បង្កលក្ខណៈឱ្យសិស្សវិលត្រឡប់មកខេត្តត្រាវិញចូលរៀន

សិស្សមកដល់ផ្លូវច្រកចូលខេត្ត ត្រូវអនុវត្តការតេស្តរហ័សកូវីដ‑១៩ ពេលមក​ដល់ប៉ុស្តិ៍ពិនិត្យសុខាភិបាលចូលខេត្ត បើសិនអវិជ្ជមានឱ្យចូលមកកន្លែងមូលដ្ឋានស្នាក់នៅ​អចិន្ត្រៃយ៍ ជូនដំណឹងសុខាភិបាលជាមួយដំណាក់សុខាភិបាលថ្នាក់ឃុំ។ សិស្សត្រូវមកធ្វើចត្តាឡីស័កនៅផ្ទះចំនួន ១៤ ថ្ងៃ និងអនុវត្តពិនិត្យតាមការកំណត់ គ្រួសារធ្វើលិខិតសន្យាការគ្រប់គ្រង អនុវត្តត្រូវតាមការកំណត់អំពីការបង្ការ ទប់ស្កាត់​អាសន្នរោគកូវីដ‑១៩ (ករណីវិជ្ជមានក្រោយការពិនិត្យនឹងត្រូវវិនិច្ឆ័យតាមការកំណត់)។ មុននោះ លេខទូរស័ព្ទបន្ទាន់របស់ថ្នាក់ដឹកនាំគណៈកម្មាធិការប្រជាជនខេត្តទទួលបាន​សំណើជាច្រើនរបស់ប្រជាជនលើភូមិសាស្រ្តខេត្តស្តីពីការពិនិត្យពិច័យឱ្យកូន ចៅជាសិស្សានុសិស្សលើភូមិសាស្រ្តខេត្តដែលបានធ្វើដំណើរចេញទៅក្រៅខេត្តវិលត្រឡប់​មកខេត្តវិញដើម្បីរៀនលើបណ្តាញអនឡៃឆ្នាំសិក្សា ២០២១‑២០២២។

តាមគ្រោងផែនការរយៈពេលឆ្នាំសិក្សា ២០២១‑២០២២ គណៈកម្មាធិការប្រជាជនខេត្ត បានចេញផ្សាយថ្ងៃចូលរៀនបណ្តាកម្រិតសិក្សាក្នុងខេត្ត រួមមានអប់រំមត្តេយ្យ សកល និងអប់រំជាប្រចាំចាប់ពីថ្ងៃទី ១៥‑១៧ ខែកញ្ញា ឆ្នាំ ២០២១ បវេសនកាលថ្ងៃទី ២០ ខែកញ្ញា ឆ្នាំ ២០២១ និងបញ្ចប់ឆ្នាំសិក្សាមុនថ្ងៃទី ១១ ខែមិថុនា ឆ្នាំ ២០២២។ អស់រយៈពេល ៤ លើកគម្លាតសង្គម តាមសារាចរលេខ ១៦/CT-TTg ចុះថ្ងៃទី ៣១​ ខែមីនា ឆ្នាំ ២០២០ របស់នាយករដ្ឋមន្ត្រីនៃរដ្ឋាភិបាលលើបរិវេណទូទាំងខេត្ត (ចាប់ពីថ្ងៃទី១៩ ខែកក្កដា‑ថ្ងៃទី ១០ ខែកញ្ញា) ការងារបង្ការ ទប់ស្កាត់អាសន្នរោគកូវីដ‑១៩ លើភូមិសាស្រ្តសម្រេចបានលទ្ធផលជាសារវន្ត ចំនួនករណីក្នុងមួយថ្ងៃៗថយចុះជាលំដាប់ បណ្តាសំបុកជំងឺជាសារវន្តបានទប់ស្កាត់ ខេត្តបង្កើនសន្សឹមៗតំបន់បៃតង បន្ថយសន្សឹមៗតំបន់ក្រហម តំបន់ពណ៌ទឹកក្រូច។ បច្ចុប្បន្ន ទូទាំងខេត្ត នៅមាន ៤ ឃុំ ទីប្រជុំជន សង្កាត់បានកំណត់ថាជាតំបន់មានបាតុភាពយ៉ាងខ្ពស់កំពុងបន្តការអនុវត្តន៍សារាចរលេខ ១៦/CT-TTg ចុះថ្ងៃទី ៣១ ខែមីនា ឆ្នាំ ២០២០ របស់នាយករដ្ឋមន្ត្រីនៃរដ្ឋាភិបាល។ បណ្តាឃុំ ទីប្រជុំជនក្រៅពីនោះអនុវត្តសារាចរលេខ ១៥/CT-TTg។ ចំពោះប្រជាជនពីក្រៅខេត្តចូលមកភូមិសាស្រ្តខេត្តត្រាវិញ ត្រូវពិនិត្យធ្វើតេស្តរហ័សនៅតាម​បណ្តាប៉ុស្តិ៍ពិនិត្យសុខាភិបាល មានលទ្ធផលអវិជ្ជមានបានអនុញ្ញាតឱ្យចូលមកខេត្ត (រាប់ទាំងករណីដែលមានលិខិតពិនិត្យអវិជ្ជមាននៅពេលកំណត់)។ បើសិនចូលស្នាក់នៅ​ក្នុងខេត្ត ត្រូវបានការយល់ព្រមរបស់ប្រធានគណៈកម្មាធិការប្រជាជនខេត្ត និងអនុវត្តចត្តាឡីស័កប្រមូលផ្តុំចំនួន ១៤ ថ្ងៃ៕      

ប្រែសម្រួល៖ សម្បត្តិ