សមាគមកសិករត្រាវិញ៖ ប្រមូលផ្តុំ ពង្រីកតួនាទីអង្គការចាត់តាំងសមាគមក្នុងការពង្រីកសេដ្ឋកិច្ច កសាងជនបទថ្មី

​​​

អស់រយៈកាល​ ០៥ ឆ្នាំ (២០១៥-២០២០)ទូទាំងខេត្តមានគ្រួសារកសិករ ១៩១.៥២៤ លើកសម្រេចកិត្តិនាមកសិករផលិត ធើ្វអាជីវកម្មពូកែគ្រប់លំថ្នាក់ ប្រភពចំណូលជាមធ្យមក្នុងមួយឆ្នាំសម្រេចពី ២១៨ លានដុងដល់ ១,៣ ពាន់លានដុងក្នុងមួយគ្រួសារ។ ក្រៅពីនោះ មូលនិធិឧបត្ថម្ភកសិករគ្រប់លំដាប់ថ្នាក់បច្ចុប្បន្នកំពុងគ្រប់គ្រង ៣០,៤៥៨ ពាន់លានដុង បានវិនិយោគ ៣២៤​ កម្រោងការឲ្យសមាជិកកសិករ ៣.៨៦៩ គ្រួសារផលិត ដោះស្រាយការងារធើ្វឲ្យពលករជាង ៣.៨០០ នាក់ និងកសាង ១៩៤ ទម្រង់សេដ្ឋកិច្ចសមូហភាពមានប្រសិទ្ធភាពអាស្រ័យសមាគមចាត់តាំងផ្ទាល់។

        ផ្តើមពីចលនានេះបានលេចធ្លោគំរូជឿនលឿនជាច្រើន បណ្តាគំរូឆ្នើម ដូចជាកសិករ វ៉វ៉ាំងចា(ឃុំលឿងហ្វា ស្រុកចូវថាញ់) វ៉វ៉ាំងថាវ(ឃុំភឿកហ៊ឹង ស្រុកថ្កូវ) ង្វៀងមិញញ៉ឹក(ឃុំថុងហ្វា ស្រុកកូវកែ)។ល។ ឬទម្រង់ដាំត្រសក់ផ្អែម ត្រសក់ស្រូវផ្លែមូលក្នុងផ្ទះសំណាញ់ (ឃុំលឿងហ្វាអា ស្រុកចូវថាញ់) ក្នុងមួយរដូវ ចំណេញពី ៥០-៧០ លានដុងក្នុង ១.០០០ ម៉ែត្រក្រឡា។ ផលិតផ្កាលម្អ(សង្កាត់ទី ៥ ទីក្រុងត្រាវិញ) ក្នុងមួយឆ្នាំ ចំណេញពី ៣០-៤០ លានដុងក្នុងមួយគ្រួសារ។

            លើវិស័យពង្រីកសេដ្ឋកិច្ច តាមលោកង្វៀងវ៉ាំងយុង ប្រធានសមាគមកសិករត្រាវិញ ក្រៅពីផ្ទេរជូនវិទ្យាសាស្រ្ត-បច្ចេកទេស បណ្តុះបណ្តាលវិជ្ជាជីវៈ សមាគមនៅទាំងកសាងបណ្តាទម្រង់ចងសម័្ពន្ធជាមួយបណ្តាអាជីវកម្មដើម្បីម៉ៅទិញផលិតផល ក្នុងនោះមានបណ្តាអាជីវកម្មកំពុងពង្រីកមានប្រសិទ្ធភាព ដូចជាចងសម័្ពន្ធទម្រង់ដាំក្រូចឆ្មាវល្លិផលិតតាមទិសដៅសុវត្ថិភាព ផ្គត់ផ្គង់ផលិតផលឲ្យអាជីវកម្ម ផ្តើមពីនោះអាជីវកម្មច្នៃផលិត នីហរណទៅទីផ្សារទ្វីបអឺរ៉ុប។ ឆ្លងតាមរយៈបណ្តាកសិករផលិត ធ្វើអាជីវកម្មពូកែ នៅទាំងពង្រីកប្រភពទុនរបស់សមាជិកកសិករ និងការឧបត្ថម្ភប្រភពទុនពីមូលនិធិឧបត្ថម្ភកសិកររបស់មជ្ឈិម ខេត្ត ស្រុកក៏ដូចជាចងសម័្ពន្ធជាមួយបណ្តាធនាគារដើម្បីបង្កលក្ខណៈឲ្យកសិករពង្រីកផលិត លើកកម្ពស់កន្សោមតម្លៃផលិតផល។ល។

