អ្នកចម្ការត្រាវិញដាំមង្ឃុតត្រូវបាត់បង់ចំណូល

អ្នកចម្ការង្វៀងធីអាយជុង នៅឃុំអាងភូតឹង ស្រុកកូវកែដាំបាន ០,៧ ហិកតា ជាមួយនឹងដើមមង្ឃុត ១២០ ដើមដែលមានអាយុកាលជាង ១០ ឆ្នាំមកហើយ។ បងស្រីជុងបានឱ្យដឹងថា៖ ពិតជាដើមមង្ឃុតឆ្នាំនេះលក់បានតម្លៃ ប៉ុន្តែបរិមាណផ្លែឈើប្រមូលផលប្រចាំថ្ងៃបានប្រមាណ ១២០ គីឡូក្រាម បើប្រៀបធៀបជាមួយនឹងឆ្នាំមុនបន្ថយដល់ ៦០%។ តាមប្រសាសន៍បងស្រីជុង មិនត្រឹមតែគ្រួសារខ្ញុំឡើយ ហាក់ដូចជាអ្នកចម្ការដែលដាំមង្ឃុតក្នុងស្រុកកូវកែក៏ត្រូវបាត់រដូវបាត់បង់ចំណូល។ មូលហេតុអាស្រ័យតាំងពីខែវិច្ឆិកាឆ្នាំ ២០២០ កម្រិតទឹកប្រៃជ្រាបចូលជ្រៅក្នុងបណ្តាព្រែកទន្លេ និងប្រឡាយធារាសាស្ត្រដើមទង បន្ថែមនោះទៀតគឺក្តៅគោករាំងស្ងួតអូសអន្លាយបណ្តាលឱ្យផលមង្ឃុតក្នុងដំណាក់កាលចេញផ្កា ចេញផ្លែខ្ចីត្រូវខ្វះទឹកស្រោចស្រពបានត្រូវអន្តរាយអំពីទិន្នផល និងគុណភាពផ្លែ។ យោងតាមការត្រួតពិនិត្យសង្កេតរបស់ការិយាល័យកសិកម្ម និងអភិវឌ្ឍន៍ជនបទស្រុកកូវកែ គឺក្នុងទូទាំងស្រុកមានផ្ទៃដីដាំដើមមង្ឃុតដែលមានអាយុកាលពី ០៨-១៥ ឆ្នាំ​ ចំនួន ៥០០ ហិកតាកំពុផ្តល់ផ្លែ។ ទិន្នផលគិតជាមធ្យមក្នុង មួយហិកតាមង្ឃុតផ្តល់ផ្លែពី ១០-១១ តោន។ ឆ្នាំនេះ ទិន្នផលមង្ឃុតបន្ថយជាង ៥០% គុណភាពផ្លែអន់ខ្សោយជាង ផ្លែមិនបានធំ ខ្វះកម្រោងរលីងបានលក់ជាមួយនឹងតម្លៃក្នុងមួយគីឡូក្រាមដល់ ៤០.០០០ ដុង ប៉ុន្តែតាមការប៉ាន់ស្មានបណ្តាអ្នកចម្ការដាំមង្ឃុតក្នុងស្រុកប្រមូលផលបានជាង ៤០ ពាន់លានដុង។

តាមប្រសាសន៍នាយកមន្ទីរកសិកម្ម និងអភិវឌ្ឍន៍ជនបទខេត្តត្រាវិញផាមមិញត្រៀង ស្រុកកូវកែមានព្រៀបអំពីចម្ការហូបផ្លែឈរលេខមួយរបស់ខេត្ត ជាមួយនឹងចំនួនផ្ទៃដីដាំដើមឈើហូបផ្លែពិសេសជាង ៩.១០០ ហិកតាដូចជា៖ ដូងខ្ទិះ មង្ឃុត ក្រូចថ្លុងសំបកខៀវ ក្រូចពោធិ៍សាត់សំបកក្រាស ផ្លែសាវម៉ាវ Java។ល។ ផ្តល់បរិមាណផលផ្លែក្នុងមួយឆ្នាំប្រមាណ ១៥០.០០០ តោន។ ថីត្បិត បណ្តាឆ្នាំកន្លងហើយ តម្លៃចម្ការឈើហូបផ្លែបាននាំមកជូនប្រជាកសិករមិនទាន់បានខ្ពស់ អាស្រ័យដោយមិនទាន់មានការអនុវត្តល្អវិទ្យាសាស្ត្រ-បច្ចេកទេស និងកសាងកន្សោមចងសម្ព័ន្ធច្រកចេញឱ្យផលិតផលបានចីរភាព។ ហេតុដូច្នោះបានជាតម្លៃបរិមាណផលផ្លែឈើពិសេសរបស់ស្រុកកូវកែត្រឹមតែក្នុងមួយឆ្នាំសម្រេចបានតែប្រមាណ ១២០ លានដុងក្នុងមួយហិកតា។ ក្នុងផែនការពង្រីកផ្ទៃដីចម្ការឈើហូបផ្លែ ២០.០០០ ហិកតា ដំណាក់កាល ២០២០-២០២៥។ ខេត្តឡើងគ្រោងផែនការតំបន់ដាំដើមឈើហូបផ្លែពិសេសនៅស្រុកកូវកែប្រមាណ ៤.០០០ ហិកតា និងគួបផ្សំជាមួយនឹងទេសចរណ៍។ ដើម្បីអនុវត្តមានប្រសិទ្ធភាពកម្មវិធីពង្រីកចម្ការឈើហូបផ្លែពិសេស ខេត្តកេណ្ឌប្រមូលប្រភពទុនវិនិយោគប្រមាណ ៦២០ ពាន់លានដុងសម្រាប់ប្រមូលផ្តុំកសាងហេដ្ឋារចនាសម្ព័ន្ធអំពីភ្លឺទំនប់ព័ទ្ធប្រព័ន្ធធារាសាស្ត្រផ្ចិត អគ្គិសនីផលិត។

ក្រៅពីនោះ ខេត្តនៅទាំងបានអនុវត្តគោលនយោបាយដើម្បីជំរុញទឹកចិត្តបណ្តាអាជីវកម្មវិនិយោគផលិតអំពីពូជដើមឈើហូបផ្លែគុណភាពខ្ពស់ កសាងមូលដ្ឋានម៉ៅទិញ ច្នៃ និង នីហរណ។ល។ ដើម្បីលើកកម្ពស់តម្លៃបរិមាណផលឈើហូបផ្លែពិសេសរបស់ស្រុកកូវកែ និងរបស់ខេត្តសម្រេចប្រភពចំណូលជាមធ្យមក្នុងមួយឆ្នាំ ១៧០ លានដុងក្នុងមួយហិកតា៕

                          ភុកស៊ើង-រតនា