ភូមិកំពង់ចាញ់ទ្រីប្តេជ្ញាជម្នះភាពក្រឡើងវិញ

ភូមិកំពង់ចាញ់ទ្រីឃុំតឹបស៊ើង ស្រុកថ្កូវមានគ្រួសារប្រជាជន ៣៥៤ គ្រួ ក្នុងនោះប្រជាជនខ្មែរស្រូបយកអត្រាជាង ៨២% ។ ដោយមានការចូលរួមរបស់ទូទាំងប្រព័ន្ធនយោបាយ ជាពិសេសស្មារតីឈានឡើងរបស់ប្រជាជនទាំងមូល មកទល់ពេលនេះ ភូមិកំពង់ចាញ់ទ្រីនៅគ្រួសារក្រីក្រត្រឹម ០៦ គ្រួ និងគ្រួសារជិតក្រ ២២ គ្រួប៉ុណ្ណោះ។ ជីវភាពប្រជាជនបន្តអភិវឌ្ឍ ហើយគ្រួសារអ្នកមាន គ្រួសារធូរធាកើនឡើងជាលំដាប់។ បច្ចុប្បន្នភូមិ​មានគ្រួសារអ្នកមាន អ្នកធូរធាគ្រាន់បើ  ១៨២ គ្រួ គ្រួសារមធ្យម ១៤៤ គ្រួ។ ប្រភពចំណូលជាមធ្យមរបស់មនុស្សម្នាក់ ៤៥ លានដុងក្នុងមួយឆ្នាំ (កើន ០៥ លានដុងបើប្រៀបនឹងឆ្នាំ ២០១៨)។ ដើម្បីអនុវត្តគោលដៅលុបបំបាត់គ្រួសារក្រីក្រ និងជម្នះភាពក្រឡើងវិញនោះ តាំងពីដើមឆ្នាំភូមិបានស្វែងយល់អំពីស្ថានភាពគ្រួសាររបស់ប្រជាជនទាំង មូលជាពិសេសគឺគ្រួសារក្រីក្រ និងជិតក្រ។ ឆ្លងតាមរយៈនោះ មានគ្រួសារប្រជាជន ២៥៧ គ្រួ ត្រូវការបុលទុន ក្នុងនោះមានគ្រួសារជិតក្រ ១៦ គ្រួ។ មកទល់ពេលនេះ​ភូមិបាន​បង្កលក្ខណៈឲ្យ ២៥៧/២៥៧  គ្រួបុល សរុបប្រាក់បំណុលជាង ១០,៧ ពាន់លានដុង។ ភាគច្រើនគ្រួសារទាំងនោះវិនិយោគក្នុងការចិញ្ចឹមគោ។ បច្ចុប្បន្ន ភូមិមានប្រជាជន ​១៤៨ គ្រួចិញ្ចឹមគោ សរុបហ្វូងគោជាង ៨០០ ក្បាល។  

លោកមាគីមស៊ុងកំពុងថែទាំគោ។         

ទៅកាន់គ្រួសារលោកមាគីមស៊ុង ជាគ្រួសារជិតក្រមួយក្នុងចំណោមគ្រួសារជិតក្រក្នុងភូមិ។ ឆ្នាំនេះលោកមាគីមស៊ុងអាយុជិត ៨០ ឆ្នាំហើយ (រស់នៅម្នាក់ឯង) តែសុខភាពគាត់នៅមួនមាំ​ហើយព្យាយាមធ្វើការរកស៊ីណាស់។ជាច្រើនឆ្នាំកន្លង ភូមិតែងយកចិត្តទុកដាក់ជួយឧបត្ថម្ភគ្រួសារលោកមាជានិច្ច។ គាត់បានរដ្ឋឧបត្ថម្ភផ្ទះ ០១ ខ្នងតាមសេចក្តីសម្រេចចិត្តលេខ ១៦៧ កាលពីឆ្នាំ ២០០៩។ លុះផ្ទះនោះទ្រុឌទ្រោមរដ្ឋអំណាចក៏ចលនាប្រជាជនឧបត្ថម្ភប្រាក់ជួសជុលឲ្យរឹងមាំទៀត។ ឆ្នាំ ២០១៩ គ្រួសារគាត់បានគម្រោងការ AMD ត្រាវិញឧបត្ថម្ភប្រាក់ ៨,៥ លានដុងសម្រាប់ ចិញ្ចឹមមាន់ជាង ៣០០ ក្បាល។ ទោះបីគាត់ខិតខំថែទាំរួចមាន់ធំធាត់ល្អក្ដី ប៉ុន្តែដោយសារអាកាសធាតុប្រែប្រួល​កើតជំងឺអាសន្នរោគទើបបណ្តាលឲ្យមាន់ដែលជិតដល់ថ្ងៃលក់នោះងាប់អស់។ ដូច្នេះហើយ គ្រួសាររបស់គាត់មាននិន្នាការក្រឡើងវិញ ។ ក៏ក្នុងឆ្នាំ ២០១៩ នោះដែរ គ្រួសារគាត់ទទួលបានប្រាក់ឧបត្ថម្ភ ១០,៨ ​​លានដុងពីប្រភពទុនពង្រីកការផលិតសម្រាប់ទិញគោ ០១ ​ក្បាលមកចិញ្ចឹម។ ទន្ទឹមនឹងនោះ រដ្ឋអំណាចមូលដ្ឋាននៅទាំងចលនាប្រជាជនឲ្យគ្រួសារគាត់ខ្ចីដី ២,៥ កុងសម្រាប់ដាំដំណាំទៀតផង។

