មាមីងកសិករយល់ព្រមនឹងការផ្អាកសកម្មភាពទីផ្សារបណ្តោះអាសន្ន

លោកស្រីហ្វិញធីញ៉ាញ ប្រធានការិយាល័យសេដ្ឋកិច្ច​និងហេដ្ឋារចនាសម្ព័ន្ធស្រុកចូវថាញ់ឲ្យដឹងថា៖ អនុវត្តកិច្ចចង្អុលការផ្អាកសកម្មភាពទីផ្សារបណ្តោះអាសន្ន  ដើម្បីជៀសវាងការផ្តុំគ្នាច្រើន បង្កការលំបាកក្នុងត្រួតពិនិត្យ នៅស្រុកចូវថាញ់មានទីផ្សារបណ្តោះអាសន្ន ៣ កន្លែង ត្រូវផ្អាកសកម្មភាពរួមមាន៖ ផ្សាររសៀលថាញ់ង្វៀង (ឃុំម៉ីចាញ់) ផ្សារបណ្តោះអាសន្នដាហ្វា (ឃុំភឿកហាវ) និងផ្សាររ៉ាចយ៉ុង (ឃុំឡុងហ្វា) នេះជាផ្សារបណ្តោះអាសន្នកើតឡើងដោយខ្លួនឯង គណៈកម្មាធិការប្រជាជនស្រុកបានចង្អុលការឲ្យរុះរើជាច្រើនលើក មិនបើកផ្សារលក់ដូរនៅទីនេះ និងរៀបចំកន្លែងលក់ដូរឲ្យសមស្រប ប៉ុន្តែមកដល់ពេលនេះនៅតែមិនទាន់អនុវត្តបាន។

កសិករថែទាំដំណាំ។

ការផ្អាកសកម្មភាពផ្សារបណ្តោះអាសន្នកើតឡើងដោយខ្លួនឯង ញ៉ាំងឲ្យប្រភពចំណូលមនុស្សមួយចំនួនត្រូវបាត់ ប៉ុន្តែដើម្បីធានាការបង្ការទប់ស្កាត់អាសន្នរោគជំងឺកូវីដ‑១៩ ប្រជាជនភាគច្រើនបានព្រមព្រៀង។ មុនពេលផ្អាកសកម្មភាព រដ្ឋអំណាចមូលដ្ឋាន និងនគរបាលឃុំបានបំផុសចលនាដល់បណ្តាគ្រួសារអ្នកជួញ ដូរឲ្យចុះកិច្ចសន្យាមិនលក់ដូរនៅបណ្តាផ្សារនេះ មានតែបណ្តាគ្រួសារមានផ្ទះស្នាក់នៅតំបន់ផ្សារនេះបានលក់ដូរបណ្តាមុខទំនិញប្រើប្រាស់ចាំបាច់ប៉ុណ្ណោះ។

លោកយៀងហ្វីបាវ ប្រធានគណៈកម្មាធិការប្រជាជនឃុំម៉ីចាញ់បានឲ្យដឹង៖ ប្រជាជនភាគច្រើនដែលលក់ដូរនៅផ្សាររសៀលថាញ់ង្វៀង ក្នុងមួយថ្ងៃចាត់តាំងលក់ដូរ ០២ ពេល ក្នុងពេលព្រឹកលក់នៅទីផ្សារម៉ីចាញ់​ឬចូវថាញ់ ពេលរសៀលនៅសល់មុខទំនិញទើបយកមកលក់នៅផ្សាររសៀល។ នេះជាផ្សារបណ្តោះអាសន្ន ភ្ជាប់ជាមួយផ្លូវជាតិ មិនធានាសុវត្ថិភាពសារាចរ ទើបស្រុក និងឃុំមានគោលដៅផ្អាកសកម្មភាពពីយូរមកហើយ ប៉ុន្តែនៅជួបការលំបាកមួយចំនួន ទើបផ្សារនៅតែធ្វើសកម្មភាព។ ហេតុនោះ ក្នុងឱកាសនេះ មូលដ្ឋានត្រៀមបម្រុង និងផ្អាកសកម្មភាពផ្សាររសៀលនេះ ដោះស្រាយឲ្យតែប្រជាជននៅទីនោះទិញសម្ភារចាំបាច់ ចុះមិនឲ្យមនុស្សដែលនៅមូលដ្ឋានផ្សេងមកលក់ដូរ។ ដើម្បីអនុវត្តកិច្ចការនេះ រដ្ឋអំណាចមូលដ្ឋានបានបង្កើនការផ្សព្វផ្សាយ បំផុសចលនា និងឲ្យប្រជាជនចុះកិច្ចសន្យា។​ ឆ្លងតាមនោះ ទទួលបានការព្រមព្រៀងទើបផ្សារបានផ្អាកសកម្មភាពច្រើនថ្ងៃកន្លង។

