លទ្ធផលនៃការដាំពោតលើវាលស្រែស្រូវ

មាមីងកសិករដាំពោត ស្ងប់ចិត្តក្នុងការផលិត។ រូបថត៖ ឌិញកាញ់
    ដើម្បីទាញយកផលពីសក្ដានុពល តម្លាភាព ពីដីធ្លី ប្រភពទឹក ពលកររបស់ឃុំនីមួយៗ បង្កភាពងាយស្រួល ដើម្បីពង្រីកវិស័យកសិកម្មឲ្យបានស្ថិរភាព បង្កើតនិងពង្រីកបណ្ដាតំបន់ជំនាញ ផលិតមុខទំនិញកសិផលប្រមូលផ្ដុំទ្រង់ទ្រាយធំ ភ្ជាប់ជាមួយការលក់ផលិតផល រួមចំណែកបង្កើន តម្លៃបរិមាណលើផ្ទៃដីកសិកម្មក្នុងមួយហិកតា ស្រុកកូវង៉ាង បានបង្វែងផ្ទៃដីផលិតស្រូវមិនសូវមានផលជាង ២៤០ ហិកតាមកដាំដំណាំ និងចិញ្ចឹមជលផល។ តួយ៉ាងដូច ដំណាំរដូវប្រាំងឆ្នាំ ២០២១ នេះ អាស្រ័យចងសម្ព័ន្ធជាមួយក្រុមហ៊ុនភាគហ៊ុន​ភាគខាងត្បូង និងក្រុមហ៊ុន Syngenta ឧបត្ថម្ភ​ពូជ ផ្ទេរជូនវិទ្យាសាស្រ្តបច្ចេកទេស ធានាប្រមូលទិញកសិផល ម៉្លោះហើយ មាមីងកសិករដាំពោត ស្ងប់ចិត្តក្នុងការផលិត។ ពេលប្រមូលផលពោត ពូជ SSC 11 លើផ្ទៃដី ៥,៥ ហិកតាដាំលើវាលស្រែផលិតស្រូវមិនសូវមានផល លោកមាថាច់ សារន្ត នៅភូមិចុងមិស ឃុំញីត្រឿងបានវាយតម្លៃ ដោយជឿជាក់ថា៖ ដោយសារបានរដ្ឋអំណាចឃុំ ការិយាល័យកសិកម្ម និងអភិវឌ្ឍន៍ជនបទស្រុកកូវង៉ាងឧបត្ថម្ភ​ ពូជ ផ្ទេរជូនវិទ្យាសាស្រ្តបច្ចេកទេស ធានាប្រមូលទិញផលិតផល ម៉្លោះហើយឆ្នាំ ២០២១ នេះ ខ្ញុំមិនផលិតស្រូវរដូវសម្រកទៀត គឺដាំពោតវិញ។ ក្រោយពេលដាំបានជិត ០៣ ខែ ក្នុងមួយហិកតាពោតផ្ដល់ទិន្នផលជាង ០៨ តោន មានគ្រួសារខ្លះទទួលបានទិន្នផលជិត ១០ តោន ហើយលក់ក្នុងមួយគីឡូក្រាមជាមួយតម្លៃ ៧.២៥០ ដុង ក្រោយពេលទូទាត់ប្រាក់ចំណាយរួចនៅចំណេញពី ៣៥ - ៥០ លានដុង។ តំបន់ដីនៅភូមិចុងមិសនិយាយដោយឡែកឃុំញីត្រឿងនិយាយ រួមជាដីទួល ម៉្លោះហើយផលិតស្រូវរដូវសម្រក និងរដូវដើមឆ្នាំតែងជួបការលំបាកច្រើន។ ការបង្វែរមកដាំដំណាំ ជាក់ស្ដែងគឺពោតនៅរដូវប្រាំង ផ្ដល់លទ្ធផលខ្ពស់ជាង បើប្រៀបនឹងការផលិតស្រូវ។ បច្ចុប្បន្ន មាមីងកសិករជក់ចិត្តនឹងការដាំ ពោតព្រោះបានធានាប្រមូលទិញផលិតផល។ លោកថាច់មិញលិញ ប្រធានសមាគមកសិករឃុំ ញីត្រឿងបានឲ្យដឹងថា៖ ឆ្នាំ ២០២១ នេះ តាមសេចក្ដីសម្រេចចិត្តរបស់គណៈកម្មាធិការបក្ស ស្រុកកូវង៉ាង គណៈកម្មាធិការបក្សឃុំញីត្រឿង ត្រូវអនុវត្តសម្រេចលក្ខឋានឃុំជនបទថ្មី។ អាស្រ័យហេតុនោះ ទូទាំងប្រព័ន្ធនយោបាយផ្ដុំកម្លាំងចូលរួម ក្នុងនោះ សមាគមកសិករបំផុសចលនាផ្លាស់ប្ដូររចនាសម្ព័ន្ធផលិតកសិកម្ម ចលនាកសិករប្រឡងប្រណាំងពលកម្មផលិត។ ទម្រង់ដាំពោតពូជលើដីផលិតស្រូវភ្ជាប់នឹងការចងសម្ព័ន្ធ ជាមួយអាជីវកម្មធានាប្រមូលទិញផលិតផលជាទម្រង់ មានប្រសិទ្ធភាពខ្ពស់ បង្កបានទិសដៅផលិតថ្មី​ ក្នុងការចាត់តាំងការផលិតឡើងវិញ។ សង្ឃឹមថា ទម្រង់ផលិតដោ យមានការចងសម្ព័ន្ធក្នុងការដាំពោតលើដីផលិតស្រូវមិនសូវមានផលបន្តបានរក្សា និងពង្រីក ដើម្បីបង្កើនប្រភពចំណូលជូន មាមីងកសិកររួមចំណែកជួយឲ្យឃុំឆាប់អនុវត្តសម្រេចលក្ខឋានជនបទថ្មីនៅចុងឆ្នាំ ២០២១ នេះ។ លោក ឡេវុាំងភី ប្រធានការិយាល័យកសិ​កម្ម និងអភិវឌ្ឍន៍ជនបទស្រុកកូវង៉ាងវាយតម្លៃ៖ បច្ចុប្បន្ន បណ្ដាឃុំដែលមានតំបន់ដីទួលដូចជា៖ ឡុងសើុង ញីត្រឿង ថាញ់ហ្វាស៊ើង ធ្វឹងហ្វា។ល។ របស់ស្រុកកូវង៉ាង អាស្រ័យខ្វះទឹកនៅរដូវប្រាំង ផលិតស្រូវមិនសូវមានផលបានមាមីងកសិករបង្វែរមកដាំដំណាំភាគច្រើន​ គឺដាំសណ្ដែកដី ល្ពៅ ឪឡឹក។ ប៉ុន្មានឆ្នាំជិតៗនេះ បានចងសម្ព័ន្ធ ជាមួយក្រុមហ៊ុនភាគហ៊ុនពូជដំណាំភាគខាងត្បូង និងក្រុមហ៊ុន Syngenta មាមីងកសិករហ៊ានបង្វែរមកដាំពោតពូជផ្ដល់លទ្ធផលសេដ្ឋកិច្ចខ្ពស់។ រដូវដំណាំពោតឆ្នាំ ២០២១ កសិករឃុំឡុងស៊ើង ញីត្រឿងចងសម្ព័ន្ធជាមួយក្រុមហ៊ុនភាគហ៊ុនពូជដំណាំភាគខាងត្បូង និងក្រុមហ៊ុន Syngenta  ដាំវិសោធនកម្មពោតពូជថ្មីជាង ៦០ ហិកតា។ គិតជាមធ្យមក្នុងមួយហិកតាចំណេញពី ៣៥-៥០ លានដុង។ ក្នុង ៦០ ហិកតានោះ មាមីងកសិករចំណេញរាប់ពាន់លានដុង នេះជាក្ដីសង្ឃឹមថ្មីដើម្បី ពង្រីកទម្រង់ដាំពោតឆ្លាស់រដូវនឹងការផលិតស្រូវ លើដីស្រែទួល៕            ឌិញកាញ់-ថាច់ហ្វាង