ភាពលំបាក ងាយស្រួលរបស់សិស្សជនជាតិខ្មែរក្នុងការរៀនតាមបណ្តាញ

ប្អូនថាច់ហ្វាងខាងកំពុង រៀនបន្តផ្ទាល់។

ប្អូនថាច់ហ្វាងខាង ជាសិស្សថ្នាក់ទី ៦ បេ សាលាអនុវិទ្យាល័យចូវដៀង ជាកូនរបស់គ្រួសារក្រីក្រ បានសប្បុរសជនឧបត្ថម្ភម៉ាស៊ីនកំព្យុទ័របង្កាន់ដៃមួយគ្រឿង ប៉ុន្តែគ្រួសារប្អូនគ្មានប្រព័ន្ធអ៊ីនធើណែត ម្ល៉ោះហើយ ដល់ម៉ោងរៀនម្តងៗ ហ្វាងខាងតែងយកម៉ាស៊ីនទៅផ្ទះមាមីងជិតខាង ដើម្បីតភ្ជាប់បណ្តាញអ៊ីនធើណែត។ ហ្វាងខាងបានឲ្យដឹងថា៖ កាលពីដើមឆ្នាំសិក្សា ប្អូនបារម្ភខ្លាំងណាស់ ព្រោះប្អូនគ្មានឧបករណ៍រៀនបន្តផ្ទាល់ដូចមិត្តរួមថ្នាក់។ បន្ទាប់ពីបើកបវេសនកាលឆ្នាំសិក្សាថ្មីបានមួយសប្តាហ៍ដោយបានសប្បុរសជនឧបត្ថម្ភម៉ាស៊ីនកំព្យូទ័របង្កាន់ដៃឲ្យប្អូន ០១ គ្រឿង។ ដោយ​សារ​ផ្ទះ​ប្អូនគ្មាន​ប្រព័ន្ធអ៊ីនធើណែត ម្ល៉ោះហើយដល់ម៉ោងរៀនម្តងៗ ប្អូនតែងយកកំព្យុទ័រ​ទៅ​ផ្ទះ​មាមីងជិត​ខាង​ដើម្បី​រៀនបន្តផ្ទាល់។ ទោះបីពិបាកបន្តិចក៏ដោយ ប៉ុន្តែប្អូននឹង​ខិតខំរៀន និង​ធ្វើលំហាត់​ឲ្យ​បាន​ល្អ មិនឲ្យលោកមា អ្នកមីង និង​លោកគ្រូ​ អ្នកគ្រូ​ខកបំណងឡើយ។

ប្អូន ស៊ើងថាញ់ផុង ជាសិស្សថ្នាក់ទី ៧/២ អនុវិទ្យាល័យផុងថាញ់ក៏ ជាកូនរបស់គ្រួសារក្រីក្រ ​បានឲ្យដឹងថា៖ ប្អូនសប្បាយចិត្តណាស់ ដោយបានការិយាល័យអប់រំ និងបណ្តុះបណ្តាល ស្រុកឧបត្ថម្ភទូរស័ព្ទ ០១ គ្រឿង និងកាដ ៤G ដើម្បីរៀនបន្តផ្ទាល់តាំងពីដើមឆ្នាំសិក្សា។ ថ្វីត្បិតដូច្នោះ ក្នុងម៉ោងរៀនម្តងៗសេវាខ្សោយ ម្ល៉ោះហើយការរៀនរបស់ប្អូនត្រូវដាច់រយៈ។ បន្ទាប់ពីនោះ ប្អូនក៏​សុំ​មេរៀន​ពី​គ្រូបង្រៀនដើម្បីយក​មកផ្ទះ​រៀន​ ។

