គ្រូបង្រៀនសកលជាង ៩០% បានចាក់វ៉ាក់សាំងបង្ការជំងឺកូវីដ-១៩

ទន្ទឹមនឹងនោះ ដើម្បីត្រៀមបម្រុងបានល្អបណ្តាលក្ខណៈទទួលសិស្សចូលរៀនវិញ បណ្តាមូលដ្ឋានបានប្រគល់បណ្តាសាលារៀនដែលបានយកធ្វើជាកន្លែងជម្លៀសប្រមូលផ្តុំ បណ្តាមូលដ្ឋានអប់រំបានទទួលមកវិញដើម្បីអនាម័យ បាញ់ថ្នាំរម្ងាប់មេរោគ។ ជាពិសេស ចំនួនកម្មាភិបាលគ្រប់គ្រង គ្រូបង្រៀន បុគ្គលិកនៅបណ្តាមូលដ្ឋានអប់រំបានចាក់វ៉ាក់សាំងបង្ការជំងឺកូវីដ-១៩ សម្រេចអត្រាខ្ពស់បង្គួរ ជាក់ស្តែងគឺកម្រិតវិទ្យាល័យមាន ១.៨៤៩/១២.០០៤ រូប(សម្រេច ៩២,២៦%) បណ្តាការិយាល័យអប់រំ-បណ្តុះបណ្តាលមាន ១១.១៤៨/១២.៣៣៦ រូប (សម្រេច ៩០,៣៦%) ចំនួនគ្រូបង្រៀនមិនទាន់បានចាក់វ៉ាក់សាំងអាស្រ័យដោយសុខភាព (ជំងឺខឿន សម្ពាធឈាម។ល។) ឬកំពុងមានកូនតូច៕

ឧបត្ថម្ភអ្នកមានសគុណចំពោះបដិវត្តន៍ ១០.១៩២ នាក់កំពុងជួបលំបាកដោយសារអាសន្នរោគកូវីដ-១៩

កាលពីថ្ងៃទី ០៥ កញ្ញា ឆ្នាំ ២០២១ គណៈកម្មាធិការប្រជាជនខេត្តបានផ្សាយសារលិខិតចង្អុលការឲ្យបើកមូលនិធិសុខុមាលភាពសង្គមខេត្តយកប្រាក់ ៥,០៩៦ ពាន់លានដុងសម្រាប់ចំណាយឧបត្ថម្ភដល់អ្នកមានសគុណចំពោះបដិវត្តន៍ ១០.១៩២ នាក់កំពុងជួបលំបាកដោយសារអាសន្នរោគកូវីដ-១៩ ម្នាក់ៗបានឧបត្ថម្ភអំណោយមួយចំណែកតម្លៃ ៥០០.០០០ ដុង។ មន្ទីរពលកម្ម យុទ្ធជនពិការ និងសង្គមកិច្ចសហការជាមួយគណៈកម្មាធិការរណសិរ្សមាតុភូមិវៀតណាមខេត្ត គណៈកម្មាធិការប្រជាជនបណ្តាស្រុក ទីផ្សាររួមខេត្ត ទីក្រុងចាត់តាំងចំណាយឧបត្ថម្ភដល់បណ្តាមុខសញ្ញា។

ទន្ទឹមនឹងនោះ គណៈកម្មាធិការប្រជាជនខេត្តចង្អុលការឲ្យមន្ទីរពលកម្ម យុទ្ធជនពិការ និងសង្គមកិច្ចម្ចាស់ការសហការជាមួយគណៈកម្មាធិការប្រជាជនបណ្តាស្រុក ទីផ្សាររួមខេត្ត ទីក្រុងពិនិត្យឡើងវិញគ្រួសារក្រីក្រស្ថិតក្នុងក្របខ័ណ្ឌគោលនយោបាយគាំពារសង្គម និងអនាថាមានវ័យពី ៦០ ឡើងទៅ (មិនទាន់បានទទួលឧបត្ថម្ភ) គឺឧបត្ថម្ភម្នាក់ៗ ៥០០.០០០ ដុង៕

ជូនអំណោយ ៣.៣៣៣ ចំណែកដល់ប្រជាជនកំពុងជួបលំបាកដោយសារ មហាអាសន្នរោគកូវីដ-១៩

គណៈកម្មាធិការរណសិរ្សមាតុភូមិវៀតណាមបណ្តាស្រុក ទីផ្សាររួមខេត្ត ទីក្រុងទើបចាត់តាំងជូនអំណោយ ៣.៣៣៣ ចំណែកដល់ប្រជាជនកំពុងជួបលំបាកដោយសារមហាអាសន្នរោគកូវីដ-១៩ ពី ”កម្មវិធីអំណោយមហាសាមគ្គីរាប់លានចំណែកជំនួយកម្លាំងឲ្យប្រជាជនភូមិភាគខាងត្បូងឆ្លងកាត់មហាអាសន្នរោគកូវីដ-១៩” អាស្រ័យគណៈអចិន្ត្រៃយ៍នៃគណៈកម្មាធិការមជ្ឈិមរណសិរ្សមាតុភូមិវៀតណាម បណ្តាអង្គការចាត់តាំងនយោបាយ-សង្គមមជ្ឈិម និងមជ្ឈិមសមាគមកាកបាទក្រហមសហការអនុវត្ត។

