អភិរក្សនិងអភិវ្ឍតម្លៃកេរដំណែលវត្តសាលវ័ន(តាអោក)

   ក្នុងសម័យតស៊ូ ប្រឆាំងអាណានិគមបារាំង និងចក្រពត្តិអាមេរិក ព្រះ​ចៅអធិការ ព្រះសង្ឃ​ និងពុទ្ធបរិស័ទខ្មែរតែងអស់ពីចិត្តជួយឧបត្ថម្ភកងទ័ពបដិវត្តន៍។ ពោល​គឺវត្តបានរួមចំណែកកម្លាំងមនុស្ស កម្លាំងទ្រព្យ និងចាត់តាំងចិញ្ចឹម លាក់បំពួនកងកម្លាំងបដិ​វត្តន៍។​ វត្តគឺជាកន្លែងផ្តើមឡើងបណ្តាចលនាតស៊ូនយោបាយព្រះសង្ឃជាច្រើនអង្គក្រោយ​រយៈពេលបួសរៀននៅក្នុងវត្ត ពេលលាចាកសិក្ខាបទវិញក៏ទៅតាមបដិវត្តន៍ ចូលរួមតស៊ូ មានអ្នកខ្លះបានពលីជីវិតតួយ៉ាងដូចជា៖ ថាច់គង់​ ថាច់សែន​ថាច់សោន​ ថាច់សាវីន។ល។

            ឆ្នាំ១៩៣០ បក្សកុម្មុយនិស្តវៀតណាមបានបង្កើតឡើង បណ្តាសមមិត្តចូលរួមធ្វើបដិ​វត្តន៍ ចាប់ផ្តើម ចលនាមហាជនចាត់តាំងពិធីមិទ្ទិញ បាតុកម្មឱ្យប្រជាជនយល់ដឹងអំពីផលប្រយោជន៍ស្របច្បាប់ និងជ្រោមជ្រែងទាមទារបន្ថយពន្ធដារធ្ងន់ធ្ងរ។ រយៈពេល​នោះ ឱកាសបុណ្យប្រចាំឆ្នាំមួយរបស់វត្ត ព្រះតេជគុណថាច់ឃុន ព្រះចៅអធិការវត្តសាលវ័ន​(តាអោក)ចាត់តាំងប្រជុំមាមីងនៅក្នុងភូមិ​ មួយក្រុមនិយាយពន្យល់ពីពុទ្ធវចនៈ មួយក្រុម​ទៀតជូនដំណឹង​ និងជំរុញទឹកចិត្តមាមីងឱ្យមានជំនឿមុតមាំទៅលើបដិវត្តន៍។ ថ្ងៃទី ០១ ខែឧ​សភាឆ្នាំ ១៩៣០​ បណ្តាសមមិត្តបដិវត្តន៍ចាត់តាំងតស៊ូទាមទារសិទ្ធិអំពីសេដ្ឋកិច្ច នយោ​បាយដើម្បីជំរុញចលនាបដិវត្តន៍នៅស្រុកកូវកែ។​ ក្បួនបាតុកម្មមួយឆ្ពោះទៅកាន់ទីប្រ​ជុំជន​កូវកែជាមួយសញ្ញាពេចន៍«តស៊ូជាមួយប្រធានទ័ព»បានប្រព្រឹត្តឡើងយ៉ាងពុះពោរ។ ទទួល​បានដំណឹងនោះ​ មនុស្សចំនួន ៥០០ នាក់ចេញដំណើរពីឡាហ្គី(បច្ចុប្បន្នស្ថិតនៅ​ភូមិសាស្រ្ត​ឃុំថុងហ្វា)ឆ្ពោះទៅទីប្រជុំជនកូវកែ​ មាមីងភូមិដុំធំក៏ជ្រោមជ្រែងជាមួយចលនាត​ស៊ូ​​នេះ។​ ក្បួនបាតុកម្មទទួលបានជោគជ័យ ចៅហ្វាយខេត្តកឹងធើទទួលព្រមបំបាត់​ចោល«ពន្ធកន្ទុយ​កណ្តុរ»​ រួចសន្យានឹងដោះស្រាយបណ្តាសំណូមពរដទៃទៀត។

            ក្តាប់បានដំណឹងថា វត្តជាកន្លែងចិញ្ចឹម លាក់បំពួនកម្មាភិបាលបដិវត្តន៍ ម៉្លោះហើយទា​ហានបារាំងបើកការពិនិត្យ​ រុករកដើម្បីវាយកម្ចាត់ទាំងស្រុងពីការតទល់របស់យើង។ ឱកាស​នោះវត្តតាអោក​​ គឺជាកន្លែប្រមូលផ្តុំ​ និងចិញ្ចឹមកម្មាភិបាលបដិវត្តន៍ជាច្រើន ​​តួយ៉ាងដូចជា៖លោកតាមចែ​(ផាមភីហ៊ុង) លោក សាវង្វៀង​ លោកហាយគ្វឹង លោកម៉ឺយដ។ល។​ ក៏អា​ស្រ័យវត្តគឺជាកន្លែងចិញ្ចឹម លាក់បំពួនកម្មាភិបាលបដិវត្តន៍​ ម៉្លោះហើយ វត្តបានក្លាយជាកន្លែង វាយប្រហារ បង្រ្កាបរបស់កងកម្លាំងទាហានបារាំង សំណង់មួយចំនួនក្នុងបរិវេណវត្តត្រូវពួកវា​ផ្លោងអាវុធបំផ្លិចបំផ្លាញ។