        ក្នុងចលនាកសិករចូលរួមកសាងជនបទថ្មី ឆ្លងតាមរយៈនោះ សមាគមបង្កើតបាន ៨៥ ក្លឹប “រួមកម្លាំងកសាងជនបទថ្មី”។ ចលនាសមាជិក និងកសិករបរិច្ចាគដីបាន ១៥៩.០០០ ម៉ែត្រក្រឡា ចូលរួមវិភាគទានប្រាក់ជាង​ ៤០ ពាន់លានដុង ២៣.៩២៧ ថ្លៃពលកម្មកសាងនិងជួសជុលស្ពានជនបទ ៦៤ ខ្សែ ផ្ទះមេត្តាធម៌ ១៩៤​ ខ្នង ជួសជុលនិងកសាងថ្មីផ្លូវជនបទជាង ២៥៨ គីឡូម៉ែត្រ ប្រឡាយធារាសាស្រ្តវាលស្រែ ៦០២ កន្លែង។ សមាគមគ្រប់លំដាប់ថ្នាក់ពង្រឹង លើកកម្ពស់គុណភាព ១.៦៥៩ ក្រុមស្វ័យគ្រប់គ្រងជាមួយសមាជិក ៣៦.១០៧ រូប(ក្នុងនោះមានសមាជិកកសិករស្នូល ១១.៥៥៤ រូបចូលរួម)​ អនុវត្តត្រួតពិនិត្យ យាមល្បាត ១៣.១៩៨ លើករួមចំណែករក្សាសន្តិសុខសណ្តាប់ធ្នាប់នៅមូលដ្ឋាន។ ជាពិសេស គិតតាំងពីឆ្នាំ ២០១៨ មកទល់ពេលនេះ សមាគមកសិករបានសហការជាមួយនគរបាលខេត្តចង្អុលការបង្កើតបាន ៦៥ ក្លឹប (កសិករល្អ​ ០៣ យ៉ាង)ដោយមានសមាជិក ៥៧០ រូបចូលរួម។

  ដើម្បីពង្រីកតួនាទីកសិករជាអ្នកពលកម្មផ្ទាល់ មានបទពិសោធន៍ក្នុងការផលិត និង​ឈានដល់ទម្រង់កសិកម្ម ៤.០។ លោកង្វៀងវ៉ាំងយុង បានឲ្យដឹង៖ គណៈអចិន្រៃ្តយ៍សមាគមកសិករខេត្តស្នើជាមួយគណៈកម្មាធិការបក្សខេត្ត និងបានការឯកភាពរបស់ប្រចាំការនៃគណៈកម្មាធិការបក្សខេត្តចង្អុលការសមាគមកសិករសហការជាមួយគណៈចាងហ្វាង គណៈកម្មាធិការបក្សសាលាមហាវិទ្យាល័យត្រាវិញផ្សព្វផ្សាយ ចលនានិស្សិត ជាពិសេសគឺនិស្សិតផ្នែកកសិកម្ម​ សាលាមហាវិទ្យាល័យត្រាវិញ។ នេះជាកងកម្លាំងផ្សារភ្ជាប់យូអង្វែងជាមួយសមាគម និងមូលដ្ឋានចូលរួមអនុវត្តល្អការផ្ទេរជូនបច្ចេកទេស ជួយឲ្យប្អូនៗធ្វើផងលើកកម្ពស់ថ្វីដៃផង។ ផ្នែកកសិកម្ម ជលផលឆ្លងតាមរយៈនិស្សិតនឹងផ្ទេរជូនសម្រេច ជួយណែនាំកសិករផ្សារភ្ជាប់ជាមួយមូលដ្ឋានដើម្បីក្រោយពេលចេញសាលាវិលមកភូមិកំណើតប្អូនៗក្លាយជាកសិករមានចំណេះដឹងអំពីវិទ្យាសាស្រ្ត បច្ចេកទេស ជាអាជីវកម្មឬសហករណ៍ក៏មានលក្ខណៈជួយកសិករ។

       ក្នុងឆ្នាំ​​ ២០២០ សមាគមកសិករខេត្តបានដំណើរការបង្កើតក្លឹប “វិទ្យាសាស្រ្តច្នៃប្រតិដ្ឋរបស់កសិករ”។ ក្នុងនោះ អញ្ជើញបណ្ឌិត ង្វៀងថាញ់ម៉ី ប្រធានក្រុមប្រឹក្សាគ្រប់គ្រងនឹងជានាយករបស់ក្រុមហ៊ុនចូលរួមធ្វើជាអភិបាលរួមជាមួយមន្ទីរបច្ចកវិទ្យា មន្ទីរកសិកម្មនិងអភិវឌ្ឍជនបទ និងអាជីវកម្មមួយចំនួនជំនាញលើវិស័យកសិកម្មដើម្បីបង្កើតគណៈចង្អុលការ និងគណៈប្រឹក្សារបស់ក្លឹប។ នេះជាកងកម្លាំងផ្សារភ្ជាប់ដើម្បីប្រមូលផ្តុំកងកម្លាំងវ័យក្មេង បញ្ញាវន្ដ អ្នកវិទ្យាសាស្រ្តដើម្បីរួមដំណើរជាមួយកសិករ ឯកជនអនុវត្តខឿនកសិកម្ម ៤.០ លើភូមិសាស្រ្តខេត្តត្រាវិញ៕ ប្រែសម្រួល៖ តឹងង៉ុក