អំណរបុណ្យសែនដូនតា ក្នុងភាពកក់ក្តៅ ប្រិតសំចៃភ្ជាប់ជាមួយនឹងពង្រីកសេដ្ឋកិច្ចគ្រួសារ

ឃុំហ្វាឡើយ ស្រុកចូវថាញ់ មានប្រជាជន ៣.៤៨៦ គ្រួសារ ក្នុងនោះជនជាតិខ្មែរស្រូបយកអត្រា ៧០%។ រដូវបុណ្យសែនដូនតា គឺជារដូវដែលកូនចៅជួបជុំរំលឹកនឹកគុណបុព្វការីជន ។ ទន្ទឹមនឹងការជូនទេយ្យវត្ថុដល់យាយតា ឪពុកម្តាយកំពុងធរមាននៅ និងចាត់តាំងពិធីរាប់បាតប្រគេនព្រះសង្ឃដើម្បីឧទ្ទិសភាគផលដល់ញាតិកានៅបរលោក កូនចៅជិតឆ្ងាយនៅទាំងមកជួបជុំញាតិមិត្តយ៉ាងសប្បាយរីករាយ។ ប៉ុន្តែរដូវដូនតាឆ្នាំនេះ គាប់ជួននិងដំណាក់កាលអាសន្នរោគកូវីដ-១៩ កើតមានយ៉ាងស្មុគស្មាញ ទើបប្រជាជនមួយចំនួននៅឃុំហ្វាឡើយ ដែលទៅធ្វើការស៊ីឈ្នួលឆ្ងាយមិនបានមកជួបជុំគ្រួសារឡើយ។ បុណ្យសែនដូនតា បានចាត់តាំងយ៉ាងសាមញ្ញ ភ្ជាប់ជាមួយនិងការពលកម្មផលិត ពង្រីកសេដ្ឋកិច្ចគ្រួសារ។

            គ្រួសារគឹម ហ្វី ជាគ្រួសារជិតក្រមួយ ក្នុងចំណោមគ្រួសារជិតក្រ គ្មានការងារធ្វើលំនឹង ប្រពន្ធគាត់ក៏ទៅធ្វើការស៊ីឈ្នួលនៅទីក្រុងហូជីមិញ ដោយមានប្រភពចំណូលក្នុងមួយខែប្រមាណ ០៨ លានដុង។ ចំណែកបងហ្វីនៅផ្ទះ ឆ្លៀតពេលទៅស៊ីឈ្នួលធ្វើជាងកំបោរ ដាំដំណាំនិងថែទាំកូន ០២ នាក់ រៀនបឋមសិក្សា។ បុណ្យសែនដូនតាឆ្នាំនេះ ដោយសារអាសន្នរោគកូវីដ-១៩ ប្រពន្ធគាត់គិតថាមិនមកជួបជុំគ្រួសារទេ ខំខិតធ្វើការដើម្បីសន្សំប្រាក់ធ្វើដើមទុន។ ដើម្បីឧបត្ថម្ភគ្រួសារ បងគីមហ្វី ពង្រីកសេដ្ឋកិច្ចគ្រួសារ ថ្មីៗនេះ មន្ទីរពលកម្មយុទ្ធជនពិការ និងសង្គមកិច្ចខេត្តបានឧបត្ថម្ភប្រាក់គ្រួសារបងគីមហ្វី ១២ លានដុង សម្រាប់ទិញគោមួយក្បាលចិញ្ចឹម (ក្នុងនោះគ្រួសារគាត់បំពេញបន្ថែម ០៤ លានដុង)។

            បងគីមហ្វី សំណេះសំណាលដោយរីករាយថា៖ បុណ្យសែនដូនតាឆ្នាំនេះ ថ្វីត្បិតតែមិនអធិកអធ័មដូចឆ្នាំមុន ប៉ុន្តែខ្ញុំសប្បាយចិត្តណាស់ព្រោះបានឧបត្ថម្ភប្រាក់ទិញគោញីមួយក្បាល។ ប្តីប្រពន្ធខ្ញុំនឹងខិតខំសន្សំសំចៃ ដើម្បីទិញគោញីថែមមួយក្បាលទៀត។ ក្រៅពីជូនកូនទៅរៀន ខ្ញុំឆ្លៀតទៅស៊ីឈ្នួលធ្វើជាងកំបោរ មានប្រភពចំណូលក្នុងមួយថ្ងៃ ២៣០ ពាន់ដុង។ ទន្ទឹមនឹងនោះខ្ញុំនៅទាំងជួលដីមួយកុង សម្រាប់ដាំសណ្តែកកួរ និងសណ្តែកដី។ ឆ្នាំ ២០១៩ ខ្ញុំបានសម្ព័ន្ធយុវជនឃុំ ឧបត្ថម្ភប្រាក់ជាង ១០ លានដុង សម្រាប់សង់ផ្ទះ។ មកទល់ពេលនេះ ប្តីប្រពន្ធខ្ញុំក៏សន្សំបានប្រាក់ទិញបានសម្ភារសាងសង់សន្សឹមៗ បានផ្ទះមួយខ្នងតម្លៃជិត ១០០ លានដុង។ ខ្ញុំខំថែទាំគោឲ្យបានល្អ សង្ឃឹមថាគ្រួសារខ្ញុំ ឆ្លងផុតពីភាពជិតក្រ ហើយសេដ្ឋកិច្ចគ្រួសារបន្តរីកចម្រើនស្ថិរភាពដើម្បីគិតគូឲ្យកូន ០២ នាក់រៀនសូត្របានល្អ។