            ទោះបីពេលវេលាបានកន្លងផុតទៅ រាល់វត្ថុអាចមានការប្រែប្រួល ប៉ុន្តែបណ្តាសំណង់​ត្រូវពួកខ្មាំងបំផ្លិចបំផ្លាញនៅតែបានរក្សា រួចបានវត្តជួសជុលឡើងដូចជាបញ្ជាក់ឱ្យឃើញស្មារតី​សាមគ្គីរបស់ព្រះសង្ឃ ជនរួមជាតិខ្មែរ­កិញបានពង្រីកជានិច្ច។ បច្ចុប្បន្ន​វត្តកំពុងរក្សាទុកវត្ថុ​តាងដែលព្រះចៅអធិការប្រើប្រាស់សម្រាប់ ជួយដល់ការលាក់បំពួនកម្មាភិបាលបដិវត្តន៍ដូចជា៖ ទីកោទឹក ថូទឹក​ចង្កៀង។ល។ ព្រះតេជគុណថាច់លេ ព្រះចៅអធិការវត្តសាល​វ័ន(តាអោក) មានថេរដីកាឱ្យដឹងថា៖ បន្តប្រពៃណីត្រចះត្រចង់របស់ព្រះចៅអធិការ ព្រះសង្ឃ ពុទ្ធបរិស័ទ​ជំនាន់មុន វត្តតែងលើកកម្ពស់ស្មារតីសាមគ្គី ពង្រីកបណ្តាតម្លៃល្អប្រពៃណី បំផុសចលនាពុទ្ធបរិ​ស័ទលើកកម្ពស់ស្មារតីប្រតិបត្តិគោល​ការណ៍ គោលមាគ៌ា គោលនយោបាយ​ ច្បាប់របស់បក្សនិងរដ្ឋ បញ្ចេញកម្លាំងប្រឡងប្រណាំងរៀនសូត្រ ពលកម្ម ផលិតដើម្បីរួមកសាងជីវ​ភាពកក់ក្តៅ សុភមង្គល។

    សង្រ្គាមបានផុតទៅប្រទេសជាតិស្ថិតក្នុងសម័យកាលសន្តិភាព វត្តសាលវ័ន (តាអោក) បានចាត់ទុកជាកន្លែងមានការរួមចំណែកបន្ថែមក្នុងការអប់រំកូនចៅពុទ្ធបរិស័ទខ្មែរដើម្បី​បន្តឱ្យប្រពៃណីថ្លៃថ្លារបស់អ្នកជំនាន់មុន។​ ជារៀងរាល់ឆ្នាំ គិតដោយឡែកតែវិស័យអប់រំ វត្តបើកថ្នាក់បង្រៀនភាសាខ្មែរបានពី ០៥­០៦ ថ្នាក់ ដោយមានសិស្សានុសិស្សខ្មែរជិត ២០០ រូប​ចូលរៀន​ បើកថ្នាក់ពុទ្ធិកសិក្សាពី ០១­០២ ថ្នាក់ មានសមណសិស្ស­សិស្សពី​ ៣០­៤០ អង្គនិង រូបចូល​រៀន។ ឆ្នាំនេះដោយរងឥទ្ធិពលនៃរោគរាតត្បាតកូវីដ­១៩​ វត្តផ្អាកចាត់តាំងថ្នាក់បង្រៀន​ពុទ្ធិក​សិក្សា  បែរមកបំផុសចលនាពុទ្ធបរិស័ទរួមជាមួយរដ្ឋអំណាចមូលដ្ឋានបង្ការ ទប់​ស្កាត់ អាសន្នរោគ។

         កត់សម្គាល់ពីស្នាដៃដែលវត្តបានរួមចំណែកឱ្យបុព្វហេតុរំដោះជនជាតិ រំដោះប្រទេស ជាតិ រដ្ឋអំណាចមូលដ្ឋាន សហការជាមួយផ្នែកពាក់ព័ន្ធ កំពុងសម្រេចសំណុំលិខិតស្នើ​គណៈកម្មាធិការប្រជាជនខេត្តទទួលស្គាវត្តសាលវ័ន(តាអោក)ជាកេរដំណែលប្រវត្តិសាស្រ្តថ្នាក់ខេត្ត៕   អត្ថបទ­រូបថត៖ ថាច់សម្បត្តិ