ភូមិទ្រព្រះបាទរួមកម្លាំងកសាងផ្លូវគមនាគមន៍ជនបទ

    ភូមិទ្រព្រះបាទ ឃុំញីទ្រឿង ស្រុកកូវង៉ាង មានគ្រួសារប្រជាជន ៣១១ គ្រួ (ក្នុងនោះ ជនរួមជាតិខ្មែរស្រូបយកអត្រា ៩៦,៤%)។ ​ជាភូមិស្ថិតនៅតំបន់ជ្រៅ តំបន់ដាច់ស្រ​យាល តំបន់ជនរួមជាតិខ្មែរ ម្ល៉ោះហើយមូលដ្ឋានតែងទទួលបានអាទិភាពក្នុងការផ្សព្វផ្សាយអនុវត្តបណ្តាកម្មវិធីគម្រោងការរបស់ខេត្តរបស់មជ្ឈិម។ ក្នុងនោះ​ វិស័យផ្លូវគមនាគមន៍ ក៏បានវិនិយោគកសាង។

    បច្ចុប្បន្ន ភូមិទ្រព្រះបាទមានផ្លូវកៅស៊ូ៤ ខ្សែ សរុបប្រវែងជាង៤.៥០០ម៉ែត្រផ្លូវបេតុង​០១ ខ្សែ​​ប្រវែងជិត ១.០០០ ម៉ែត្រ សរុបថវិកាអនុវត្តជាង ០៦ ពាន់លានដុង​ បានវិនិយោគកសាងពីកម្មវិធី ១៣៥​ និងកម្មវិធីគួបផ្សំដទៃមួយចំនួនទៀត។​ បណ្តាដងផ្លូវបានវិនិយោគកសាង បង្កឱ្យដងផ្លូវតភ្ជាប់គ្នាជាមួយភូមិរកា​ (បេ) និងភូមិ​សាស្ត្រជិតខាងមួយចំនួនទៀត។ ដើមឆ្នាំ ២០២០​ ភូមិបានស្រុកវិនិយោគកសាងស្ពានជនបទ០៤​ សរុបថ​វិកាជាង ៣០០ លានដុង។ សំណង់នេះ បង្កភាពងាយស្រួលសម្រាប់ប្រជាជនទៅដល់តំបន់សំខាន់ខាង​ការផលិត​កសិកម្ម​របស់ភូមិ។

