ និងមុខទំនិញបានដាក់ចេញជាមួយតម្លៃ “០ ដុង” រួមមាន ១០០ ចំណែក គិតជាតម្លៃ ៣៥ លានដុង។ គណៈកម្មាធិការរណសិរ្សមាតុភូមិវៀតណាមខេត្តដកយកពីប្រភពមូលនិធិសុខុមាលភាពសង្គមខេត្ត ឧបត្ថម្ភជូនគ្រួសារ ៤៥ គ្រួ ជាមុខសញ្ញាទន់ខ្យោយ​ គ្រួសារជួបលំបាក អាស្រ័យដោយអាសន្នរោគជំងឺកូវីដ‑១៩ សរុបទឹកប្រាក់ ៤០,៥ លានដុង។ គណៈកម្មាធិការរណសិរ្សមាតុភូមិវៀតណាមទីក្រុងឧបត្ថម្ភអំណោយ ១០ ចំណែក ក្រុមហ៊ុនអគ្គិសនីឧបត្ថម្ភអង្ករ ១០ តោន​ តម្លៃ ១៥ លានដុង។ល។

ទន្ទឹមនឹងនោះ អនុវត្តសេចក្តីសម្រេចចិត្តលេខ ១៤១៥/QĐ-TTg ចុះថ្ងៃទី ២០ មេសា ឆ្នាំ ២០២១ របស់នាយករដ្ឋមន្រ្តីនៃរដ្ឋាភិបាល ស្តីពីការផ្គត់ផ្គង់អង្ករពីប្រភពឃ្លាំងអង្ករបម្រុងរបស់ជាតិ​ជូនដល់បណ្តាខេត្ត ទីក្រុង ដើម្បីឧបត្ថម្ភដល់ប្រជាជនកំពុងជួបលំបាកដោយសារអាសន្នរោគកូវីដ‑១៩ ការិយាល័យពលកម្ម‑យុទ្ធជនពិការ និងសង្គមកិច្ចទីក្រុងត្រាវិញបានឧបត្ថម្ភគ្រួសារក្រីក្រ គ្រួសារជិតក្រ និងមុខសញ្ញាគាំពារសង្គមជាជនរួមជាតិខ្មែរ ៣៥៦ គ្រួ ដោយមានចំនួនមនុស្ស ៧៨០ នាក់នៅលើភូមិសាស្ត្រសង្កាត់​ ម្នាក់ៗទទួលបានអង្ករ ១៥ គីឡូក្រាម។ បច្ចុប្បន្ន ទូទាំងសង្កាត់ផ្គត់ផ្គង់អង្ករបានជាង ១២ តោន។

ជាគ្រួសារក្រីក្រ ទទួលបានការយកចិត្តទុកដាក់ឧបត្ថម្ភពីគណៈកម្មាធិការប្រជាជនសង្កាត់ទី ៩ លោមាត្រឿងកៀ​ នៅអនុសង្កាត់លេខ ៣ សង្កាត់ទី ៩ ឲ្យដឹងដោយរីករាយថា៖​ ខ្ញុំគ្មានប្រពន្ធកូន ហេតុនោះហើយបច្ចុប្បន្នរស់នៅជាមួយម្តាយមានវ័យជាង ៧០ ឆ្នាំ និងចៅៗ (កូនរបស់ប្អូនស្រី) ០៣ នាក់កំពុងស្ថិតក្នុងវ័យសិក្សា។ មុននោះ គ្រួសារជួបលំបាក ខ្ញុំប្រកបរបរជាងកំបោរ ប៉ុន្តែរយៈកាលជាង ០១ ឆ្នាំមកអាយ នេះ អាស្រ័យមានជំងឺបេះដូង ទើបពេលណាដែលសុខភាពស្រួល ទើបខ្ញុំទៅធ្វើការងារនេះ ពេលមិនសូវស្រួលខ្ញុំប្រកបកិច្ចការស្រាល​តាមរដូវកាល។ ដោយឃើញគ្រួសារខ្ញុំជួបលំបាក ក្នុងមួយខែសង្កាត់ទី ៩ បំផុសចលនាឧបត្ថម្ភសម្ភារប្រើប្រាស់ចាំបាច់ក្នុងគ្រួសារ និងអង្ករពី ១០‑១៥ គីឡូក្រាមជូនដល់គ្រួសារខ្ញុំ។ ទន្ទឹមនឹងនោះ ខ្ញុំទើបតែទទួលបានប្រាក់ឧបត្ថម្ភពលករស្វៃរិនចំនួន ១,៥ លានដុង តាមសេចក្តី សម្រេចចិត្តលេខ ៦៨ របស់នាយករដ្ឋមន្ត្រីនៃរដ្ឋាភិបាល។ ប្រាក់នោះ ខ្ញុំប្រិតសំចៃទុកសម្រាប់ទិញគោមួយក្បាល សង្ឃឹមថាជីវភាពគ្រួសារនឹងធូរស្រាលជាងមុន។

មិនត្រឹមតែជំនួយបណ្តាគ្រួសារក្រីក្រឲ្យឆ្លងកាត់ការលំបាក ក្នុងរដូវអាសន្នរោគនោះ សង្កាត់ទី ៩ នៅទាំងអំពាវនាវសប្បុរសជនចូលរួមសាងសង់ផ្ទះមហាសាមគ្គី ដើម្បីបណ្តាគ្រួសារជួបលំបាក គ្រួសារក្រីក្រមានលំនៅឋានលំនឹងជីវភាព។ ឆ្លងតាមរយៈនោះ គិតពីដើមឆ្នាំមកទល់ពេលនេះ គណៈកម្មាធិការរណសិរ្សមាតុភូមិវៀតណាមសង្កាត់ទី ៩ បំផុសចលនាសាងសង់ថ្មីផ្ទះមហាសាមគ្គី ១៥ ខ្នង ផ្ទះឧបការគុណ ០១ ខ្នង។ ក្នុងនោះគណៈកម្មាធិការរណសិរ្សមាតុភូមិវៀតណាមខេត្តឧបត្ថម្ភសាងសង់ផ្ទះមហាសាមគ្គី ០២ ខ្នង ផ្ទះឧបការគុណ ០១ ខ្នង និងគណៈកម្មាធិការរណសិរ្សមាតុភូមិវៀតណាមទីក្រុងត្រាវិញ និងគណៈកម្មាធិការរណសិរ្សមាតុភូមិវៀតណាមសង្កាត់ទី ៩ បំផុសចលនាឧបត្ថម្ភផ្ទះមហាសាមគ្គី ១៣ ខ្នង។ ផ្ទះមួយខ្នងមានតម្លៃពី ២៥‑៦០ លានដុង៕

អត្ថមទ‑រូបថត៖ សុខា