ស្ងើចសរសើរដល់សមូហភាព បុគ្គល ៥៤ កន្លែង និងរូបឆ្នើម ក្នុងការអនុវត្តន៍ សារាចរលេខ ០៥- CT/TW របស់ការិយាល័យនយោបាយ

*នាយករដ្ឋមន្រ្តីនៃរដ្ឋាភិបាលជូនបណ្ណសរសើរដល់សមូហភាព បុគ្គល ០៥ កន្លែង និងរូប
*ប្រធានគណៈកម្មាធិការប្រជាជនខេត្តជូនបណ្ណសរសើរដល់សមូហភាព បុគ្គល ៤៩ កន្លែង និងរូប

ជូនបណ្ណសរសើរដល់សមូហភាព បុគ្គលឆ្នើម ។ រូបថត៖ ស៊ើងតៀង​
     ឆ្លងអស់រយៈកាល ០៥ ឆ្នាំដែលបានផ្សព្វផ្សាយជ្រួតជ្រាប អនុវត្តសារាចរលេខ ០៥- CT/TW របស់ការិយាល័យនយោបាយ ក្រោមការដឹកនាំចង្អុលការរបស់គណៈអចិន្ត្រៃយ៍នៃគណៈកម្មាធិការបក្សខេត្ត បណ្តាឯកសារ ណែនាំចង្អុលការរបស់គណៈឃោសនាអប់រំបក្សខេត្ត ការរៀនសូត្រ និងធ្វើតាមអ៊ំនៅបណ្តា ផ្នែក អង្គការមហាជនខេត្ត មូលដ្ឋានពីមួយ ថ្ងៃទៅមួយថ្ងៃកាន់តែបានជាក់ស្តែង ស៊ីជម្រៅ ក្លាយជាចំណេះដឹងដោយខ្លួនឯង តួនាទី ស្មារតី របស់អ្នកជាប្រមុខស្ថាប័ន អង្គភាព បណ្តាគណៈកម្មាធិការបក្ស រដ្ឋអំណាចបានជ្រោងខ្ពស់ និងប្រមូលផ្តុំកម្លាំងអនុវត្ត និងដោះស្រាយ បណ្តាបញ្ហាមានភាពទម្លុះទម្លាយ លេចធ្លោ ការកង្វល់ភ្ជាប់ជាមួយនឹងការអនុវត្តន៍ភារកិច្ចនយោបាយ។
     ការអនុវត្តន៍សារាចរលេខ ០៥- CT/TW ដោយភ្ជាប់ជាមួយនឹងចលនាប្រឡងប្រណាំង បណ្តាចលនាកសាងជនបទថ្មី ។ល។ បានបង្កភាពសន្ទុះជំរុញផុលផុសទូលំទូលាយក្នុងខេត្ត សម្រេចបានសមិទ្ធិផល លទ្ធផលលើគ្រប់វិស័យ សេដ្ឋកិច្ចបង្កើនជាមធ្យមក្នុងមួយឆ្នាំ ១១,៩៥% តម្លៃ GRDP គិតជាមធ្យមក្នុងមនុស្សម្នាក់ ក្នុងមួយឆ្នាំសម្រេចបាន ៦៣,១៤  លានដុង អនុវត្តល្អការងារកាត់បន្ថយភាពក្រីក្រ អត្រាគ្រួសារក្រីក្រដល់ចុងឆ្នាំ ២០២០ បន្ថយចុះនៅក្រោម ១,៨%។ ក្នុងទូទាំងខេត្តមាន ៨១% ឃុំ ៩១,៨% គ្រួសារនិង ៨៨% ភូមិ សម្រេចលក្ខឋានជនបទថ្មី ក្នុងនោះ មាន ០៣ ស្រុកសម្រេចលក្ខឋានជនបទថ្មី (ទីវកឹង កូវកែ កាងឡុង) ទីក្រុងត្រាវិញ និងទីផ្សាររួមខេត្តយ្វៀងហាយសម្រេចភារកិច្ចជនបទថ្មី។
     មានយោដល់ចង្អុលការសន្និបាត សមមិត្ត ឡឹមមិញដាំង អនុលេខាបក្សខេត្តបានកត់ត្រា វាយតម្លៃខ្ពស់ចំពោះបណ្តាគណៈកម្មាធិការបក្ស រដ្ឋអំណាចមូលដ្ឋាន អង្គភាពបានផ្សព្វផ្សាយព្រមៗគ្នា និងអនុវត្តសារាចរលេខ ០៥- CT/TW ដោយភ្ជាប់ជាមួយនឹងសេចក្តីសម្រេចចិត្តមជ្ឈិមបក្សលើកទី ៤ (នីតិកាលទី ១២) ។ល។ សម្រេចបានលទ្ធផលលើគ្រប់វិស័យ។ នៅពេលខាងមុខនេះ សមមិត្តឡឹមមិញដាំង សំណូមពរ បណ្តាផ្នែក បណ្តាថ្នាក់ គប្បីបន្តអនុវត្តសារាចរលេខ ០៥- CT/TW ចាត់ទុកសារាចរលេខ ០៥- CT/TW គឺជាការសំខាន់ ដើម្បីបន្តកម្រើកគំនិតសម្រាប់មនុស្សគ្រប់រូប មានបំណង់ប្រាថ្នាឈានឡើង អនុវត្តល្អបណ្តា គោលដៅ ភាគកម្រិតភារកិច្ច វិធីសាស្ត្រដែល មហាសន្និបាតបក្ខភាគលើកទី ១១ បានដាក់ចេញ រួមចំណែកអនុវត្តសម្រេចជោគជ័យសេចក្តីសម្រេចចិត្តមហាសន្និបាតលើកទី ១៣ របស់បក្ស។ ប្រមូលផ្តុំកម្លាំងជ្រួតជ្រាប ផ្សព្វផ្សាយ និងផ្សព្វផ្សាយអនុវត្តបធានបទទូទាំងនីតិកាលដោយភ្ជាប់ជាមួយនឹងអនុវត្តសេចក្តីសម្រេចចិត្តមហាសន្និបាតលើកទី ១៣ របស់បក្ស ពិសេសគឺចំពោះភារកិច្ចសំខាន់ៗ ០៦ យ៉ាង ភាពទម្លុះទម្លាយ ០៣ យ៉ាងរបស់ខេត្ត ។ល។ រួមចំណែកអនុវត្តសម្រេចជោគជ័យភារកិច្ចពង្រីកសេដ្ឋកិច្ច-សង្គម ធានាការ ពារជាតិ សន្តិសុខ កសាងបក្ស និងប្រព័ន្ធនយោបាយពីមួយថ្ងៃទៅមួយថ្ងៃកាន់តែរឹងមាំ។
     នាឱកាសនេះ នាយករដ្ឋមន្រ្តីនៃរដ្ឋាភិបាល ជូនបណ្ណសរសើរដល់សមូហភាព ០៣ កន្លែង និងបុគ្គល ០២ រូប ប្រធានគណៈកម្មាធិការប្រ ជាជនខេត្ត ជូនបណ្ណសរសើរដល់សមូហភាព ១៩ កន្លែង និងបុគ្គល ៣០  រូបដែលមានស្នាដៃ ឆ្នើមក្នុងការរៀនសូត្រ នឹងធ្វើតាមសតិអារម្មណ៍ សីលធម៌ ឥរិយាបថហូជីមិញ ដំណាក់កាល ២០១៦-២០២១៕  ប្រែសម្រួល៖  រតនា