ពង្រីកវត្ថុធាតុដើមសុវត្ថិភាពសម្រាប់បម្រើការផលិត

ជាក់ស្ដែងគឺបណ្ដាប្រភេទកសិផល  ជលផល ស្រូវអង្ករ ដូង ផ្លែឈើ បង្កង ត្រីប្រា សាច់ជ្រូក សាច់គោ សាច់ និងស៊ុតបក្សី។ ខេត្តនឹងឧបត្ថម្ភអាជីវកម្ម សហករណ៍ មូលដ្ឋានផលិត ធ្វើអាជីវកម្មបណ្ដាប្រភេទ កសិផល ជលផលនេះប្រសព្វជាមួយបណ្ដាគោលនយោបាយស្ដីពីការវិនិយោគឥណទាន ជំរុញពាណិជ្ជកម្ម ។ល។ ដើម្បីបង្កើនលទ្ធភាពប្រជែង បើកទូលាយទីផ្សារលក់ផលិតផល។

ផ្នែកសមត្ថកិច្ចខេត្តបង្កើនការតាមដាន ក្ដាប់ស្ថានភាពធ្វើសកម្មភាពរបស់បណ្ដាច្រកព្រំដែន ផ្ដល់ព័ត៌មានដល់អាជីវកម្ម សហករណ៍ មូលដ្ឋានផលិត អាជីវកម្មដើម្បីបត់បែងមុខទំនិញនីហរ័ណទាន់ពេល ជំរុញមាំព័ត៌មានតម្រូវការលក់កសិផល ជលផលរបស់បណ្ដាទីផ្សារនីហរ័ណចំពោះដៃគូបច្ចុប្បន្ន និងបណ្ដាទីផ្សារនីហរ័ណដែលប្រទេសវៀតណាមបានចុះហត្ថលេខាសន្ធិសញ្ញាពាណិជ្ជកម្មសេរីភាពជំនាន់ថ្មី(FTA)។

ទន្ទឹមនឹងនោះ ផ្នែកសមត្ថកិច្ចក៏បានផ្ដល់ព័ត៌មាន ព្យាករណ៍បណ្ដាផលិតផលដែលមាននិន្នាការត្រូវស៊ើបអង្កេត អនុវត្តវិធានការបង្ការពាណិជ្ជកម្មក្លែងក្លាយប្រភព និងដឹកជញ្ជូនខុសច្បាប់ពេលនីហរ័ណ ទៅទីផ្សារបរទេស។ បណ្ដារបងបច្ចេកទេសចំពោះវិស័យពាណិជ្ជកម្ម និងបណ្ដាវិធានការសុវត្ថិភាពអាហារ ត្រួតពិនិត្យសត្វ ជួយឲ្យអាជីវកម្ម សហករណ៍ មូលដ្ឋានផលិត ធ្វើអាជីវកម្មមានទិសដៅដើម្បីចាត់តាំងពង្រីកការផលិត ធ្វើអាជីវកម្ម និងនីហរ័ណមានប្រសិទ្ធភាព។

មាមីងកសិករឃុំង៉ាយស្វៀង ស្រុកថ្កូវប្រមូលផលស្រូវ។ រូបថត៖ ថាច់ហ្វាង

រួមជាមួយនោះ ខេត្តជំរុញមាំការអនុវត្តន៍បច្ចេកវិទ្យាព័ត៌មាន ជំរុញពាណិជ្ជកម្មតាមរយៈការអនុវត្តន៍ពាណិជ្ជកម្មអេឡិចត្រូនិច និងបណ្ដាគ្រឹះស្ថានបច្ចេកវិទ្យាលេខ យកចិត្តទុកដាក់បន្តភ្ជាប់ ផ្សព្វផ្សាយ លក់ផលិតផលតាមរយៈការអនុវត្តន៍នេះ ជំរុញមាំការពង្រីកទីផ្សារក្នុង និងក្រៅប្រទេសព្រមទាំងនីហរ័ណ។ ខេត្តឧបត្ថម្ភ ផ្សព្វផ្សាយ ឧទ្ទេសនាមផលិតផល អាជីវកម្មនីហរ័ណរបស់ខេត្តលើបណ្ដាឈ្នាន់ទំនាក់ទំនងពាណិជ្ជកម្មអេឡិចត្រូនិចបណ្ដាខេត្ត ក្រុង ប្រទេស និងអន្តរជាតិ។

