សមាគមសហព័ន្ធនារីឃុំលឿងហ្វា៖ ពង្រីកតួនាទីស្នូលក្នុងការងារការពារបរិស្ថាន

    កាលពីមុនបញ្ហាក ខ្វក់បរិស្ថាននៅឃុំលឿងហ្វាកើតមានយ៉ាងស្មុគស្មាញ ដោយសារសមាជិកានិងប្រជាជនប្រើប្រាស់ថ្នាំការពាររុក្ខជាតិរួចក៏បោះបំពង់ថ្នាំ ចោលតាមដងប្រឡាយ។ការចិញ្ចឹមបសុសត្វនិងពាហនសត្វមិនយកចិត្តទុកដាក់ក្នុងការ វិនិច្ឆ័យលាមកឲ្យបានស្អាតបាត។ ជាពិសេសនៅតំបន់ដែលប្រជាជនប្រមូលផ្តុំគ្នាច្រើនដូចជាផ្សារសម្បួរ ផ្សារបាស្រែ (បេ)។ល។មានចោល សំរាមពាសពេញ ។ បច្ចុប្បន្ន​ស្ថានភាពទាំង នោះមិនកើតមានឡើងទៀតឡើយ។ ឃុំបាន អនុវត្តសម្រេច  ១៩/១៩ លក្ខឋានជនបទថ្មី កំពុងរង់ចាំគណៈចង្អុលការកសាងជនបទថ្មីរបស់ស្រុកមកត្រួតពិនិត្យដើម្បីធ្វើសំណុំបែបបទផ្ញើជូនដល់គណៈចង្អុលការកសាងជនបទថ្មីខេត្តចេញសេចក្ដីសម្រេចចិត្តទទួលស្គាល់។ សម្រេចបានលទ្ធផលទាំងនោះអាស្រ័យមានការរួមចំណែករបស់សមាគមសហព័ន្ធនារីឃុំ កសាងបណ្តាលក្ខឋានក្នុងនោះមានលក្ខឋានស្តីពីបរិស្ថាន។

