សាខាបក្សភូមិបាត្រាច(អា)៖ រៀនតាមអ៊ំហូអំពីចរិតធ្វើជាគំរូ

បក្ខជនភូមិបាត្រាច(អា)ចូលរួមអនាម័យបរិស្ថាន។

           លោកឡេវ៉ាំងថាំង លេខាសាខាបក្សភូមិបាត្រាច(អា) បានឲ្យដឹង៖ ដើម្បីញ៉ាំងឲ្យបណ្ដាភារកិច្ចចលនាដូចជា៖ កសាងផ្លូវដើរ ពង្រីក សេដ្ឋកិច្ច កសាងជីវភាពវប្បធម៌។ល។​ បានអនុវត្តមានប្រសិទ្ធភាព សាខាបក្សបានជ្រួតជ្រាបដល់កម្មាភិបាលបក្ខជនម្នាក់ៗ ត្រូវជ្រោងខ្ពស់ស្មារតីធ្វើជាគំរូឆ្នើម ដើម្បីមហាជនប្រជាជនយកតម្រាប់តាម។ ការអនុវត្តន៍ម៉ឹងម៉ាត់សារាចរលេខ ០៥ ជាជំហានជំនួយឲ្យបក្ខជន ប្រជាជនក្នុងភូមិលើកកម្ពស់ស្មារតី បង្កការរាលដាល។ តួយ៉ាងដូចជាការបំផុសចលនាប្រជាជនកសាងដងផ្លូវជនបទ និងបង្គោលភ្លើង។

         បក្ខជនថាច់ង៉ុកសាងចែករំលែកថា៖ ផ្តើមពីគោលការណ៍អនុវត្តកសាងបង្គោលភ្លើង បង្គោលទង់ខ្ញុំឯកភាពខ្ពស់។ ទោះបីចំនួនប្រាក់របស់គ្រួសារនីមួយៗគបវាល់ពី ១០០.០០០-៣៥០.០០០ ដុង ប៉ុន្តែក៏មានបំណងចង់ឲ្យខ្សែភ្លើងតាមដងផ្លូវឆាប់បានអនុវត្តសម្រេចទើបនរណាក៏ស្ម័គ្រចិត្តចូលរួមវិភាគទាន។ បច្ចុប្បន្នខ្សែភ្លើងបានអុជបំភ្លឺតាមដងផ្លូវនៅពេលរាត្រី។

         មុននោះដងផ្លូវដែលធ្វើដំណើរទៅកាន់តំបន់ផលិត និងដឹកជញ្ជូននៅតូច។ យល់ឃើញតម្រូវការត្រូវបើកទូលាយដងផ្លូវនេះ ដើម្បីងាយស្រួលក្នុងការធ្វើដំណើរ ដឹកជញ្ជូនផលិតផលកសិកម្ម សាខាបក្សភូមិបានបំផុសចលនាប្រជាជនបរិច្ឆាគដីបើកទូលាយផ្លូវ។ ដំបូង សាខាបក្សបំផុសចលនាកម្មាភិបាល បក្ខជនគបវាល់ប្រាក់ និងថ្ងៃពលកម្មដើម្បីធ្វើជាគំរូឲ្យប្រជាជនធ្វើតម្រាបតាម។ បក្ខជន ថាច់ជូ ជាគំរូឆ្នើមមួយ លោកមាបានបរិច្ឆាគដីស្រែប្រមាណ ២០០ ម៉ែត្រក្រឡា​មានតម្លៃជាង ១០ លានដុងនៅជិតដងប្រឡាយដើម្បីបើកទូលាយដងផ្លូវ។