            ទម្រង់ចិញ្ចឹមគោញី គឺជាទម្រង់ដែលឃុំហ្វាឡើយ បានជ្រើសជាទម្រង់ពង្រីកសេដ្ឋកិច្ចស្ថិរភាព ហើយកំពុងបានពង្រីកទូលំទូលាយ។ មកទល់ពេលនេះ ឃុំមានគ្រួសារប្រជាជនជាង ៦០% ​ ចិញ្ចឹមគោ ដោយមានហ្វូងគោ ២.៧៤៦ ក្បាល កើន ១៦០ ក្បាល បើប្រៀបនឹងដំណាក់កាលជាមួយគ្នានៃឆ្នាំកន្លង។ ទន្ទឹមនឹងបណ្តាគ្រួសារវិនិយោគទុន ចិញ្ចឹមគោ ក្នុងខែសីហាឆ្នាំ ២០២០ នៅលើភូមិសាស្ត្រឃុំ មានគ្រួសារជនជាតិខ្មែរក្រីក្រ ជិតក្រ ៣៦ គ្រួ បានឧបត្ថម្ភទុនទិញគោចិញ្ចឹម (រយៈកាល ០៣ ឆ្នាំសងទុន ៥០% ក្រៅពីនោះឧបត្ថម្ភរហូត)។ ក្នុងនោះមាន ១១ គ្រួ ទទួលបានប្រាក់ ១៥០ លានដុង ពីប្រភពថវិកាមជ្ឈិម ស្ថិតក្នុងកម្មវិធីគោលដៅជាតិ កាត់បន្ថយភាពក្រីក្រស្ថិរភាព។ ២៥ គ្រួទទួលបានទឹកប្រាក់ ៣៣៤ លានដុង ពីមន្ទីរពលកម្ម យុទ្ធជនពិការ និងសង្គមកិច្ចខេត្ត ឧបត្ថម្ភពីប្រភពថវិកាមូលដ្ឋាន អនុវត្តទម្រង់កាត់បន្ថយភាពក្រីក្រស្ថិរភាព។

            លោកថាយ ថាញ់ប៊ិញ អនុប្រធានគណៈកម្មាធិការប្រជាជនឃុំហ្វាឡើយបានឲ្យដឹ៖ មហន្តរាយដោយសារជ្រូកកើតជំងឺអាសន្នរោគអាហ្វ្រិក គ្រោះជ្រាបទឹកប្រៃឆ្នាំ ២០១៩ និងស្ថានភាពអាសន្នរោគកូវីដ-១៩ តាំងពីដើមឆ្នាំ ២០២០ មកទល់ពេលនេះ បណ្តាលឲ្យជះឥទ្ធិពលយ៉ាងធ្ងន់ធ្ងរដល់ការពង្រីកសេដ្ឋកិច្ចសង្គមនៅឃុំហ្វាឡើយ។ ដោយបានការយកចិត្តទុកដាក់ ឧបត្ថម្ភរបស់គណៈកម្មាធិការបក្ស រដ្ឋអំណាចគ្រប់លំដាប់ថ្នាក់ និងការខិតខំពលកម្មផលិតរបស់ប្រជាជននៅលើភូមិសាស្ត្រឃុំនិយាយរួម ជនជាតិខ្មែរ ៧០% និយាយដោយឡែក វិស័យសេដ្ឋកិច្របស់ឃុំហ្វាឡើយមានការរីកចម្រើនជាបន្ត តម្លៃនៃការផលិតក្នុង ០៨ ខែដើមឆ្នាំ ២០២០ សម្រេចជាង ៣៧៦ ពាន់លានដុង សម្រេច ៧៥,៦៣% នៃផែនការ (កើន ២៥,៣៧% បើប្រៀបនឹងដំណាក់កាលជាមួយគ្នានៃឆ្នាំកន្លង)។ឆ្នាំនេះ ជនជាតិខ្មែរនៅឃុំហ្វាឡើយ អំណរបុណ្យសែនដូនតា ដោយរីករាយ ប្រិតសំចៃ ភ្ជាប់ជាមួយនឹងខិតខំពលកម្មផលិត ពង្រីកសេដ្ឋកិច្ចគ្រួសារ។ជាពិសេស បុណ្យសែនដូនតាឆ្នាំនេះ គ្រួសារជនជាតិខ្មែរក្រីក្រ ជិតក្រ ៣៦ គ្រួ​នៅលើភូមិសាស្រ្តឃុំសប្បាយជាងទៀត ដោយសារពួកគាត់ទទួលបានប្រាក់ឧបត្ថម្ភសម្រាប់ទិញគោចិញ្ចឹម ជំរុញស្មាតីឲ្យពួកគាត់បន្តការខិតខំក្នុងការពង្រីកសេដ្ឋកិច្ចគ្រួសារ ឲ្យរួចផុតផុតពីភាពក្រីក្រ ជិតក្រ ស្ថិរភាព។ ក្រៅពីនោះ បច្ចុប្បន្ននេះ ឃុំបានឡើងបញ្ជីរាយនាម គ្រួសារជនជាតិខ្មែរ ៦៤ គ្រួ ដែលត្រូវការបុលទុន ឥណទានអាទិភាព សរុបប្រាក់ទុនជាង ១,៥ ពាន់លានដុង ដើម្បីពង្រីកសេដ្ឋកិច្ចគ្រួសារ។ សង្ឃឹមថា សេដ្ឋកិច្ចគ្រួសារជនជាតិខ្មែរនៅឃុំហ្វាឡើយ បន្តរីកចម្រើនស្ថិរភាព រួមចំណែកជាមួយគណៈកម្មាធិការបក្ស រដ្ឋអំណាច ឃុំអនុវត្តល្អ ការងារពង្រីកសេដ្ឋកិច្ចសង្គមនៅមូលដ្ឋាន៕អត្ថបទ‑រូបថត៖សុជា