បណ្តាសមាជិកាទម្រង់ “ជីវភាពពណ៌បៃតង “ ផ្តោះប្តូរអំពីការប្រមូលសំរាម។

   ទម្រង់ « ជីវភាពពណ៌បៃតង « គឺជាទម្រង់ ដែលធ្វើសកម្មភាពឆ្ពោះទៅកាន់ទិសដៅការពារបរិស្ថានអាស្រ័យដោយសមាគមសហព័ន្ធនារីឃុំលឿងហ្វា សហការជាមួយសមាគមនារី នគរបាលខេត្ត បង្កើតឡើងកាលពីខែសីហា ឆ្នាំ ២០២០ ទាក់ទាញសមាជិកា ៨០ នាក់ ចូលរួម ។​បណ្តាសមាជិកាដែលចូលរួមទម្រង់នេះភាគច្រើនគឺជាអ្នកជួញដូរក្នុងផ្សារបាស្រែ (បេ) ។ ចូលរួមទម្រង់នេះពួកគាត់នឹងបានបំពាក់បំប៉នចំណេះដឹងជាច្រើនអំពីការពារបរិស្ថានដូចជា៖ ច្បាប់ស្តីពីការការពារបរិស្ថាន ការជះឥទ្ធិពលអាក្រក់មកពីសំរាមជ័រ បណ្តា វិធានការដោះស្រាយក្នុងការងារការពារបរិស្ថាន។ល។ ឆ្លងតាមរយៈនោះ បណ្តាសមាជិកាមានភារកិច្ចផ្សព្វផ្សាយទិសដៅនៃទម្រង់ « ជីវភាពពណ៌បៃតង» ជូនដល់សមាជិកាជាពិសេសអ្នកលក់ដូរតូចៗក្នុងផ្សារ និងប្រជា ជនមកផ្សារ ដើម្បីចូលរួមការពារបរិស្ថាន។ មីងយឿងធីថី សមាជិកាទម្រង់ «  ជីវភាព ពណ៌បៃតង» អ្នកលក់បន្លែបង្កា និងផ្លែឈើនៅ ផ្សារបាស្រែ (បេ) បានឲ្យដឹង៖ ដោយបាន សាខាសមាគមនារីភូមិផ្សព្វផ្សាយបណ្តាខ្លឹមសារស្ដីពីការពារបរិស្ថាន ខ្ញុំក៏ស្ម័គ្រចិត្តចូលរួម ក្រុម «កម្លាយគំនរសំរាមឲ្យទៅជាប្រាក់ « អស់ រយៈកាល ០៥ ឆ្នាំកន្លងមក។ ឆ្នាំ ២០២០ ខ្ញុំក៏បន្តចូលរួមក្នុងទម្រង់ «ជីវភាពពណ៌បៃតង» បណ្តាទម្រង់ ក្លឹប និងក្រុមដែលសមាគមសហព័ន្ធនារីបង្កើតឡើង សុទ្ធសឹងតែមានលក្ខន្តិកៈផ្សេងៗគ្នា ប៉ុន្តែមានទិសដៅដូចគ្នាគឺការពារបរិស្ថានខៀវ‑ស្រស់‑ស្អាត ។ ក្នុងនាមជាសមា ជិកាទម្រង់ ទន្ទឹមនឹងការធ្វើជាគំរូក្នុងការអនាម័យបរិស្ថាននៅទីសាធារណៈ ខ្ញុំតែងយល់ពីតួនាទីរបស់ខ្លួនត្រូវចូលរួមផ្សព្វផ្សាយ ចលនា អ្នកលក់ដូរតូចៗក្នុងផ្សារនិងប្រជាជនមកផ្សារឲ្យបង្កើនការយល់ដឹង ចូលរួមការការពារបរិ ស្ថាន។ បច្ចុប្បន្នបញ្ហាចោលសំរាមពាសពេញក្នុងផ្សារមិនកើតមានដូចពីមុនទៀតឡើយ។ បងស្រី វិញធីហុងបេវ ប្រធានសមាគមសហ ព័ន្ធនារីឃុំលឿងហ្វា មានប្រសាសន៍ថា៖ ការចលនា ឧបត្ថម្ភសមាជិកាពង្រីកសេដ្ឋកិច្ចគឺជាកត្តាចាំបាច់បំផុត។ ទន្ទឹមនឹងនោះសមាគមក៏យកចិត្តទុកដាក់ដល់ការងារពង្រីកសេដ្ឋកិច្ចភ្ជាប់ជាមួយនឹងការពារបរិស្ថានទៀតផង។ ពីព្រោះវិនិយោគទុនពង្រីកសេដ្ឋកិច្ចភ្ជាប់ជាមួយនឹងការពារបរិស្ថានគឺជាការវិនិយោគបានរីកចម្រើនស្ថិរភាព។ បច្ចុប្បន្ន​បណ្តាសមាជិកា ចូលរួមបណ្តាទម្រង់ ក្លឹបការពារបរិស្ថានតែងបានចូលរួមបណ្តាវគ្គហ្វឹកហាត់ ពិគ្រោះបណ្តាខ្លឹមសារជាក់ស្តែងក្នុងការងារការពារបរិស្ថាន។ ផ្តើមពីនោះ ពួកគាត់ជាអ្នកឃោសនាយ៉ាងសកម្មក្នុងការផ្សាយជូនសមាជិកក្នុងគ្រួសារ ផ្សព្វ ផ្សាយក្នុងតំបន់អាសយជន ទីសាធារណៈរួមចំណែកក្នុងការផ្សព្វផ្សាយចំណេះដឹងអំពីការពារបរិស្ថានឲ្យបានទូលំទូលាយក្នុងសហគមន៍។

សមាជិកាចោលសំរាមចូលក្នុងធុង។

   សមាគមសហព័ន្ធនារីឃុំលឿងហ្វាមានសមាជិកា ២.១៧៨ នាក់ ក្នុងនោះមានសមាជិកាជនជាតិខ្មែរជាង ៥០%។ តាំងពីដើមឆ្នាំ ២០២០ មកទល់ពេលនេះ សមាគម បានសហការចាត់តាំងផ្សព្វផ្សាយ ពិគ្រោះ អំពីកម្មវិធីទិសដៅជាតិស្តីពីកសាងជនបទថ្មីភ្ជាប់ជាមួយនឹងការចលនាកសាងគ្រួសារ “គ្មាន ០៥ យ៉ាង ស្អាត ០៣ យ៉ាង “ បានជាង ១២០ លើក ដោយមានសមាជិកានិងប្រជាជនជាង ៦.០០០ នាក់ចូលរួម។ ជូនខិត្តប័ណ្ណផ្សព្វផ្សាយអំពីការពារបរិស្ថាន ៤០០ សន្លឹកដល់សមា ជិកា។ អនាម័យបរិស្ថានតាមដងផ្លូវជនបទសរុបប្រវែងជិត ២២.៩០០ ម៉ែត្រ ប្រមូលសំរាមជាង ១៦.៣០០ តោន។ បច្ចុប្បន្ន នៅលើភូមិសាស្រ្តឃុំមានគ្រួសារកម្មាភិបាល សមាជិកា ១.៤៧៥ គ្រួ សម្រេចលក្ខឋាន ០៨ យ៉ាងស្ដីពីគ្រួសារវប្បធម៌‑ជនបទថ្មី សម្រេច ៩៧,៩% នៃចំនួនគ្រួសារសមាជិការួម៕  

អត្ថបទ‑រូបថត៖ សុជា