  លោកថាច់ឫទ្ធី​ ប្រធានគណៈកម្មការប្រជាជនភូមិទ្រព្រះបាទបានឱ្យដឹងថា៖ បច្ចុប្បន្ន ផ្លូវ​គមនាគមន៍រីកចម្រីនបង្កភាពរីករាយ​​សម្រាប់ជនរួមជាតិខ្មែរ។ ​ ទោះជាដូច្នោះក៏ដោយ បណ្តាដងផ្លូវគមនាគមន៍​ខាង​លើបានត្រឹមតែបម្រើការធ្វើដំណើរទៅមក​ និងដឹកជញ្ជូនមុខទំនិញកសិផលតិចតួចរបស់ប្រជាជននៅក្នុងភូមិតែ​ប៉ុណ្ណោះ មិនទាន់មានដងផ្លូវបម្រើដល់ការផលិតរបស់មាមីង។ អាស្រ័យហេតុនោះ ភូមិបានយកយោបល់ប្រជាជន​​ រួចបង្កើតផែនការ ស្នើឡើងថ្នាក់លើកសាង ដងផ្លូវបន្ថែមដើម្បីបម្រើឱ្យការផលិតតាមដងប្រឡាយស្ថិតក្នុងវាលស្រែរបស់​ភូមិ​០១​ ខ្សែទៀត។ សំណង់មានប្រវែងសរុបជាង ២.០០០ ម៉ែត្រ​ទទឹង ០៣ ម៉ែត្រ​បានថ្នាក់លើយល់ព្រមតាមការគ្រោងទុក​ នឹង ដំណើរការកសាងនៅដើមឆ្នាំ ២០២១។​ បើសិនសំណង់នេះកសាងសម្រេចនឹងបម្រើឱ្យតំបន់ផលិតកសិកម្មរបស់មាមីង​ខ្មែរក្នុងភូមិជាង ៥០%​ បង្កើនតម្លៃផលិតកសិកម្មឡើងកម្រិតខ្ពស់ជាង។​​​សម្តែងក្តីរីករាយនៅចំពោះមុខភាពរីកចម្រើនអំពីផ្លូវគមនាគមន៍របស់ភូមិ លោកមាថាច់​​ថាយ (អាយុ ៧៦ ឆ្នាំ) ​បានចែករំលែក៖ ខ្ញុំជាអ្នកនៅស្រុកក្រៅមានគ្រួសារមករស់នៅភូមិទ្រព្រះបាទជាង ៥០ ឆ្នាំហើយ។ នឹកឃើញកាល​ពីមុន ពេលដល់រដូវវស្សាគឺបណ្តាដងផ្លូវត្រូវជន់លិច​ ភក់ជ្រាំច្រើន លំបាកបំផុតនៅរដូវប្រមូល​ផលស្រូវ មាមីងត្រូវហាលនៅនឹងកន្លែងរង់ចាំមេឃអស់ភ្លៀង​ ផ្លូវគោកស្ងួត ទើបមានឈ្មួញមកទិញ។​ អាច​ពិនិត្យឃើញថា​ ពេលបណ្តាដងផ្លូវគមនាគមន៍របស់ភូមិរីកចម្រើន ប្រជាជន​មានក្តីរីករាយយ៉ាងខ្លាំង ព្រោះបានរួម​ចំណែកបង្កភាពវិវឌ្ឍន៍អំពីជីវភាពរបស់ប្រជាជន។ ភូមិកំពុងបង្កើតផែនការកសាងដងផ្លូវគមនាគមន៍បន្ថែមសម្រាប់បម្រើការផលិតប្របតាមភ្លឺប្រឡាយរបស់ភូមិ។​​

            សំណង់ផ្លូវគមនាកមន៍បានរីកចម្រើន ស្មារតីការពារសំណង់បានប្រជាជនព្រមព្រៀងខ្ពស់។​ គិតតាំងពីដើមឆ្នាំ ​២០២០ មកទល់ពេលនេះ បណ្តាអង្គការមហាជន​ និងប្រជាជនចូលរួមថ្ងៃពលកម្មបានជិត ១០០ ថ្ងៃអនុវត្តបណ្តាកិច្ច​ការដូចជា៖ កាប់ឆ្ការគុម្ពោតឈើស៊ុមទ្រុម​ ជីកដីទប់សងខាងដងផ្លូវឲ្យរឹងមាំ។ល។

            លោកឡេថុងញ៉ឹក ប្រធានគណៈកម្មាធិការប្រជាជនឃុំញីទ្រឿងវាយតម្លៃ៖ បានការយកចិត្តទុកដាក់របស់​បណ្តាផ្នែកគ្រប់លំដាប់ថ្នាក់ដល់ភូមិដែលមានលក្ខណៈពិសេស មានជនរួមជាតិខ្មែររស់នៅច្រើន។​ បច្ចុប្បន្ន លើ​បណ្តាវិស័យជីវភាពរបស់ជនរួមជាតិខ្មែរនិយាយរួមបណ្តាដងផ្លូវគមនាគមន៍លើភូមិសាស្ត្រភូមិនិយាយដោយឡែក​កំពុងរីកចម្រើន ឆ្លើយតបតាមបំណងប្រាថ្នារបស់ប្រជាជនបង្ហាញឲ្យច្បាស់ពីលក្ខណៈប្រជាធិបតេយ្យពីព្រោះ រាល់យោ​បល់លាតត្រដាងក្តីទន្ទឹងរង់ចាំរបស់ប្រជាជនពេលនេះសុទ្ធតែបានដោះស្រាយ៕

​​​​​​​​​​​​​​​​​​​​​​​​​​​​​​​​​                                                                                          អត្ថបទ­រូបថត៖ សម្បត្តិ