ស្រូវរដូវវស្សា៖ កសិករស្រុកកាងឡុង ”មិនសូវបានផលតែលក់បានតម្លៃខ្ពស់”

កសិករប្រមូលផលស្រូវ។

   ស្រូវរដូវវស្សាឆ្នាំ ២០២០ ទូទាំងស្រុកចុះពូជបាន ១១.៣០៤ ហិកតា ជាមួយបណ្ដាពូជស្រូវ៖ OM១៨ 0M៥៤៥១ ដាយធើម ៨ និង OM៩០០។ល។ ដល់ពេលបម្រុងប្រមូលផលស្រូវ មាមីងកសិករស្រុកកាងឡុងរីករាយពេលតម្លៃស្រូវកើនឡើងជាបន្ដបន្ទាប់។ កាលស្រូវទើបឈានដល់ដំណាក់កាលល្បាច ជិតទុំបានឈ្មួញកក់ទិញនៅនឹងវាលស្រែជាមួយតម្លៃពី ៦.៣០០-៦.៦០០ ដុងក្នុងមួយគីឡូក្រាមដោយយោងតាមប្រភេទពូជស្រូវ។ ជាពិសេសនៅពេលជិតដល់ថ្ងៃប្រមូលផលតម្លៃស្រូវនៅតែកើនឡើងជានិច្ចមានកន្លែងខ្លះឡើងជិត ៧.០០០ ដុងក្នុងមួយគីឡូក្រាម មកទល់ពេលនេះមាមីងបានប្រមូលផលជាង ១៥% ផ្ទៃដី ហើយបានឈ្មួញប្រមូលទិញនៅនឹងវាលស្រែជាមួយតម្លៃក្នុងមួយគីឡូក្រាមពី ៦.៣០០-៦.៨០០ដុង ។

   កសិករង្វៀងទៀងបុង នៅភូមិង្វៀកទ្រឿង ឃុំភឿងថាញ់ផលិតពូជ OM១៨ ចំនួន ១,៨ ហិកតា  ពេលស្រូវជិតទុំបានឈ្មួញកក់ទិញជាមួយតម្លៃពី ៦.៦០០ ដុងក្នុងមួយគីឡូក្រាម។ បងឲ្យដឹងដោយរីករាយថា៖ រដូវនេះ ស្រូវបានថ្លៃ តាំងពីកាលណាមកមិនទាន់មានរដូវណាលក់បានតម្លៃខ្ពស់ដូច្នោះឡើយ ។ ចំណែកកសិករគឹមផាត់ នៅភូមិទៀងចាញ់ ឃុំភឿងថាញ់ផលិតបានជាង ០២ ហិកតា កំពុងឈានដល់ដំណាក់កាលប្រមូលផល បងរីករាយព្រោះ បានឈ្មួញដាក់កក់ទិញជាមួយតម្លៃជិត ៧.០០០ ដុងក្នុងមួយគីឡូក្រាម កសិករគឹមផាត់ចែករំលែកថា៖ រដូវនេះតម្លៃស្រូវកើនខ្ពស់បង្គួរ មាមីងកសិករនៅទីនេះនរណាក៏រីករាយផលិតស្រូវច្រើនឆ្នាំហើយ ខ្ញុំទើបឃើញឆ្នាំនេះស្រូវមានតម្លៃខ្ពស់ដូច្នោះ ។

   លោកឡឹមថាញ់ទុង ជាឈ្មួញម្នាក់ធ្លាប់ទិញស្រូវរបស់មាមីងកសិករស្រុកកាងឡុងច្រើនឆ្នាំកន្លងបានឲ្យដឹង៖ តម្លៃស្រូវកើនខ្ពស់ដូចបច្ចុប្បន្ននេះ អាស្រ័យដោយប្រភពផ្គត់ផ្គង់ស្រូវត្រូវថយចុះពីព្រោះស្រូវរដូវដើមឆ្នាំត្រូវខូចខាតច្រើនអាស្រ័យដោយជះឥទ្ធិពលស្ថានភាពរាំងស្ងួត ជ្រាបជាតិជូរប្រៃ ស្រូវរដូវវស្សាឆ្នាំនេះ ថ្វីត្បិតទិន្នផលទាបប៉ុន្តែតម្លៃកើនឡើងជាងរដូវមុនៗពី ០១ លានដល់ ១,១ លាន ដុងក្នុងមួយតោន។