      ភូមិបាត្រាច(អា) មានគ្រួសារប្រជាជនចំនួន ៤៣៨ គ្រួ មានគ្រួសារ ៨៥% ជាជនរួមជាតិខ្មែរ។ បច្ចុប្បន្នសាខាបក្សមានបក្ខជន ៣២ នាក់ (បក្ខជនជាជនរួមជាតិខ្មែរ ២៦ នាក់)។ អនុវត្តការ​រៀនសូត្រនិងធ្វើតាមសតិអារម្មណ៍ សីលធម៌ ឥរិយាបថហូជីមិញភ្ជាប់ជាមួយការកសាងភូមិវប្បធម៌ជនបទថ្មី ចលនាទូទាំងប្រជាជនសាមគ្គីកសាងជនបទថ្មី ទីផ្សារអារ្យធម៌ សាខាបក្សភូមិបានបំផុសចលនាប្រជាជន អាជីវករចូលរួមវិភាគទានកសាងបង្គោលភ្លើងភ្ជាប់ជាមួយបង្គោលទង់តាមបណ្ដោយផ្លូវស្រុកលេខ ១៨ មានប្រវែង ១,៧ គីឡូម៉ែត្រ រួមមាន ៦៥ បង្គោលភ្លើង អស់ទឹកប្រាក់ជាង ៦២ លានដុង។ បច្ចុប្បន្នភូមិអនុវត្តសម្រេចលក្ខឋានភូមិវប្បធម៌ជនបទថ្មី ដោយមានគ្រួសារប្រជាជន ១០០%​ ប្រើប្រាស់អគ្គិសនី និងទឹកស្របអនាម័យ មាន ៣៨២/៤៣៨ គ្រួសារសម្រេចលក្ខឋានគ្រួសារវប្បធម៌ ជនបទថ្មី។

       បងថាច់អ៊ុក នៅភូមិបាត្រាច(អា)បានចែករំលែកថា៖ ទោះបីស្ថានភាពគ្រួសារនៅជួបការលំបាក ប៉ុន្តែជារៀងរាល់ខែឃើញភូមិចេញទ័ពបោសសម្អាតតាមដងផ្លូវ អនាម័យបរិស្ថាន និងថែទាំផ្កាតាមសងខាងដងផ្លូវ ម៉្លោះហើយខ្ញុំក៏ឆ្លៀតពេលចូលរួម។ យើងគ្មានប្រាក់គបវាល់ ហេតុនោះយើងចូលរួមពលកម្ម ដើម្បីរួមកម្លាំងកសាងជនបទជ្រះស្អាត។

       ទន្ទឹមនឹងការកសាងជនបទថ្មី ពង្រីកសេដ្ឋកិច្ចពីមួយថ្ងៃទៅមួយថ្ងៃឲ្យកាន់តែលំនឹង ជាភារកិច្ចមួយបានសាខាបក្សភូមិបាត្រាច(អា)យកចិត្តទុកដាក់។ ឆ្លងតាមនោះសាខាបក្សបានបំផុសចលនាប្រជាជនក្នុងភូមិឲ្យផ្លាស់ប្តូរពូជដំណាំសត្វចិញ្ចឹម​ កសាងបណ្តាទម្រង់សេដ្ឋកិច្ចនាំមកលទ្ធផលខ្ពស់ ដូចជាទម្រង់ដាំម្ទេសដៃនាង ប៉េងបោះ ជី សាឡាច់។ល។ បច្ចុប្បន្នទូទាំងភូមិមានផ្ទៃដីដាំដំណាំជាង ៤០ ហិកតា ក្នុងមួយឆ្នាំទទួលបានប្រាក់ចំណេញបានពី ៥០-១០០ លានដុងក្នុងមួយហិកតា។ ចំពោះបណ្តាគ្រួសារដែលមានផ្ទៃដីផលិតតិចឬគ្មានដីផលិត សាខាបក្សបង្កលក្ខណៈឲ្យបណ្តា គ្រួសារបានបុលទុនចិញ្ចឹមគោ។ ទូទាំងភូមិមានគ្រួសារជាង ១០០ គ្រួចិញ្ចឹមគោ ដោយមានហ្វូងគោជាង ៦០០ ក្បាល។

        ជាមួយការខិតខំលើកស្ទួយជីវភាពជូនប្រជាជនភ្ជាប់ជាមួយចលនាកសាងភូមិវប្បធម៌ជន បទថ្មីនៅមូលដ្ឋាន ចុងឆ្នាំ ២០២០ សាខាបក្សភូមិបាត្រាច(អា) លុបបំបាត់គ្រួសារក្រីក្របាន ១០ គ្រួ និងគ្រួសារជិតក្រ ២១ គ្រួ (សម្រេច ១០០% កម្រិតផែនការនៃសេចក្តីសម្រេច ចិត្ត)៕

អត្ថបទ-រូបថត៖ សុខា