អាស្រ័យជំរុញមាំការងារផ្សព្វផ្សាយទើបប្រជាជនលើកកម្ពស់ការយល់ដឹងអំពីបង្ការទប់ស្កាត់អាសន្នរោគជំងឺកូវីដ‑១៩ មុនពេលចង្អុលការឲ្យផ្អាកសកម្មភាពទីផ្សារ មានប្រជាជនមួយចំនួនបានឈប់លក់ដូរមុននោះ អាស្រ័យបារម្ភពីអាសន្នរោគជំងឺរាលដាល។ កសិករ ត្រឿងវ៉ាំងដូវ នៅភូមិដូវយ៉ុង(អា) ឃុំម៉ីចាញ់ចែករំលែកថា គ្រួសារគាត់មានផ្ទៃដីដាំបន្លែជិត ០១ កុង។ រៀងរាល់ថ្ងៃប្រពន្ធគាត់យកបន្លែទៅផ្សារលក់ ប៉ុន្តែជិតមួយសប្តាហ៍មកនេះ អាស្រ័យអាសន្នរោគជំងឺកើនឡើង ហើយបានរដ្ឋអំណាចប្រកាសព្រមានមិនឲ្យផ្តុំគ្នាច្រើន ម៉្លោះហើយគ្រួសារគាត់លក់តែនៅផ្សារម៉ីចាញ់ មិនទៅលក់នៅផ្សារចូវថាញ់ និងផ្សាររសៀលដូចពីមុនទៀត។ ដោយសារមិនចេញទៅផ្សារលក់ដូរផ្ទាល់ដូចពីមុន ម៉្លោះហើយបន្លែមួយចំនួនបានប្រមូលផលលក់ឲ្យឈ្មួញ​ ទោះបីប្រភពចំណូលថយចុះ ប៉ុន្តែគ្រួសារខិតខំប្រតិបត្តិតាមបណ្តាសេចក្តីកំណត់ ដើម្បីបង្ការទប់ស្កាត់អាសន្នរោគជំងឺកូវីដ‑១៩ ធានាសុខភាពជូនសហគមន៍។

នៅភូមិដូវយ៉ុង(អា) មីងគីមធីសឿ ជាគ្រួសារក្រីក្រ ប្តីមីងនិងកូនៗទៅធ្វើការស៊ីឈ្នួល នៅខេត្តបិញយឿង ដោយសារជំងឺ ទើបមកផ្ទះមិនបាន។​ មីងសឿនៅផ្ទះដាំបន្លែ ត្រសក់ បន្តិចបន្តួចសម្រាប់លក់ដូរប្រចាំថ្ងៃ។ មីងគឹមធីសឿបានឲ្យដឹង៖ អាស្រ័យដាំបានតែបន្តិចបន្តួចម៉្លោះហើយ ខ្ញុំទៅផ្សារលក់ដោយខ្លួនឯង។ ពេលព្រឹកលក់នៅផ្សារម៉ីចាញ់ ពេលរសៀល ប្រសិនជាបន្លែនៅសល់យកទៅលក់នៅផ្សាររសៀល ប៉ុន្តែបច្ចុប្បន្នមិនលក់នៅពេលរសៀលទៀត ខ្ញុំឆ្លៀតលក់ឲ្យអស់នៅពេលព្រឹក ទោះបីលក់ជាមួយតម្លៃថោកក៏ដោយ។ ប៉ុន្មានថ្ងៃនេះ បន្លែតិច ហេតុនោះហើយខ្ញុំមិនសូវព្រួយបារម្ភឡើយ។ ខ្ញុំទន្ទឹងឲ្យតែអស់អាសន្នរោគជំងឺដើម្បីប្តីនិងកូននៅខេត្តបិញយឿងបានត្រឡប់មកផ្ទះវិញ។

មិនត្រឹមតែនៅបណ្តាផ្សារបណ្តោះអាសន្នត្រូវបិទទ្វារ មានគ្រួសារលក់ដូរជាច្រើនទៀតនៅផ្សារផ្សេង ក៏ឈប់លក់ដោយខ្លួនឯង អាស្រ័យធានាសុខភាព​និងសំណូមពរអំពីបង្ការទប់ស្កាត់អាសន្នរោគជំងឺកូវីដ‑១៩ ដែលបានប្រកាសព្រមាន។ មីងហ្វិញធីណឿង​ ឈ្មួញម្នាក់នៅផ្សារហ្វាធ្វឹងចែករំលែកថា៖ មុននោះ ខ្ញុំលក់បន្លែផ្ទះផង ទិញបន្លែនៅកន្លែងផ្សេងមកលក់នៅផ្សារពេលព្រឹកទៀតផង។​  អាស្រ័យអាសន្នរោគជំងឺអូសអន្លាយ ខ្ញុំបារម្ភណាស់។ បច្ចុប្បន្ន គណៈកម្មាធិការប្រជាជនឃុំចែកប័ណ្ណទៅផ្សារ មិនសូវមានមនុស្សទៅផ្សារដូចមុនទៀត ម៉្លោះហើយ មីងលក់បន្លែ មើម ផ្លែឈើដែលគ្រួសារដាំបានឲ្យបណ្តាគ្រួសារលក់ដូរផ្សេង។ ទោះបីប្រភពចំណូលថយចុះ ប៉ុន្តែធានាបានសុខភាព អាស្រ័យគ្រួសារមីងណឿងមានសមាជិក ០៧ នាក់ ក្នុងនោះមានលោកយាយជាម្តាយរបស់មីងមានអាយុ ៨០ ឆ្នាំ​ និងចៅតូច ០២​ នាក់ទៀត ហេតុនោះ ដើម្បីធានាសុខភាព ជៀសវាងអាសន្នរោគជំងឺជាប្រការសំខាន់។

ស្មារតីយល់ដឹងរបស់ប្រជាជនអំពីការបង្ការទប់ស្កាត់អាសន្នរោគជំងឺកូវីដ‑១៩ បានលើកកម្ពស់ អាស្រ័យជះឥទ្ធិពលអាសន្នរោគ ប្រភពចំណូលរបស់មនុស្សភាគច្រើនត្រូវថយចុះ នេះជាស្ថានភាពរួម។ ហេតុនោះយើងរាល់គ្នាត្រូវលើកកម្ពស់ការយល់ដឹង កាត់បន្ថយការធ្វើដំណើរចេញទៅខាងក្រៅ ដើម្បីរួមដៃរុញច្រានអាសន្នរោគជំងឺកូវីដ‑១៩៕

ប្រែសម្រួល៖ សុខា