កសិករប្រមូលផលស្រូវ។ រូបថត​៖ រតនា

   ថ្វីត្បិតដូច្នោះក៏ដោយក្ដីរីករាយពេលស្រូវមានតម្លៃរបស់មាមីងកសិករស្រុកកាងឡុងមិនបានពេញលេញ ខណៈដែលស្រូវមានតម្លៃខ្ពស់ប៉ុន្ដែមិនសូវមានផល។ ស្រូវរដូវវស្សាទិន្នផលផ្ដល់មិនខ្ពស់ ស្រូវសើមសម្រេចបានតែពី ០៥ តោនក្នុងមួយហិកតាក្រោយពេលហាល ស្ងួតនៅប្រមាណតែ ៤,៨ តោនក្នុងមួយហិកតា។ កសិករបូយវ៉ាំងបៃ នៅភូមិកិញ (អា) ឃុំហ្វៀងហោយបានឲ្យដឹងថា៖ ពេលឮស្រូវមានតម្លៃខ្ពស់នរណាក៏រីករាយប៉ុន្ដែដល់ពេលប្រមូលផលបានតែពី ០៨ - ០៩ ការុងក្នុងមួយកុង (ក្នុងមួយការុងៗមានទម្ងន់ពី ៤៥-៥០ គីឡូក្រាម)។តម្លៃស្រូវខ្ពស់ប៉ុន្ដែទិន្នផលមិនខ្ពស់ ម៉្លោះហើយចំណេញក៏មិនបានច្រើនដែរ។

   កសិករត្រឹងង៉ុកតឹម នៅភូមិដូវយ៉ុង ឃុំភឿងថាញ់ចែករំលែក៖ ឃើញស្រូវលូតលាស់ល្អគិតមើលអាចសម្រេចបានលទ្ធផលខ្ពស់ ប៉ុន្ដែដល់ពេលប្រមូលផលបានតែពី ០៨-០៩ ការុងក្នុងមួយកុង តម្លៃស្រូវខ្ពស់ប៉ុន្ដែមិនសូវមានផល ម៉្លោះហើយប្រភពចំណូលរបស់មាមីងកសិករក៏មិនសូវបានខ្ពស់ ។

   ដោះស្រាយអំពីបញ្ហាទិន្នផលស្រូវរដូវវស្សាសម្រេចទិន្នផលទាបនេះ លោកង្វៀងវ៉ាំងអា ប្រធានការិយាល័យកសិកម្មនិងអភិវឌ្ឍន៍ជនបទស្រុកកាងឡុងចែករំលែកថា៖ អាស្រ័យដោយត្រូវជះឥទ្ធិពលយ៉ាងធ្ងន់ធ្ងររបស់ស្ថានភាពដូចជា៖ អាកាសធាតុប្រែប្រួល ត្រូវកណ្ដុរបំផ្លាញ និងអាការរោគជំងឺជាច្រើនធ្វើឲ្យទិន្នផលស្រូវទាប។ ពិសេសភ្លៀងអូសអន្លាយ (រវាងខែតុលាឆ្នាំ២០២០) ក្នុងដំណាក់កាលស្រូវទើបធ្វើបង្ហើមបណ្ដាលឲ្យត្រូវជះឥទ្ធិពលយ៉ាងធ្ងន់ធ្ងរដល់ទិន្នផល៕

ប្រែសម្រួល៖ លឺវវូ