មាមីងជនរួមជាតិខ្មែរឃុំង៉ូវឡាកធានាការផលិតផង-យកចិត្តទុកដាក់បង្ការទប់ស្កាត់អាសន្នរោគកូវីដ-១៩ ផង

បងថាច់សាបេត កំពុងប្រមូលផលម្ទេសរបស់គ្រួសារ។

        បងថាច់សាបេត នៅភូមិសំពោងស័កធំ ឃុំង៉ូវឡាកបានឱ្យដឹងថា៖ រដ្ឋអំណាចមូលដ្ឋានបានចាត់ទុកការងារបង្ការ ទប់ស្កាត់អាសន្នរោគកូវីដ-១៩ ជាភារកិច្ច​មួយក្នុងបណ្តាភារកិច្ចសំខាន់។ រាល់ពេលមានសារលិខិតរបស់ថ្នាក់លើមូលដ្ឋានបានចាត់តាំងផ្សព្វផ្សាយដល់ប្រជាជន ដោយប្រព័ន្ធឧគ្ឃោសនសព្ទនៅតាមបណ្តាទីស្នាក់ការ​ភូមិ។ ដោយអាស្រ័យធ្វើល្អការងារផ្សព្វផ្សាយ ការរួមជ្រោមជ្រែងរបស់មាមីងក្នុងការបង្ការ ទប់ស្កាត់អាសន្នរោគ ម៉្លោះហើយមាមីងជនរួមជាតិខ្មែរស្ងប់ចិត្តក្នុងកិច្ចការពលកម្មផលិត។  ក្នុងសម័យកាលដែលអាសន្នរោគកំពុងរីករាលដាលយ៉ាងស្មុគស្មាញ ក្នុងនាមជាកសិករដូចយើងខ្ញុំដែលច្រើនប្រកបកិច្ចការនៅវាលស្រែក៏ដោយ ការចេញដើរផ្លូវទៅកន្លែងដែលមានគ្នាច្រើន។ល។នោះការពាក់របាំងមុខគឺជាការចាំបាច់។ អាស្រ័យ​ហេតុនោះ ក្នុងគ្រួសាររបស់ខ្ញុំតែងបម្រុងទុករបាំងមុខសម្រាប់ពាក់ពេលចេញធ្វើដំណើរទៅ​ណាម្តងៗ។  ក្នុងស្ថានភាពអាសន្នរោគកំពុងរាតត្បាតយ៉ាងស្មុគស្មាញដូចសព្វថ្ងៃ​ គប្បី​បង្កើនស្មារតីប្រុងប្រយ័ត្នការពារសុខភាពសម្រាប់ខ្លួននិងគ្រួសារ ពិសេសគឺដើម្បីសហគមន៍ជាការប្រសើរបំផុត។

