រឹតបន្តឹងចំណងសាមគ្គីរវាងបណ្តាសាសនាដើម្បី រួមគ្នារកភាពជឿនលឿន

បណ្តាអង្គ-លោកអ្នកមុខអ្នកការសាសនាស្រុកកូវង៉ាងចូលរួមប្រជុំជីវភាពនយោបាយ។

         ព្រះតេជគុណថាច់រ៉ីយ៍ ប្រធានសមាគមព្រះសង្ឃសាមគ្គីស្នេហាជាតិស្រុកកូវង៉ាងមានថេរដីកាថា៖ បច្ចុប្បន្ននេះ ស្មារតីសាមគ្គីរបស់បណ្តាអង្គ-លោកអ្នកមុខអ្នកការបណ្តាសាសនាបានរក្សាដោយកម្រិតខ្ពស់។ អង្គ-លោកអ្នកនីមួយៗ មានការប្រតិបត្តិសាសនាខុសគ្នា ការចាត់តាំងប្រជុំជីវភាពសាសនាខុសគ្នា ប៉ុន្តែអង្គ-លោកអ្នកទាំងនោះមានការក្រេបជញ្ជក់រួមអំពីគោលការណ៍ គោលមាគ៌ាគោលនយោបាយ ក្រឹត្យច្បាប់របស់បក្សនិងរដ្ឋដើម្បីបន្តការផ្សព្វផ្សាយដល់ពុទ្ធបរិស័ទរបស់ខ្លួនឱ្យអនុវត្តបានល្អប្រសើរជាង។ បណ្តាការរួមចំណែករបស់អង្គ-លោកអ្នកទាំងនោះជាការ បង្កើនពីចរិតវប្បធម៌នៃមនុស្សជាតិយ៉ាងជ្រាលជ្រៅ។ បច្ចុប្បន្ននេះមានអង្គ-លោកអ្នកខ្លះមិនត្រឹមតែជាអង្គ-លោកអ្នកមុខអ្នកការសាសនាប៉ុណ្ណោះទេ អង្គ-លោកអ្នកទាំងនោះនៅទាំងចូលរួមជាមួយបណ្តាអង្គការចាត់តាំងនយោបាយសង្គមដូចជា៖ រណសិរ្ស សម័្ពន្ធយុវជន តំណាងក្រុមប្រឹក្សាប្រជាជនគ្រប់លំដាប់ថ្នាក់។ល។ ប្រការនោះនៅរៀងរាល់សម័យប្រជុំ ការប្រជុំជីវភាពតែងមានយោបល់ជជែក ពិភាក្សាបណ្តាចំណុចពូកែ ចំណុចថ្មីដើម្បីឆ្ពោះទៅដល់ការធ្វើសកម្មភាពនាំមកផលប្រយោជន៍ដល់បរិស័ទ។ លោកអ្នកមុខអ្នកការបណ្តាសាសនាធ្វើជាគំរូឈានមុខក្នុងបណ្តាចលនាដូចជា៖ ចលនាកម្លាំងប្រជាជនចូលរួមកសាងជនបទថ្មី ថ្កោលទោសបទល្មើស ការពារសន្តិសុខមាតុប្រទេស  រួមជាមួយរដ្ឋអំណាចមូលដ្ឋានអនុវត្តសម្រេចបណ្តាកម្រិតផែនការដាក់ចេញ បើសិនជាមានជនអាក្រក់បង្កការបែកបាក់សាមគ្គីភាពរវាងបណ្តាជនជាតិ រវាងបណ្តាសាសនា ការផ្សព្វផ្សាយសាសនាខុសច្បាប់។ល។ តែងបានជូនដំណឹងដល់ផ្នែកមានសមត្ថកិច្ចពិនិត្យវិនិច្ឆ័យ។ តួយ៉ាងដូចក្នុងរយៈពេលកន្លង សមាគមព្រះសង្ឃសាមគ្គីស្នេហាជាតិស្រុកកូវង៉ាង សហការជាមួយផ្នែកពាក់ព័ន្ធដោះស្រាយករណីព្រះសង្ឃ យុវជនជាង ១០ ករណីធ្វើខុសពី ការកំណត់របស់ច្បាប់ បង្កឥទ្ធិពលដល់សន្តិសុខសណ្តាប់ធ្នាប់នៅតាមបណ្តាមូលដ្ឋាន វត្តអារាម នាំយកភាពសុខសាន្តជូនភូមិស្រុក វត្តអារាមវិញ។

