សមាគមកសិករឃុំតឹងហ៊ុងជួយសមាជិកលើកកម្ពស់ប្រសិទ្ធភាពផលិត

លោកត្រឹងតឹងថាញ់ ប្រធានសមាគមកសិករឃុំតឹងហ៊ុងបានឱ្យដឹងថា៖ សមាគមដាក់ចេញគោលដៅដើម្បីសមាជិក ដើម្បីកសិករសកម្មកសាងជនបទថ្មីជាភារកិច្ច និងមានអត្ថន័យយ៉ាងសំខាន់។ អាស្រ័យហេតុនោះ សមាគមតែងផ្សព្វផ្សាយអនុវត្តមានប្រសិទ្ធភាពការងារប្រមូលផ្តុំ សាមគ្គី ពង្រីកប្រជាធិតេយ្យ កម្លាំងច្នៃប្រតិដ្ឋ សមត្ថភាពចងសម្ព័ន្ធ កិច្ចសហការរបស់សមាជិកសមាគមកសិករ។ ធ្វើសេនាធិការជូនបក្សដើម្បីមានបណ្តាគោលការណ៍ គោលនយោបាយសមស្របសម្រាប់សមាជិក កសិករ។ ទន្ទឹមនឹងនោះការពារសិទ្ធិ និងផលប្រយោជន៍ស្របច្បាប់ជួយឱ្យសមាជិក កសិករមានស្មារតីហានក្លាក្នុងការចូលរួមជាមួយសកម្មភាពរបស់សមាគម។

បច្ចុប្បន្ន សមាគមកសិករឃុំតឹងហ៊ុង មានសមាជិកចំនួន ១.២៧៥ នាក់ ក្នុងនោះ សមាជិកជាជនជាតិខ្មែរស្រូបយកអត្រា ៤៣% ចូលរួមប្រជុំជីវភាពនៅតាមសាខាសមាគមចំនួន ៩ កន្លែង។ សមាគមបំផុសចលនារក្សាទម្រង់សេវាកម្មឧបត្ថម្ភកសិករអំពីចំណេះផលិតបាន ១ កន្លែង ទន្ទឹមនឹងនោះ សហការជាមួយសហករណ៍អនុវត្តទម្រង់សេវាកម្មឧបត្ថម្ភកសិករបូមទឹកជូនកសិករក្នុង​វាលស្រែធំដល់ទៅចុងរដូវទើបប្រមូលប្រាក់។ ឧបត្ថម្ភសង្គ្រោះកសិផលសម្រាប់សមាជិក កសិករក្នុងការប្រើប្រាស់កសិផលដែលត្រូវរងផលប៉ះពាល់នៃអាសន្នរោគកូវីដ‑១៩ លក់មិនបានដល់សមាជិកដែលដាំកញ្ឆែត ស្រកានាគ ត្របែក ក្រូច។ល។ ៤ នាក់ដោយតម្លៃ ៥ លានដុង។ ក្រៅពីនោះ សមាគមនៅទាំងសហការជាមួយការិយាល័យកសិកម្មស្រុក ចាត់តាំងហ្វឹកហាត់ ផ្ទេរជូនវិទ្យាសាស្រ្តបច្ចេកទេសបាន ២ លើក មានសមាជិក ៤៨ នាក់ចូលរួម។ ខ្លឹមសារបច្ចេកទេសដែលបានហ្វឹកហាត់គឺ បច្ចេកទេសផលិតស្រូវ  និងចិញ្ចឹមជ្រូក មាន់។