ខេត្តក៏ពង្រីកបណ្ដារូបភាពសហការចងសម្ព័ន្ធការផលិត ច្នៃលក់មុខទំនិញតាមកន្សោមតម្លៃ បន្តភ្ជាប់ជាមួយប្រព័ន្ធលក់ផលិតផលក្នុង និងក្រៅប្រទេស បន្តណែនាំអនុវត្តកម្មវិធីឃុំនីមួយៗមានផលិតផល (OCOP) មួយមុខ កសាងពាណិជ្ជសញ្ញាសម្រាប់ផលិតផល លេខកូដតំបន់ដាំ និងពិនិត្យ សង្កេតម៉ត់ចត់បណ្ដាតំបន់ចិញ្ចឹម ដាំ បណ្ដាមូលដ្ឋានច្នៃ បញ្ចូលកញ្ចប់ នៅលើភូមិសាស្រ្តខេត្ត។ល។ ប្រការនេះគឺសំដៅបង្កើនតម្លៃ និងកម្លាំងប្រជែងសម្រាប់ផលិតផលរបស់ខេត្ត ឆ្លើយតបបណ្ដាតម្រូវការរបស់ទីផ្សារក្នុង ក្រៅប្រទេស និងនីហរ័ណ។

លោកផាមមិញត្រៀង នាយកមន្ទីរកសិកម្ម និងអភិវឌ្ឍន៍ជនបទខេត្តត្រាវិញបានឲ្យដឹងថា ការជះឥទ្ធិពលអាសន្នរោគកូវីដ-១៩ ក្នុងពេលកន្លង មាមីងកសិករជួបការលំបាកច្រើនក្នុងការលក់មុខទំនិញកសិផល ជលផល។ ដើម្បីបង្កើនតម្លៃកសិផល ជលផលក្នុងខេត្ត ធានាលក្ខណៈនីហរ័ណ បើកទូលាយទីផ្សារ ផ្នែកកសិកម្មខេត្តបានចលនាមាមីងកសិករផលិតតាមទិសដៅសរីរាង្គ សុវត្ថិភាព បំផុតគឺបណ្ដាមុខទំនិញពិសេសរបស់ខេត្ត។

បានដឹងថា ផ្ទៃដីផលិតស្រូវរបស់ខេត្តប្រមាណ ៨០.០០០ ហិកតា បរិមាណផលសម្រេចប្រមាណ ១,១៥ លានតោនក្នុងមួយឆ្នាំ។ មានផ្ទៃដីចម្ការដូង ២៤.០០០ ហិកតា បរិមាណផលសម្រេច ៣៥០.០០០ តោនក្នុងមួយឆ្នាំ និងមានផ្ទៃដីចម្ការឈើហូបផ្លែជិត ២០.០០០ ហិកតា បរិមាណផលសម្រេចជាង ២៦៣.០០០ តោនក្នុងមួយឆ្នាំ។

ទន្ទឹមនឹងនោះ ក្នុងមួយឆ្នាំៗបរិមាណផលបង្កងចិញ្ចឹមរបស់ខេត្តសម្រេចជាង ៧៥.៥០០ តោន ត្រីប្រា សម្រេច ៤.៥០០ តោន សាច់ជ្រូកសម្រេចជាង ៧៦.០០០ តោន សាច់គោសម្រេចជាង ១៦.០០០ តោន សាច់បក្សីសម្រេច ២១.០០០ តោន និងស៊ុតបក្សីសម្រេច ១៦០  លានពង៕    

ប្រែសម្រួល៖ ថាច់ហ្វាង