អង្ករត្បូងនាគជាក្ដីអំនួតរបស់បណ្ដាមហាបរិញ្ញាវ័យក្មេង

          នេះជាផលិតផលមួយក្នុងចំណោមផលិតផល ០៣ មុខទើបបានគណៈកម្មាធិការប្រជាជនខេត្តទទួលស្គាល់ជាផលិតផល OCOP ផ្កាយ ៤ (គ្មានផលិតផលផ្កាយ ៥) និងរង្វាន់លើកទឹកចិត្តពិធីប្រឡង “អង្ករឆ្ងាញ់ពាណិជ្ជសញ្ញាវៀត”។

តំបន់វត្ថុធាតុដើមអង្ករត្បូងនាគនៅឃុំដូងស្វឹង។ រូបថត៖ ហ៊ឺវហ្វេ

           ជាមួយការអស់ពីចិត្តរបស់កងជួរយុវ័នទើបមានកម្រិតវិជ្ជាលើមហាវិទ្យាល័យបានចូលរួមក្រុមប្រឹក្សាភិបាល គណៈនាយក ដូចជាមហាបរិញ្ញា យឺភុកទិន ជំនាញផ្នែកខាងបច្ចេកវិទ្យាជីវសាស្រ្ដសាលាមហាវិទ្យាល័យកសិ-រុក្ខកម្មទីក្រុងហូជីមិញ ទទួលបន្ទុកខាងបច្ចេកទេស មហាបរិញ្ញា ត្រឹងធីអៀងញី ជំនាញផ្នែកខាងគ្រប់គ្រងសេដ្ឋកិច្ច សាលាមហាវិទ្យាល័យត្រាវិញ ទទួលបន្ទុកការងារគ្រប់គ្រង ត្រឹមមិញធ្វឹង នាយកសហករណ៍ មហាបរិញ្ញាច្បាប់សេដ្ឋកិច្ច សាលាមហាវិទ្យាល័យត្រាវិញ ក្រោយពេលធ្វើដំណើរការសកម្មភាពជាង ០៤ ខែ សមាជិកក្នុងសហករណ៍បានខិតខំអនុវត្តកសាងសង្វាក់ចងសម្ព័ន្ធស្រូវអង្ករជូនកសិកររួមចំណែកបង្កើនតម្លៃរបស់ផលិតផល បង្កើនប្រភពចំណូលជូនប្រជាជន។

              ចែករំលែកជាមួយយើងខ្ញុំ បងត្រឹមមិញធ្វឹងបានឲ្យដឹង៖ ដើម្បីអនុវត្តមានប្រសិទ្ធភាពការរចនាសម្ព័ន្ធផ្នែកកសិកម្មឡើងវិញ សហករណ៍មានបណ្ដាយុទ្ធសាស្រ្ដដើម្បីផ្លាស់ទម្លាប់ផលិតស្រូវក្នុងកសិករ ឈានដល់ការកសាងទម្រង់ផលិតស្រូវគុណភាពខ្ពស់តាមទិសដៅចងសម្ព័ន្ធប្រមូលទិញផលិតផលនិងកសាងកន្សោមផលិតផលឆ្លើយតបតម្រូវការបណ្ដាសម្បទាក្នុងនីហរ័ណទៅទីផ្សារបណ្ដាប្រទេសទ្វីបអឺរុប ទ្វីបអាមេរិក។ល។ ផលិតផលរបស់សហករណ៍សំខាន់បញ្ចូលការុងទម្ងន់ ០៥ គីឡូក្រាមក្នុងមួយការុង។

              ដើម្បីសម្រេចជាផលិតផល OCOP ផ្កាយ ៤ ទាមទារកត្តាជាច្រើន តំបន់វត្ថុធាតុដើមបច្ចុប្បន្នរបស់សហករណ៍បានផលិតតាមទិសដៅសរីរាង្គ (មានលិខិតទទួលស្គាល់សរីរាង្គ) សម្រាប់តំបន់វប្បកម្មស្រូវ-បង្កងចម្រុះ និងប្រព័ន្ធគ្រប់គ្រងផលិតលើផ្ទៃដីប្រមាណ ២០០ ហិកតា (ក្នុងនោះមាន ៧០ ហិកតាបានចុះកិច្ចសន្យាទទួលទិញផលិតផល) ផ្គត់ផ្គង់បរិមាណផល ១៥០ តោនក្នុងមួយឆ្នាំ (ក្នុងនោះអង្ករសរីរាង្គសម្រេចប្រមាណ ១០០ តោនក្នុងមួយឆ្នាំ) និងបច្ចេកវិទ្យាច្នៃក្រោយពេលប្រមូលផលអនុវត្តបច្ចេកវិទ្យាទំនើបដូចជាធ្វើឲ្យគ្រាប់អង្ករភ្លឺរលោងបានអនុវត្តតាមសម្បទា ISO ២២០០ និងវិធីសាស្រ្ដគ្រប់ គ្រង HACCP។ តម្លៃវិនិយោគរបស់សហករណ៍បច្ចុប្បន្នជាង ២,៥ ពាន់លានដុងតាំងពីឧបករណ៍ផលិត បញ្ចូលការុង រោងផ្ទុកផលិតផល កសាងពាណិជ្ជសញ្ញា។ល។ផលិតផលអង្ករ “ត្បូងនាគ” បានផលិតចាប់ពីដំណាក់កាល៖ ផលិត-ប្រមូលផល-ប្រមូលទិញ-បញ្ចូលការុងដោយស្វ័យប្រវត្តិហើយលក់។ បច្ចុប្បន្ន ផលិតផលអង្ករ “ត្បូងនាគ” មានមុខនៅតាមបណ្ដាមជ្ឈមណ្ឌលពាណិជ្ជកម្ម ផ្សារទំនើបនិងទីផ្សារនីហរ័ណ៕    

                         ប្រែសម្រួល៖ ថាច់ហ្វាង