ទម្រង់ដាំបន្លែនៅវាលស្រែរបស់កសិករឃុំតឹហ៊ុង។

កសិករថាច់ក្វិញ​ នៅភូមិព្រែកលបកើត បានឱ្យដឹងថា៖ ខ្ញុំមានដីស្ថិតក្នុងតំបន់វាលស្រែធំចំនួន ១,៦ ហិកតា​ និងបានសមាគមកសិករសហ ការជាមួយផ្នែកពាក់ព័ន្ធឧបត្ថម្ភបណ្តាកិច្ចការទាក់ទងដល់ការផលិត ម៉្លោះហើយការផលិតរបស់គ្រួសារខ្ញុំបានងាយស្រួលជាង។ គិតដោយឡែកតែការបូមទឹកបញ្ចូលស្រែដល់ចុងរដូវទើបទូទាត់ម្តងឃើញថាជួយសម្រាលបានក្តីកង្វល់សម្រាប់ខ្ញុំ។ ដោយអាស្រ័យបរិមាណទឹកបានធានាសម្រាប់ការផលិត គួបផ្សំជាមួយការអនុវត្តន៍វិទ្យាសាស្រ្តបច្ចេកទេសជឿនលឿន ម៉្លោះហើយផ្ទៃដីផលិតស្រូវរបស់គ្រួសារខ្ញុំក្នុងមួយហិកតាសម្រេចបានទិន្នផលជាង ៦,៥ តោនក្នុងមួយរដូវ។

ដើម្បីបង្កលក្ខណៈក្នុងការផលិត និងប្រើប្រាស់បណ្តាមុខទំនិញកសិផល សមាគមបំផុសចលនាបណ្តាសមាជិករក្សាទម្រង់សហករណ៍កសិកម្ម និងសេវាកម្ម ដោយមានសមាជិកចំនួន ៥១២ នាក់ចូលរួម។​ទម្រង់សេវាកម្មឧបត្ថម្ភកសិករបូមទឹកជូនកសិករក្នុងតំបន់វាលស្រែធំ មានសមាជិកចំនួន ១១៣ នាក់ ដោយមានផ្ទៃដីជាង ២៣០ ហិកតា។ ទម្រង់ចិញ្ចឹមគោមេនៅភូមិតែតែ ១ មានសមាជិក ១២ នាក់។ ទម្រង់ចិញ្ចឹមមាន់សាច់ និងមាន់មេនៅភូមិតែតែ ១ មានសមាជិក ៥ នាក់ និងទម្រង់ចិញ្ចឹមគោមេតាមគម្រោងការ “មូលនិធិឧបត្ថម្ភកសិករ” នៅភូមិព្រែកលបលិច និងព្រែកលបកើត មានសមាជិក ១២ នាក់ ភូមិតាមេម មានសមាជិក ៥​ នាក់ មានចំនួនគោជាង ៤០ ក្បាល។ ទម្រង់សាខាសមាគមមុខរបរផលិតស្រូវគុណភាពខ្ពស់នៅភូមិចើ មានសមាជិក ១៥ នាក់ ជាមួយផ្ទៃដីជិត ៤០ ហិកតា។ សមាគមសហការជាមួយផ្នែកពាក់ព័ន្ធបង្កើតសហករណ៍ព្រែកលប មាន សមាជិក ៥១២​ នាក់ ក្នុងនោះមានសមាជិក ១៤៥ នាក់ ជាសមាជិកសមាគមកសិករ។ សហករណ៍ធ្វើសកម្មភាពសំខាន់គឺអនុវត្តបណ្តាកិច្ចការចងសម្ព័ន្ធច្រកចូល ច្រកចេញប្រើប្រាស់ផលិតផល និងដោះស្រាយការងារធ្វើជូនសមាជិកសមាគមកសិករ។

ក្រៅពីនោះ សមាគមនៅទាំងរក្សាល្អការអនុវត្តន៍គ្រោងផែនការលេខ ២៤ ចង្អុលការដល់បណ្តាសាខាសមាគមឲ្យពង្រីកក្រុមមុខរបរចិញ្ចឹមគោមេនៅភូមិតាមេមចំនួន ២ ក្រុម មានសមាជិកចំនួន ៣០ នាក់។ បង្កើនចំនួនគិតមកទល់ពេលនេះ មាន ៤៨ ក្រុម មានសមាជិក ៦៧៩ នាក់ចូលរួម។ បណ្តាក្រុមមុខរបរធ្វើសកម្មភាពសំខាន់ក្នុងបណ្តាវិស័យដូចជា៖ ចិញ្ចឹមជ្រូកមេ ជ្រូកសាច់ គោមេ មាន់សាច់ ដាំដូង ដាំក្រូច និងផលិតស្រូវ៕   

អត្ថបទ‑រូបថត៖សម្បត្តិ