ក្រុមសិល្បៈរស្មីប្រទីបត្រាវិញដណ្តើមបានជ័យលាភីលេខមួយ ០២ រង្វាន់ ក្នុង ពិធីប្រឡងភ្លេងទោល និងប្រគំឧបករណ៍ភ្លេងជនជាតិទូទាំងប្រទេសឆ្នាំ ២០២០

តន្ត្រីករវាសនានិពន្ធនិងសម្តែងឧបករណ៍ឃឹមទទួលបានជ័យលាភីលេខ ១។   

សិល្បៈករឆ្នើមគឹមងិននិពន្ធប្រគំ និងបញ្ជាទទួលបានជ័យលាភីលេខ ១។

កាលពីថ្ងៃទី ០៥ តុលា ស្ថិតនៅរោងមហោស្រពសិល្បៈចែវវៀតណាម ចាត់តាំងពិធីបូកសរុប និងជូនរង្វាន់ពិធីប្រឡងភ្លេងទោលនិងប្រគំឧបករណ៍ភ្លេងជនជាតិទូទាំងប្រទេសឆ្នាំ ២០២០ អាស្រ័យដោយនាយកដ្ឋានសិល្បៈសម្តែង (ក្រសួងវប្បធម៌-កីឡា និងទេសចរណ៍សហការជាមួយនឹងសមាគមតន្រី្តវិទូវៀតណាម និងបណ្តាមូលដ្ឋានចាត់តាំង។ ស្ថិតក្នុងពិធីជូនរង្វាន់នេះ ក្រុមសិល្បៈរស្មីប្រទីបខេត្តត្រាវិញឆ្នើមដណ្តើមបានជ័យលាភីលេខមួយ ០២ រង្វាន់។

ពិធីប្រឡងភ្លេងទោល និងប្រគំឧបករណ៍ភ្លេងជនជាតិឆ្នាំ ២០២០ ឆ្នាំនេះ ទាក់ទាញបានអ្នកនិពន្ធបទភ្លេង តន្រី្តករ អ្នកកាន់គ្រឿងភ្លេង ៦៥០ រូបរបស់ ៣៥ ក្រុមសិល្ប:នៅលើទូទាំងប្រទេសចូលរួមដោយបានចាត់តាំងនៅ ០៥ ទីក្រុងដូចជា៖ ទីក្រុងបូងមេទូក (ដាក់ឡាក់) ទីក្រុងហូជីមិញ ទីក្រុងថាញ់ហ្វា ទីក្រុងយិញអៀង (យិញភុក) និងទីក្រុងហាណូយ។ ចំណែកក្រុមសិល្បៈរស្មីប្រទីបខេត្តត្រាវិញប្រឡងនៅទីក្រុងហូជីមិញចាប់ពីថ្ងៃទី ២០ - ២៣ កញ្ញា ឆ្នាំ ២០២០។ ចូលរួមប្រឡងលើកនេះ ក្រុមសិល្បៈរស្មីប្រទីបកសាងនិងចុះឈ្មោះចូលរួមប្រឡង ០៤ ឈុតសម្តែងរបស់អ្នកនិពន្ធ ០៣ រូបគឺប្រឡងភ្លេងទោល ០២ ឈុត និងប្រគំឧបករណ៍ភ្លេង ០២ ឈុតដ៏ឆ្នើមដែលបានវិនិយោគតម្លើង ចងក្រងប្រគំយ៉ាងផ្ចិតផ្ចង់ ដោយបានបណ្តាអ្នកតន្រ្តីវិទូ តន្ត្រីករប្រគំសម្តែងយ៉ាងឆ្នើម បង្កបានរូបារម្មណ៍យ៉ាងខ្លាំងក្លាដល់ទស្សនិកជន។

លទ្ធផលគណៈចាត់តាំងនិងគណៈមេប្រយោគបានជូនរង្វាន់បណ្តាមាតិការឆ្នើមៗ។ ក្នុងនោះក្រុមសិល្បៈរស្មីប្រទីបខេត្តត្រាវិញទទួលបានជ័យលាភីលេខមួយ ០២ រង្វាន់។ ក្នុងនោះរង្វាន់ទីមួយគឺភ្លេងទោលអាស្រ័យដោយអ្នកតន្ត្រីករវាសនានិពន្ធនិងសម្តែងឧបករណ៍ឃឹម និងប្រគំឧបករណ៍​ភ្លេងពិណពាទ្យអាស្រ័យដោយសិល្បៈករឆ្នើមគឹមងិននិពន្ធប្រគំ និងបញ្ជា៕

ដំណឹង - រូបថត៖ រតនា