ប្អូនស៊ើងថាញ់ផុងកំពុងនៅផ្ទះរៀនបន្តផ្ទាល់។

អំពីភាពងាយស្រួលក្នុងការបង្រៀន និងរៀនបន្តផ្ទាល់នៅស្រុកកូវកែ អ្នកគ្រូង្វៀងធីថាញ់ឡេវ ប្រធានការិយាល័យអប់រំ និងបណ្តុះបណ្តាល ស្រុកកូវកែមានប្រសាសន៍ថា៖ ដោយបានការយកចិត្តទុកដាក់ ចង្អុលការផ្ទាល់របស់ថ្នាក់ដឹកនាំស្រុក  មន្ទីរអប់រំ និងបណ្ដុះបណ្ដាលខេត្ត ការបង្រៀន និងរៀនបន្តផ្ទាល់នៅស្រុកកូវកែប្រព្រឹត្តទៅបានស្រួល។ ជាពិសេស ថ្នាក់ដឹកនាំស្រុកកូវកែបានចលនាកម្មាភិបាល និយោ ជិតក្នុងស្រុក រួមវិភាគទានបានជាង ៤០០ លានដុងដើម្បីទិញ និងជូនទូរទស្សន៍ ៤៦ គ្រឿង និងទូរស័ព្ទ ១០៩ គ្រឿងដល់សិស្សក្នុងស្រុក។ ក្រៅពីនោះ ស្រុកនៅទាំងបានមន្ទីរអប់រំ និងបណ្តុះបណ្តាលខេត្តឧបត្ថម្ភទូរទស្សន៍ ៩៦ គ្រឿងទៀតដើម្បីជូនដល់សិស្សបឋមសិក្សាផងដែរ។ ទន្ទឹមនឹងនោះការរិយាល័យអប់រំ និងបណ្តុះបណ្តាលស្រុកក៏បានចលនាគ្រូបង្រៀន និងបុគ្គលិកផ្នែកអប់រំក្នុងទូទាំងស្រុកចូលរួម មូលនិធិ «សេវា និងកុំព្យូទ័រសម្រាប់ប្អូនៗ» អាស្រ័យសហជីព មន្ទីរអប់រំនិងបណ្តុះបណ្តាលខេត្តបំផុសចលនា។ គ្រូបង្រៀន និងបុគ្គលិកម្នាក់ៗគបប្រាក់ខែ ០១ ថ្ងៃ សរុបបានជាង ២៣៦ លានដុង ផ្ញើដល់សហជីពផ្នែកបានរួចរាល់ហើយ។

ដើម្បីដោះស្រាយបញ្ហាសិស្សខ្វះឧបករណ៍រៀនបន្តផ្ទាល់ អ្នកគ្រូង្វៀងធីថាញ់ឡេវមានប្រសាសន៍បន្តថា៖ ដើម្បីដោះស្រាយជាបន្ទាន់ចំពោះបញ្ហាសិស្សអនុវិទ្យាល័យខ្វះឧបករណ៍រៀនបន្តផ្ទាល់ ការិយាល័យបានណែនាំបណ្តាសាលាគប្បីជំរុញទឹកចិត្តសិស្សឲ្យរៀនបន្តផ្ទាល់ក្នុងឧបករណ៍ជាមួយគ្នា។ រីឯសិស្សនៅឆ្ងាយពីគ្នាវិញ គ្រូបង្រៀន ផ្ញើលំហាត់ និងណែនាំសិស្សឱ្យនៅផ្ទះធ្វើលំហាត់។ បច្ចុប្បន្នការិយាល័យ កំពុងសហការជាមួយបណ្តាឃុំ ទីប្រជុំជនត្រួតពិនិត្យគ្រួសារនីមួយៗ ដើម្បីធ្វើបញ្ជីរាយនាមផ្ញើទៅមន្ទីរអប់រំ និងបណ្តុះបណ្តាល គណៈកម្មាធិការប្រជាជនស្រុកបន្តការឧបត្ថម្ភ។ បញ្ហាប្រព័ន្ធអ៊ីនធើណែតរអាក់រអួលវិញនោះ ការិយាល័យបានរាយការណ៍ដល់ថ្នាក់ដឹកនាំស្រុកដើម្បីចង្អុលការផ្នែកជំនាញ បង្កើនល្បឿនប្រព័ន្ធអ៊ីនធើណែតឲ្យពូកែ ដើម្បីឱ្យសិស្សរៀនបានស្រួល៕      

អត្ថបទ‑រូបថត៖ សុជា