លោកមាគីមស៊ុង សំណេះសំណាលថា៖ដោយបានការយកចិត្តទុកដាក់យ៉ាងពិសេសរបស់រដ្ឋអំណាចគ្រប់លំដាប់ថ្នាក់ ជីវភាពគ្រួសារខ្ញុំរួចផុតពីភាពក្រីក្រកាលពីឆ្នាំ ២០១៨។ ក្នុងឆ្នាំ ២០១៩ គ្រួសារខ្ញុំស្ថិតក្នុងក្របខ័ណ្ឌជាគ្រួ សារជិតក្រ រួចរដ្ឋអំណាចគ្រប់លំដាប់ថ្នាក់ក៏ឧបត្ថម្ភគ្រួសារខ្ញុំបន្តទៀត។ បច្ចុប្បន្ន ក្រៅពីថែទាំគោ​ខ្ញុំឆ្លៀតពេលដាំដំណាំ (ដាំល្ពៅ ផ្កាស្បៃរឿង) លើផ្ទៃដីដែលរដ្ឋអំណាចចលនាប្រជាជនឲ្យខ្ចី។

ចំពោះគ្រួសារអ្នកមានវ័យចាស់ គ្រួសារក្រីក្រ ជិតក្រ រួមជាមួយការឧបត្ថម្ភអាទិភាពរបស់បក្សនិងរដ្ឋ រដ្ឋអំណាចមូលដ្ឋាននៅទាំងចលនាសប្បុរសជនជូនអំណោយ ជូនប្រាក់។ល។ ដើម្បីកែលម្អជីវភាព។ តាំងពីដើមឆ្នាំ ២០២០ មកទល់ពេលនេះ ភូមិចលនាបានអំណោយជិត ១.២៣០ ចំណែក សរុបតម្លៃជិត ៣០០ លានដុងជូនដល់គ្រួសារក្រីក្រ ជិតក្រក្នុងភូមិ។​ ក្រៅពីនោះនៅទាំងឡើងបញ្ជីរាយនាមគ្រួសារប្រជាជន ៦៥ គ្រួ ក្នុងនោះមានគ្រួសារជិតក្រ ១៩ គ្រួ​បុលទុនឥណទានអាទិភាព សរុបប្រាក់ទុនជាង ១,៥ ពាន់លានដុងសម្រាប់ពង្រីកសេដ្ឋ កិច្ចគ្រួសារ។

លោកគីមយ៉ឿន លេខាសាខាបក្សភូមិកំពង់ចាញ់ទ្រីបានឲ្យដឹង៖ ជីវភាពប្រជាជននៅភូមិកំពង់ចាញ់ទ្រីនិយាយរួម ជីវភាពប្រជាជនខ្មែរនិយាយដោយឡែកមានការរីកចម្រើនលើគ្រប់វិស័យ។ បច្ចុប្បន្នភូមិនៅមានគ្រួសារក្រីក្រត្រឹមតែ ០៦ គ្រួប៉ុណ្ណោះ ហើយភាគច្រើនជាគ្រួសារស្ថិតក្នុងក្របខ័ណ្ឌគាំពារសង្គម។ ឆ្នាំ ២០២០ ភូមិផ្តុំកម្លាំងឧបត្ថម្ភបណ្តាគ្រួសារជិតក្រពង្រីកសេដ្ឋកិច្ចគ្រួសារឲ្យរីកចម្រើនជាបន្តទៀត ដើម្បីជម្នះស្ថានភាពក្រឡើងវិញទៀត។ ដោយបានការឧបត្ថម្ភគាំទ្រពីសំណាក់រដ្ឋអំណាចគ្រប់លំដាប់ថ្នាក់រួមជាមួយស្មារតីពុះពារឈានឡើងរបស់ប្រជាជនទាំងមូល ជាពិសេសគ្រួសារក្រីក្រ ជិតក្រ សង្ឃឹមថាភូមិកំពង់ចាញ់ទ្រីបន្តការរីកចម្រើនលើគ្រប់វិស័យ៕               

                     អត្ថបទ‑រូបថត៖ សុជា