ស្ថិតលើមូលដ្ឋាននោះ ប្រភពថវិកា ០១ ពាន់លានដុងដែលមជ្ឈិមបត់បែងឲ្យគណៈអចិន្រ្តៃយ៍ នៃគណៈកម្មាធិការរណសិរ្សមាតុភូមិវៀតណាមខេត្ត គណៈសង្រ្គោះឧបត្ថម្ភខេត្តត្រាវិញបត់បែងអំណោយ ៣.៣៣៣ ចំណែក (រួមមាន ៣.៣៣២ ចំណែក ក្នុងមួយចំណែកៗតម្លៃ ៣០០.០០០ ដុង និង ០១ ចំណែកតម្លៃ ៤០០.០០០ ដុង) ជូនដល់គណៈកម្មាធិការរណសិរ្សមាតុភូមិវៀតណាមបណ្តាស្រុក ទីផ្សាររួមខេត្ត ទីក្រុងក្នុងខេត្តដើម្បីឧបត្ថម្ភប្រជាជនដែលជួបលំបាកដោយសារមហាអាសន្នរោគកូវីដ-១៩ ក្នុងនោះស្រុកចូវថាញ់ ៦០០ ចំណែក ស្រុកថ្កូវ ៥៦០ ចំណែក ស្រុកកូវង៉ាង ៥៦០ ចំណែក ស្រុកកូវកែ ៤៥០ ចំណែក ស្រុកកាងឡុង ៤៣០ ចំណែក ស្រុកយ្វៀងហាយ ២៧០ ចំណែក ស្រុកទីវកឹង ២៥០ ចំណែក ទីផ្សាររួមខេត្តយ្វៀងហាយ ១១៣ ចំណែក និងទីក្រុងត្រាវិញ ១០០ ចំណែក៕

ថ្នាក់ដឹកនាំគណៈកម្មាធិការបក្សស្រុកថ្កូវធ្វើការជាមួយការិយាល័យអប់រំ និងបណ្តុះបណ្ដាលស្តីពីការងារត្រៀមបម្រុងឆ្នាំសិក្សាថ្មី ២០២១‑២០២២

ថ្លែងយោបល់ក្នុងពេលធ្វើការ គណៈកម្មាធិការបក្ស គណៈកម្មាធិការប្រជាជនស្រុកថ្កូវឲ្យដឹងថា៖​ នេះជាឆ្នាំសិក្សាមិនទាន់មានច្បាប់ទម្លាប់ ត្រូវបើកបវេសនកាល និងរៀនតាមបណ្តាញផ្សាយបន្តផ្ទាល់ ហេតុនោះហើយនឹងជួបការលំបាកក្នុងការបង្រៀននិងរៀន។ ដូច្នោះ កងកម្លាំងទូទាំងផ្នែកអប់រំគប្បីជ្រោងខ្ពស់ស្មារតីទទួលបន្ទុកចំពោះការងារ ជម្នះការលំបាក ដើម្បីបង្រៀននិងរៀនឲ្យបានល្អ។ អំពីវិធានការអនុវត្ត ថ្នាក់ដឹកនាំស្រុកថ្កូវសំណូមពរឲ្យការិយាល័យអប់រំនឹងបណ្តុះបណ្តាលស្រុកចាត់តាំងហ្វឹកហាត់ឲ្យបានច្រើនដង ច្រើនថ្ងៃ ដើម្បីអនុវត្តស្ទាត់ជំនាញ របៀបបង្រៀនបន្តផ្ទាល់ ធានាគុណភាពបង្រៀននិងរៀន។ ចាត់ឲ្យគ្រូបង្រៀនឧបត្ថម្ភបច្ចេកទេសក្នុងដំណាក់ពេលបង្រៀនបន្តផ្ទាល់ ចំពោះសិស្សមិនចូលរួមរៀនសូត្រតាមបណ្តាញ គ្រូបង្រៀនត្រូវប្រគល់គម្រោងមេរៀននៅនឹងផ្ទះ​​ និងមានវិធីសាស្ត្រណែនាំប្អូនៗសិក្សា។ គណៈចាងហ្វាងបណ្ដាសាលាចាត់ឲ្យគ្រូបង្រៀនទៅត្រួតពិនិត្យ ក្រើនរំលឹកសិស្សដែលរៀននៅនឹងផ្ទះ ទន្ទឹមនឹងនោះ​ ឧបត្ថម្ភសិស្សក្នុងដំណាក់ពេលដែលរៀនសូត្រ ជាពិសេសសហការស្អិតល្មួតរវាងសាលារៀននិង គ្រួសារក្នុងការគ្រប់គ្រង អប់រំសិស្សក្នុងរយៈពេលដែលរៀនតាមបណ្តាញផ្សាយបន្តផ្ទាល់៕​

តឹងង៉ុក-តឹងតាយ‑សុខា