         ដើម្បីអនុវត្តមានប្រសិទ្ធភាពការងារបង្ការ​ ទប់ស្កាត់អាសន្នរោគកូវីដ-១៩ កាពីថ្ងៃទី ៣១ ឧសភា ឆ្នាំ ២០២១ ប្រធានគណៈកម្មាធិការប្រជាជន​ខេត្ត លោកឡេវ៉ាំងហាំង បានចុះហត្ថលេខាចេញផ្សាយសារាចរលេខ​ ០៤។ ផ្តើមពីនោះ ស្មារតីការពារសុខភាពរបស់ខ្លួន គ្រួសារ និងសហគមន៍របស់ប្រជាជនកាន់តែបានលើ​កម្ពស់។ រយៈពេលនេះ ធ្វើដំណើរទៅទីណាក៏ឮព័ត៌មានផ្សព្វផ្សាយអំពីការបង្ការ ទប់ស្កាត់អាសន្នរោគកូវីដ-១៩ ជាការរំលឹកដល់ទូទាំងសហគមន៍ក្នុងការថែទាំសុខភាព។ លោកង្វៀងថាញ់ហ៊ុង ប្រធានគណៈកម្មាធិការប្រជាជនឃុំង៉ូវឡាកបានឱ្យដឹងថា៖ សារាចរលេខ​ ០៤ របស់ប្រធានគណៈកម្មាធិការប្រជាជនខេត្តបានចេញផ្សាយ និងមានសុពលភាព​អនុវត្ត ដូចជាសំឡេងកណ្តឹងប្រកាសអាសន្នដើម្បីបណ្តាផ្នែកគ្រប់លំដាប់ថ្នាក់ និងប្រជា​ជនបង្កើនការរួមចិត្ត រួមគំនិតក្នុងការទប់ស្កាត់អាសន្នរោគ។ ចំពោះមូលដ្ឋានក៏ពង្រឹងគណៈចង្អុលការបង្ការ ទប់ស្កាត់អាសន្នរោគរបស់ឃុំ បង្កើនការងារសហការជាមួយ​បណ្តាផ្នែកពាក់ព័ន្ធបង្កើនការគ្រប់គ្រងរាល់ការប្រជុំជីវភាព ពលកម្ម ការធ្វើដំណើររបស់ប្រ​ជាជនលើភូមិសាស្រ្ត។ តាមដានម៉ត់ចត់ចំពោះប្រជាជនទៅពលកម្មនៅតាមបណ្តា​ខេត្តពេលវិលត្រឡប់មកមូលដ្ឋានចាប់បង្ខំឱ្យជម្រាបសុខាភិបាលបានគ្រប់គ្រាន់ បំផុសចលនាឱ្យផ្អាកបណ្តាសកម្មភាពបុណ្យទាន ពិធីជប់លៀង។ល។មានលក្ខណៈជួបជុំគ្នាច្រើន។

         ទន្ទឹមនឹងការងារបង្ការទប់ស្កាត់អាសន្នរោគ ឃុំង៉ូវឡាកក៏បំផុសចលនាប្រជាជន​អនុវត្តល្អការចុះពូជស្រូវរដូវដើមឆ្នាំ ២០២១។ គិតមកទល់ពេលនេះ កសិករលើភូមិសាស្រ្តចុះពូជស្រូវរដូវដើមឆ្នាំសម្រេចជាង ៨០០ ហិកតា ប្រមូលផ្តុំច្រើនបំផុតនៅតាមបណ្តាភូមិ៖ សំពោង ស័កធំ គងមានបុណ្យ ប្រខុប ផ្នោរម្ទេស ពលអាស្រ័យ។ ក្រៅពីនោះ នៅតាមបណ្តាតំបន់ដីជើងផ្នោរជាង ១២០ ហិកតាក៏បានបំផុសចលនាឱ្យប្រជាជនដាំបណ្តាប្រភេទដំណាំរយៈពេលខ្លី សំដៅរួមចំណែកបង្កើនប្រាក់ចំណូលសម្រាប់គ្រួសារ។ ចលនាប្រជាជនឲ្យរក្សាផ្ទៃទឹកសម្រាប់ចិញ្ចឹមជលផល ដោយមានកិច្ចសហការជាមួយបណ្តាផ្នែកជំនាញជួយឧបត្ថម្ភដល់មាមីងដើម្បីកាត់បន្ថយការ​ខូចខាតក្នុងដំណាក់កាលចិញ្ចឹមរបស់ប្រជាកសិករ។ លោកង្វៀងថាញ់ហ៊ុង បានឱ្យដឹងបន្ថែមទៀតថា៖ បើសិនរក្សាបានការផលិតដាំដុះ ចិញ្ចឹមជលផលដូចសព្វថ្ងៃ ប្រជាជននឹងស្ងប់ចិត្តក្នុងការកែលម្អជីវភាព និងចូលរួមបង្ការ ទប់ស្កាត់អាសន្នរោគមានប្រ​សិទ្ធភាព៕                                 

           អត្ថបទ-រូបថត៖ ថាច់សម្បត្តិ