         ព្រះតេជគុណធិចលេសី ព្រះចៅអធិការវត្តភៀកថាញ់ (ឃុំម៉ីហ្វា ស្រុកកូវង៉ាង) ចែករំលែក៖ រយៈពេលកន្លង បណ្តាសកម្មភាពរបស់បណ្តាអង្គ-លោកអ្នកមុខអ្នកការសាសនាគឺឆ្ពោះទៅរកភាពជឿនលឿនរបស់សង្គមក្រោមការដឹកនាំរបស់បក្ស ជួយឱ្យមនុស្សមានការយោគយល់គ្នា និងស្រឡាញ់រាប់អានគ្នាជាង។ គិតដោយឡែកតែអំពីទង្វើរួម ជារៀងរាល់ឆ្នាំឱ្យតែជិតដល់បុណ្យតេត បណ្តាអង្គក្នុងគណៈប្រតិបត្តិការសមាគមពុទ្ធសាសនា សមាគមព្រះសង្ឃសាមគ្គីស្នេហាជាតិស្រុកតែងបម្រុងពេលនិមន្តទៅសួរសុខទុក្ខ និងប្រសិទ្ធពរបុណ្យតេតដល់គណៈកម្មាធិការបក្សស្រុក គណៈកម្មាធិការប្រជាជនស្រុក រណសិរ្សស្រុក ចលនាឧបត្ថម្ភចង្ក្រានបាយមេត្តាធម៌នៅតាមបណ្តាមន្ទីរពេទ្យ​ឧបត្ថម្ភអំណោយ លំនៅឋាន​ដល់បណ្តាស្ថានភាពលំបាក។ល។ ទង្វើទាំងនោះកាន់តែបញ្ជាក់ស្មារតីសាមគ្គីរវាងបណ្តានិកាយសាសនាដើម្បីអនុវត្តគោលដៅពីព្រោះភាពជឿនលឿនរបស់សង្គមរបស់មនុស្សជាតិ។ បច្ចុប្បន្នអង្គ-លោកអ្នកមុខអ្នកការជាច្រើនរបស់បណ្តាសាសនាតែងបានមហាជនជ្រើសធ្វើជាអ្នកមានប្រជាប្រិយភាព។​ អាស្រ័យហេតុនោះ ពង្រីកតួនាទីរបស់អ្នកមានប្រជាប្រិយភាពរបស់ខ្លួនធ្វើជាគំរូឆ្នើមក្នុងជនរួមជាតិភាគតិច​ គឺជាការផ្សព្វផ្សាយជាក់ស្តែងគោលការប្រជាចលនា គោលនយោបាយជនជាតិ គោលនយោបាយសាសនារបស់បក្សរដ្ឋ ជាបង្អែករឹងមាំរបស់សមាគមបណ្តាសាសនា ជាស្ពានតភ្ជាប់រវាងសមាគមបណ្តាសាសនាជាមួយបរិស័ទ មានការជះឥទ្ធិពលយ៉ាងជ្រាលជ្រៅដល់មហាជនបរិស័ទ។ ឆ្លងតាមរយៈនោះ ការស្ងប់ចិត្តបួសរៀនតាមច្បាប់រដ្ឋ និងច្បាប់សាសនាបានល្អប្រសើរជាង៕

​​​​​​​​​​​​​​​​​​​​​​​​​​​​​​​​​​​​​​​            អត្ថបទ-រូបថត៖ ថាច់សម្បត្តិ